ಹಿಂದೂ ಧರ್ಮದಲ್ಲಿ ಮೆಹಂದಿ ಶಾಸ್ತ್ರದ ಅರ್ಥವೇನು?

ಹಿಂದೂ ಮದುವೆಯಲ್ಲಿ ಅನೇಕ ರೀತಿಯ ಸಂಪ್ರದಾಯಗಳನ್ನು ಕಾಣಬಹುದು. ಅದರಲ್ಲೊಂದು ಮದರಂಗಿ ಸಂಪ್ರದಾಯ. ಮದುವೆಯ ಹಿಂದಿನ ದಿನ ಮದರಂಗಿ ಶಾಸ್ತ್ರ ಮಾಡಿ ಮದು ಮಗ ಮತ್ತು ಮದು ಮಗಳ ಕೈಗೆ ರಂಗೋಲಿಯನ್ನು ಹಾಕಲಾಗುವುದು. ಈ ಸಂಪ್ರದಾಯ ಹಿಂದಿನ ಕಾಲದಿಂದಲೂ ಇದೆ.

ಹಿಂದೆಯೆಲ್ಲಾ ಮೆಹಂದಿಯಿಂದ ಚುಕ್ಕಿಗಳನ್ನು ಹಾಕುತ್ತಿದ್ದರು. ಈಗ ಮದುವೆ ಶಾಸ್ತ್ರ ಅಂತ ಮಾಡಿ ಮಾಡಿ ನಂತರ ಆಕರ್ಷಕ ವಿನ್ಯಾಸದಲ್ಲಿ ಮೆಹಂದಿಯನ್ನು ಹಾಕಲಾಗುವುದು. ಈ ಮೆಹಂದಿ ಸಂಪ್ರದಾಯದ ಉದ್ದೇಶವೇನು ಎಂದು ಈ ಕೆಳಗೆ ಹೇಳಲಾಗಿದೆ:

ಮದುವೆಯ ಅನುಬಂಧ: ಮೆಹಂದಿ ಮದುವೆಯ ಸಂಬಂಧದ ಸಂಕೇತವಾಗಿದೆ. ಮೊದಲು ಮೆಹಂದಿಯನ್ನು ಮದುವೆಯಲ್ಲಿ ಮಾತ್ರ ಹಾಕಲಾಗುತ್ತಿತ್ತು. ಕಾಲ ಬದಲಾದಂತೆ ಫ್ಯಾಷನ್ ಹೆಸರಿನಲ್ಲಿ ಮೆಹಂದಿಯನ್ನು ಹಾಕಲಾಗುತ್ತಿದೆ.

ಪ್ರೀತಿಯ ಬಣ್ಣ: ಮೆಹಂದಿ ಪೋಷಕರ ಪ್ರೀತಿಯ ಪ್ರತೀಕವಾಗಿದೆ. ಮೆಹಂದಿ ತುಂಬಾ ಕಪ್ಪಾದರೆ ಗಂಡನ ತಾಯಿ ಸೊಸೆಯನ್ನು ಪ್ರೀತಿಯಿಂದ ನೋಡಿಕೊಳ್ಳುತ್ತಾಳೆ ಎಂಬುದರ ಸಂಕೇತ ಎಂಬ ನಂಬಿಕೆ ಅನೇಕರಲ್ಲಿದೆ.

ಪವಿತ್ರ: ಮೆಹಂದಿ ಶುಭದ ಸಂಕೇತವಾಗಿದೆ. ಉತ್ತರ ಭಾರತದ ಕಡೆಗೆ ಕೆಲವೊಂದು ವಿಶೇಷ ಹಬ್ಬಗಳಲ್ಲಿ ಉದಾಹರಣೆಗೆ ಕರ್ವಾ ಚೌತ್ ಗೆ ಮದುವೆಯಾದ ಹೆಣ್ಣು ಮಕ್ಕಳು ಮೆಹಂದಿ ಹಚ್ಚದಿದ್ದರೆ ಅದು ಶಾಪ ದೊರೆಯುತ್ತದೆ ಎಂಬ ನಂಬಿಕೆ ಇದೆ.

ಸಂತೋಷ ಮತ್ತು ಸಂಸ್ಕೃತಿ: ಮೆಹಂದಿ ಶಾಸ್ತ್ರವನ್ನು ಹೆಚ್ಚಿನವರು ತಮ್ಮ ಮದುವೆಯಲ್ಲಿ ತುಂಬಾ ಅದ್ಧೂರಿಯಿಂದ ಮಾಡುತ್ತಾರೆ.

ಸಹೋದರನ ರಕ್ಷಣೆಗೆ: ಈ ಪದ್ಧತಿ ಹಿಂದೂ ಧರ್ಮದ ಅನೇಕ ಪಂಗಡಗಳಲ್ಲಿ ಕಂಡು ಬರುತ್ತದೆ. ಮದು ಮಗಳಿಗೆ ಸಹೋದರ ಇದ್ದರೆ ಅಣ್ಣ-ತಂಗಿಯ ಸಂಬಂಧ ಚೆನ್ನಾಗಿರಲಿ ಎಂದು ಸಹೋದರನ ಕೈಯ ಹಿಂಬದಿಗೆ ಮೆಹಂದಿಯನ್ನು ಹಚ್ಚಲಾಗುವುದು.

ಮದುವೆಯಲ್ಲಿ ಮೆಹಂದಿ ಶಾಸ್ತ್ರ ಸಂತೋಷ ಮತ್ತು ಸಂಸ್ಕೃತಿಯನ್ನು ಬಿಂಬಿಸುವ ಆಚರಣೆಯಾಗಿದೆ.