Just In
- 4 hrs ago ವಿಕಲಚೇತನರಿಗೆ ಸ್ಕೂಟಿ ಗಿಫ್ಟ್..! ಮನೆ ಕಟ್ಟಿಕೊಡುವ ಭರವಸೆ ನೀಡಿದ ನಟ ಲಾರೆನ್ಸ್..!
- 5 hrs ago ಗರಿ ಗರಿಯಾದ ಕೋಡುಬಳೆ ಮನೆಯಲ್ಲೇ ಮಾಡಿ.! 4 ವಸ್ತು ಇದ್ದರೆ ಸಾಕು
- 8 hrs ago Zero Shadow Day: ಬೆಂಗಳೂರಲ್ಲಿ ಇಂದು ಶೂನ್ಯ ನೆರಳು ದಿನ.! ಯಾವ ಸಮಯದಲ್ಲಿ ಗೊತ್ತಾ?
- 10 hrs ago ಹೋಟೆಲ್ ರುಚಿಯ ಪನೀರ್ ಪೆಪ್ಪರ್ ಫ್ರೈ ಮನೆಯಲ್ಲೇ ಮಾಡಿ..! 10 ನಿಮಿಷದಲ್ಲಿ ರೆಡಿ..!
Don't Miss
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Sports DC vs GT IPL 2024: ಡೆಲ್ಲಿ ಕೋಟೆಯಲ್ಲಿ ವಿಜಯದ ಪತಾಕೆ ಹಾರಿಸುತ್ತಾ ಗುಜರಾತ್?; ಟಾಸ್ ವರದಿ, ಆಡುವ ಬಳಗ
- Movies Amruthadhaare ; ತವರು ಮನೆಗಾಗಿ ಮಿಡಿದ ಭೂಮಿಕಾ ; ಒಡವೆಗಳನ್ನು ಅಡವಿಡುತ್ತಾಳಾ..?
- News ಲೋಕಸಭಾ ಚುನಾವಣೆ 2024: ಮತದಾನಕ್ಕೆ ಸಕಲ ಮಂಡ್ಯ ಜಿಲ್ಲಾಡಳಿತದಿಂದ ಸಕಲ ಸಿದ್ಧತೆ
- Technology Bengaluru: ಆ ಆಪ್ ಇನ್ಸ್ಟಾಲ್ ಮಾಡಿದ್ದೇ ತಡ 5.2 ಕೋಟಿ ರೂ. ಮಾಯ.. ನೀವು ಎಚ್ಚರ
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕ್ರಿಸ್ಮಸ್ ವಿಶೇಷ: ನಂಬಿಕೆ ಭರವಸೆಯ ಪ್ರತೀಕ 'ಮೇಣದ ಬತ್ತಿ'
ಕ್ರಿಸ್ಮಸ್ನಂದು ಮೇಣದ ಬತ್ತಿಗಳನ್ನು ಹಚ್ಚುವುದು ಒಂದು ನೈಜ ಅರ್ಥವನ್ನು ಪಡೆದುಕೊಂಡಿದೆ. ಇದು ಹೇಗೆ ಉರಿಯುತ್ತದೆ ಎಂಬುದು ಮಹತ್ವವಲ್ಲ, ಬದಲಿಗೆ ವ್ಯಕ್ತಿ ದೇವರಲ್ಲಿ ಇಟ್ಟ ನಂಬಿಕೆಯನ್ನು ಇದು ಪ್ರತಿಪಾದಿಸುತ್ತದೆ
ಕ್ರಿಸ್ಮಸ್ ಹಬ್ಬಕ್ಕೆ ಇನ್ನೇನು ಕೆಲವೇ ದಿನಗಳು ಬಾಕಿ ಇದೆ. ಕ್ರಿಸ್ಮಸ್ ಹಬ್ಬಕ್ಕಾಗಿ ಕ್ರೈಸ್ತ ಬಾಂಧವರು ಡಿಸೆಂಬರ್ ತಿಂಗಳ ಆರಂಭದಲ್ಲೇ ಗೋಧುಲಿಗಳನ್ನು ನಿರ್ಮಿಸಿ ಅದನ್ನು ಅಲಂಕರಿಸಿ, ಪ್ರಾರ್ಥನೆಗಳನ್ನು ಮಾಡಿ ಕ್ರಿಸ್ತುವಿನ ಜನ್ಮ ದಿನಕ್ಕೆ ಶುಭ ಚಾಲನೆಯನ್ನು ನೀಡುತ್ತಾರೆ. ದೇವ ಪುತ್ರ ಏಸು ಕ್ರಿಸ್ತುವಿನ ಹುಟ್ಟು ಹಬ್ಬವನ್ನು ಎಷ್ಟು ವಿಜೃಂಭಣೆಯಿಂದ ಆಚರಿಸಿದರೂ ಸಾಲದು, ಅಷ್ಟೊಂದು ಮಹತ್ವದ ಹಬ್ಬ ಕ್ರಿಸ್ಮಸ್ ಎಂಬುದು ಅವರ ಮಾತಾಗಿದೆ.
