Click it and Unblock the Notifications
Latest Updates
-
Weekly Horoscope: ಮಾರ್ಚ್ 22 ರಿಂದ ಮಾರ್ಚ್ 29ರ ವರೆಗೆ ತುಲಾದಿಂದ ಮೀನ ರಾಶಿವರೆಗಿನ ವಾರ ಭವಿಷ್ಯ! -
Weekly Horoscope: ಮಾರ್ಚ್ 22 ರಿಂದ ಮಾರ್ಚ್ 29ರ ವರೆಗೆ ಮೇಷದಿಂದ ಕನ್ಯಾ ರಾಶಿವರೆಗಿನ ವಾರ ಭವಿಷ್ಯ! -
ಮಳೆಗಾಲಕ್ಕೆ ತಯಾರಾಗಿ: ನಿತ್ಯ ಊಟದೊಂದಿಗೆ ಸವಿಯಲು ರವೆ ಸಂಡಿಗೆ ಮಾಡಿ! -
ಮೀನ ರಾಶಿಯಲ್ಲಿ ಶನಿ-ಮಂಗಳ ಸಂಯೋಗ: ಅಪರೂಪದ ಸಮ್ಮಿಲನವು ತರಲಿದೆ ಬಿಕ್ಕಟ್ಟು, ಆರ್ಥಿಕ ಸಮಸ್ಯೆ! -
ಈ 2 ರಾಶಿಯವರ ಪ್ರೇಮ ಸಂಬಂಧಗಳು ಸಿಹಿ! ಸಣ್ಣಪುಟ್ಟ ಸಮಸ್ಯೆಗಳು ಖಚಿತ -
March 21 Horoscope: ಹೊಸ ಆರಂಭಗಳಲ್ಲಿ ಹಣ ಹೂಡಿಕೆಗೆ ಯೋಗ್ಯ ದಿನ! -
ಒಂದು ಹನಿ ಎಣ್ಣೆ ಇಲ್ಲದೆ ಮಾಡಿ ದಹೀ ಭಲ್ಲಾ! ರುಚಿ, ಆರೋಗ್ಯದಲ್ಲಿ ರಾಜಿ ಇಲ್ಲ.. ತೂಕ ಡಬಲ್ ಇಳಿಯುತ್ತೆ -
ಸುಸ್ತು & ಆಯಾಸದಿಂದ ಬಳಲುತ್ತಿದ್ದೀರಾ? ಈ ರಾಗಿ ಖರ್ಜೂರದ ಲಾಡು ಸೇವಿಸಿ.. ಸಕ್ಕರೆ, ಬೆಲ್ಲ ಬೇಕಿಲ್ಲ.. ಮಾಡೋದು ಹೇಗೆ? -
ಎಂದಾದ್ರೂ ಚೆಟ್ಟಿನಾಡ್ ಚಿಕನ್ ಸವಿದ್ದೀರಾ? ಬಾಯಲ್ಲಿ ನೀರೂರಿರುವ ರುಚಿ.. ಮಸಾಲೆ ರುಬ್ಬದೇ ಮಾಡಿ -
ಕುಂಭ ರಾಶಿಯಲ್ಲಿ ಬುಧ ಮಾರ್ಗಿ: ಈ ರಾಶಿಯವರಿಗೆ ಶುಭಕಾಲ ಆರಂಭ! ಕಷ್ಟಗಳಿಗೆ ಮುಕ್ತಿ.. ಕುಬೇರನ ಕೃಪೆ ಶುರು
Mangala Gowri Vratha 2021 : ಮಂಗಳ ಗೌರಿ ವ್ರತ : ದಿನಾಂಕಗಳು ಹಾಗೂ ಪೂಜಾ ಸಮಯ, ವ್ರತದ ಮಹತ್ವ
ಶ್ರಾವಣ ಮಾಸವನ್ನು ಶಿವ ಹಾಗೂ ಪಾರ್ವತಿಗೆ ಅರ್ಪಿಸಲಾಗಿದೆ. ಶ್ರಾವಣ ಮಾಸದ ಸೋಮವಾರಗಳಲ್ಲಿ ಶ್ರಾವಣ ಸೋಮವಾರ ಆಚರಿಸಿ ಶಿವನ ಆರಾಧಿಸಿದರೆ ಶ್ರಾವಣ ತಿಂಗಳ ಮಂಗಳವಾರ ಮಂಗಳ ಗೌರಿ ವ್ರತ ಮಾಡಲಾಗುವುದು.
ಪ್ರತೀ ಮಂಗಳವಾರ ವಿವಾಹಿತ ಹೆಣ್ಮಕ್ಕಳು ಈ ಮಂಗಳ ಗೌರಿ ವ್ರತ ಆಚರಿಸುತ್ತಾರೆ. ಮದುವೆಯಾದ ಬಳಿಕ ಮೊದಲ 5 ವರ್ಷ ಈ ಮಂಗಳ ಗೌರಿ ವ್ರತ ಮಾಡಲಾಗುವುದು. 5 ವರ್ಷಗಳ ಬಳಿಕ ಉದ್ಯಾಪನ ಮಾಡಲಾಗುವುದು.
ಮದುವೆಯಾದ ಹೆಣ್ಣು ಮಕ್ಕಳು ತಮ್ಮ ವೈವಾಹಿಕ ಜೀವನ ಸುಖಕರವಾಗಿರಲಿ, ಉತ್ತಮ ಸಂತಾನ ಭಾಗ್ಯ ಲಭಿಸಲಿ, ಗಂಡನ ಆರೋಗ್ಯ, ಸಂಪತ್ತು ವೃದ್ಧಿಸಲಿ ಎಂದು ಪ್ರಾರ್ಥಿಸಿ ಈ ವ್ರತ ಮಾಡುತ್ತಾರೆ.
ಈ ವರ್ಷ ಮಂಗಳಗೌರಿ ವ್ರತವನ್ನು ಯಾವ ದಿನಾಂಕಗಳಲ್ಲಿ ಆಚರಿಸಲಾಗುವುದು, ಪೂಜಾ ಸಮಯ ಹಾಗೂ ಮಹತ್ವದ ಬಗ್ಗೆ ತಿಳಿಯೋಣ:
ಮಂಗಳ ಗೌರಿ ವ್ರತದ ದಿನಾಂಕಗಳು
ಆಗಸ್ಟ್ 10, 2021 ಮಂಗಳವಾರ
ಆಗಸ್ಟ್ 17, 2021 ಮಂಗಳವಾರ
ಆಗಸ್ಟ್ 24, 2021 ಮಂಗಳವಾರ
ಆಗಸ್ಟ್ 31, 2021 ಮಂಗಳವಾರ
ಸೆಪ್ಟೆಂಬರ್ 7, 2021 ಮಂಗಳವಾರ
ಪೂಜಾ ಸಮಯ
ಆಗಸ್ಟ್ 10 ಪೂಜಾ ಸಮಯ
ರಾಹುಕಾಲ:ಮಧ್ಯಾಹ್ನ 03:34ರಿಂದ 05:08ರವರೆಗೆ
ಅಮೃತ ಕಾಲ : ಬೆಳಗ್ಗೆ 07:29ರಿಂದ 09:54ರವರೆಗೆ
ಅಭಿಜಿತ್ ಮುಹೂರ್ತ: ಮಧ್ಯಾಹ್ನ 12ರಿಂದ 12:50ರವರೆಗೆ
ಆಗಸ್ಟ್ 17 ಪೂಜಾ ಸಮಯ
ರಾಹುಕಾಲ: ಮಧ್ಯಾಹ್ನ 03:32ರಿಂದ 05:06
ಅಮೃತ ಕಾಲ: ಸಂಜೆ 05:19ರಿಂದ 06:50
ಅಭಿಜಿತ್ ಮುಹೂರ್ತ: ಮಧ್ಯಾಹ್ನ 11:59ರಿಂದ 12:49ರವರೆಗೆ
ಆಗಸ್ಟ್ 24 ಪೂಜಾ ಸಮಯ
ರಾಹುಕಾಲ: ಮಧ್ಯಾಹ್ನ 03:29ರಿಂದ 05:02ರವರೆಗೆ
ಅಮೃತ ಕಾಲ: ಬೆಳಗ್ಗೆ 11:40ರಿಂದ ಮಧ್ಯಾಹ್ನ 01:18ರವರೆಗೆ
ಅಭಿಜಿತ್ ಮುಹೂರ್ತ: ಮಧ್ಯಾಹ್ನ 11:57ರಿಂದ 12:47ರವರೆಗೆ
ಆಗಸ್ಟ್ 31 ಪೂಜಾ ಸಮಯ
ರಾಹುಕಾಲ: ಮಧ್ಯಾಹ್ನ 03:25ರಿಂದ ಸಮಜೆ 04:58ರವರೆಗೆ
ಅಮೃತ ಕಾಲ: ಮಧ್ಯಾಹ್ನ 02:44ರಿಂದ ಸೆಪ್ಟೆಂಬರ್ 1 ಮುಂಜಾನೆ 04:32ರವರೆಗೆ
ಅಭಿಜಿತ್ ಮುಹೂರ್ತ: ಬೆಳಗ್ಗೆ 11:55ರಿಂದ ಮಧ್ಯಾಹ್ನ 12:45ರವರೆಗೆ
ಸೆಪ್ಟೆಂಬರ್ 7 ಪೂಜಾ ಸಮಯ
ರಾಹುಕಾಲ: ಮಧ್ಯಾಹ್ನ 03:22ರಿಂದ 04:54ರವರೆಗೆ
ಅಮೃತ ಕಾಲ:10:54ರಿಂದ ಮಧ್ಯಾಹ್ನ 12:27ರವರೆಗೆ
ಅಭಿಜಿತ್ ಮುಹೂರ್ತ : ಬೆಳಗ್ಗೆ 11:53ರಿಂದ ಮಧ್ಯಾಹ್ನ 12:42ರವರೆಗೆ
ನೀವು ಪೂಜೆಯನ್ನು ರಾಹುಕಾಲದಲ್ಲಿ ಮಾಡಬಾರದು. ಪೂಜೆಗೆ ತುಂಬಾ ಶುಭ ಮುಹೂರ್ತ ಅಂದ್ರೆ ಅಭಿಜಿತ್ ಮುಹೂರ್ತ ಸಮಯ, ಅಮೃತ ಕಾಲ ಅಥವಾ ಗೋಧೂಳಿ ಸಮಯದಲ್ಲೂ ಪೂಜೆ ಮಾಡಬಹುದಾಗಿದೆ.