ಕ್ರಿಸ್ಮಸ್ ಆಚರಣೆಯಲ್ಲಿ ಕೇಕ್ನಿಂದ ಹಿಡಿದು ಪ್ರತಿಯೊಂದು ವಸ್ತುವಿಗೂ ಅದರದ್ದೇ ಆದ ಮಹತ್ವವಿದೆ. ಈ ದಿನದಂದು ಮಾಡಲಾಗುವ ಪ್ರತಿಯೊಂದು ಕಾರ್ಯವೂ ದೇವರಿಗೆ ಮೆಚ್ಚುಗೆಯಾಗಬೇಕು ಎಂದಾಗಿದೆ. ಕ್ರಿಸ್ಮಸ್ ಹಬ್ಬದಲ್ಲಿ ಮೇಣದ ಬತ್ತಿಗೂ ತನ್ನದೇ ಆದ ವಿಶೇಷತೆ ಇದ್ದು ಜೆವಿಶ್ನ 'ಫೀಸ್ಟ್ ಆಫ್ ಲೈಟ್' ಎಂಬ ಆಚರಣೆಯಿಂದ ಬಂದಿದೆ.
ಮೇಣದ ಬತ್ತಿಯು ಏಸುವನ್ನು ಪ್ರತಿನಿಧಿಸುತ್ತದೆ. ವಿಶ್ವದ ಬೆಳಕು ಎಂಬುದಾಗಿಯೇ ಜನರು ಏಸುವನ್ನು ಕರೆದಿದ್ದು, ಇದಕ್ಕಾಗಿ ಮೇಣದ ಬತ್ತಿಯನ್ನು ಹಚ್ಚಿಡುವುದು ಸಂಪ್ರದಾಯವಾಗಿದೆ. ಅಂತೆಯೇ ನಂಬಿಕೆ ಮತ್ತು ಭರವಸೆಯ ಪ್ರತೀಕವಾಗಿ ಕೂಡ ಮೇಣದ ಬತ್ತಿಯನ್ನು ಹಚ್ಚಿಡುತ್ತಾರೆ.
ಪ್ರತಿಯೊಂದು ದೇಶದಲ್ಲೂ ಮೇಣದ ಬತ್ತಿ ಹಚ್ಚಿಡುವುದಕ್ಕೆ ಅದರದ್ದೇ ಆದ ಕಾರಣಗಳಿದ್ದು ಅದೇನು ಎಂಬುದನ್ನು ಇಂದಿನ ಲೇಖನದಲ್ಲಿ ತಿಳಿದುಕೊಳ್ಳೋಣ.....
ಐರ್ಲ್ಯಾಂಡ್
ಮನೆಯಲ್ಲಿರುವ ತಂದೆ ಅಥವಾ ತಾಯಿ ಪವಿತ್ರವಾಗಿ ಅಲಂಕರಿಸಿದ ದೊಡ್ಡ ಮೇಣದ ಬತ್ತಿಯನ್ನು ಹಚ್ಚಿಡುತ್ತಾರೆ. ನಂತರ ಕುಟುಂಬ ಸದಸ್ಯರು ಒಟ್ಟಾಗಿ ಕುಳಿತು ಬದುಕಿರುವ ಮತ್ತು ಮೃತರಾಗಿರುವ ತಮ್ಮ ಪ್ರೀತಿ ಪಾತ್ರರಿಗಾಗಿ ಪ್ರಾರ್ಥನೆಯನ್ನು ಮಾಡುತ್ತಾರೆ.
ಸ್ಲಾವಿಕ್ ದೇಶಗಳು
ಚರ್ಚ್ನಲ್ಲಿರುವ ಗುರುಗಳು ಆಶೀರ್ವದಿಸಿದ ದೊಡ್ಡ ಮೇಣದ ಬತ್ತಿಯನ್ನು ಮೇಜಿನ ಮೇಲೆ ಇರಿಸಲಾಗುತ್ತದೆ. ಉಕ್ರೇನಿಯನ್ನುರು ಕ್ಯಾಂಡಲ್ ಸ್ಟ್ಯಾಂಡ್ಗಳನ್ನು ಬಳಸುವುದಿಲ್ಲ. ಬದಲಿಗೆ ಬ್ರೆಡ್ ಮೇಲೆ ಅದನ್ನಿರಿಸುತ್ತಾರೆ.
ದಕ್ಷಿಣ ಅಮೇರಿಕಾ
ದಕ್ಷಿಣ ಅಮೇರಿಕಾದ ಹೆಚ್ಚಿನ ಭಾಗಗಳಲ್ಲಿ ಮೇಣದ ಬತ್ತಿಯನ್ನು ಕ್ರಿಸ್ಮಸ್ ಗುರುತುಗಳೊಂದಿಗೆ ಪೇಪರ್ ಲ್ಯಾಟೀನ್ನಲ್ಲಿ ಇರಿಸಲಾಗುತ್ತದೆ ಇದರೊಂದಿಗೆ ಅಲಂಕಾರದ ಸ್ಥಳೀಯ ಸಂಸ್ಕೃತಿಯ ಚಿತ್ರಗಳನ್ನು ಇರಿಸಲಾಗುತ್ತದೆ.
ಇಂಗ್ಲೇಂಡ್ ಮತ್ತು ಫ್ರಾನ್ಸ್
ಪವಿತ್ರತೆಯ ಸಂಕೇತವಾಗಿರುವ ತಳದಲ್ಲಿ ಜೊತೆಯಾಗಿ ಬಿಂಬಿಸುವ ಮೂರು ಮೇಣದ ಬತ್ತಿಗಳನ್ನು ಹಚ್ಚಲಾಗುತ್ತದೆ.
ಜರ್ಮನಿ
ಹದಿನೇಳು ಮತ್ತು ಹದಿನೆಂಟನೇ ಶತಮಾನದಲ್ಲಿ ಎವರ್ಗ್ರೀನ್ಗಳಿಂದ ಅಲಂಕೃತಗೊಂಡ ಮರದ ಅಂಚಿನ ಮೇಲ್ಭಾಗದಲ್ಲಿ ಕ್ರಿಸ್ಮಸ್ ಮೇಣದ ಬತ್ತಿಗಳನ್ನು ಇರಿಸಲಾಗುತ್ತಿತ್ತು.
ವ್ಯಕ್ತಿ ದೇವರಲ್ಲಿ ಇಟ್ಟ ನಂಬಿಕೆಯನ್ನು ಇದು ಪ್ರತಿಪಾದಿಸುತ್ತದೆ
ಕ್ರಿಸ್ಮಸ್ನಂದು ಮೇಣದ ಬತ್ತಿಗಳನ್ನು ಹಚ್ಚುವುದು ಒಂದು ನೈಜ ಅರ್ಥವನ್ನು ಪಡೆದುಕೊಂಡಿದೆ. ಇದು ಹೇಗೆ ಉರಿಯುತ್ತದೆ ಎಂಬುದು ಮಹತ್ವವಲ್ಲ, ಬದಲಿಗೆ ವ್ಯಕ್ತಿ ದೇವರಲ್ಲಿ ಇಟ್ಟ ನಂಬಿಕೆಯನ್ನು ಇದು ಪ್ರತಿಪಾದಿಸುತ್ತದೆ ಮಾನವ ಜೀವನ ಸ್ಥಿರವಲ್ಲ ಎಂಬುದನ್ನು ತಿಳಿಸುತ್ತದೆ. ಮೇಣದ ಬತ್ತಿಯಂತೆ ಸಮಯ ಬಂದಾಗ ಅದೂ ಕೂಡ ಕರಗಿ ಇಲ್ಲವಾಗುತ್ತದೆ ಎಂದಾಗಿದೆ.