ಮಂಗಳ ಗೌರಿ ವ್ರತ ಕತೆ
ಒಂದು ಕಾಲದಲ್ಲಿ ಧರ್ಮಪಾಲ ಎಂಬ ಶ್ರೀಮಂತ ವ್ಯಾಪಾರಿಯಿದ್ದ. ಅವನಿಗೆ ಸುಂದರವಾದ ಹೆಂಡತಿ. ಆದರೆ ಅವರಿಗೆ ತುಂಬಾ ವರ್ಷಗಳಾದರೂ ಮಕ್ಕಳಾಗಿರಲಿಲ್ಲ. ಅವರು ದೇವರನ್ನು ಪ್ರಾರ್ಥಿಸಿ, ವ್ರತವನ್ನು ಮಾಡಿ ಮಗನನ್ನು ಪಡೆಯುತ್ತಾರೆ. ಆದರೆ ಆ ಮಗನಿಗೆ 16 ವರ್ಷವಾಗುವಾಗ ಹಾವು ಕಚ್ಚಿ ಅವನು ಸಾಯುತ್ತಾನೆ ಎಂಬ ಶಾಪ ಇರುತ್ತದೆ. ಅವನಿಗೆ 16 ವರ್ಷ ತುಂಬುವ ಮುನ್ನವೇ ಮದುವೆಯಾಗುವುದು. ಅವನ ಹೆಂಡತಿ ತನ್ನ ತಾಯಿ ಮಂಗಳ ಗೌರಿ ವ್ರತ ಮಾಡುವುದನ್ನು ನೋಡಿರುತ್ತಾಳೆ, ಅದರಂತೆ ತಾನೂ ಕೂಡ ಶ್ರದ್ಧೆ ಹಾಗೂ ಭಕ್ತಿಯಿಂದ ಮಂಗಳಗೌರಿ ವ್ರತ ಮಾಡುತ್ತಾಳೆ. ಇದರಿಂದಾಗಿ ಗಂಡನ ಶಾಪ ದೂರವಾಗುವುದು. ಪಾರ್ವತಿ ಅವರಿಬ್ಬರು ಸುಖವಾಗಿ ಬಾಳುವಂತೆ ಅನುಗ್ರಹಿಸುತ್ತಾಳೆ.
ಮಂಗಳ ಗೌರಿ ವ್ರತ ನಿಯಮಗಳು
* ಬೆಳಗ್ಗೆ ಎದ್ದು ಸ್ನಾನ ಮಾಡಿ ಮಡಿ ಬಟ್ಟೆ ಧರಿಸಬೇಕು.
* ಮಣೆ ಮೇಲೆ ಕೆಂಪು ಬಟ್ಟೆ ಹಾಸಿ ಅದರ ಮೇಲೆ ದೇವಿ ಹಾಗೂ ಗಣೇಶನ ವಿಗ್ರಹ ಇಡಬೇಕು.
* ಗೋಧಿ ಹಿಟ್ಟಿನ ಹಣತೆ ತಯಾರಿಸಿ ದೀಪ ಹಚ್ಚಬೇಕು.
* ಅರಿಶಿಣ-ಕುಂಕುಮ, ವೀಳ್ಯೆದೆಲೆ, ಅಕ್ಷತೆ, ಹೂ ಇವುಗಳನ್ನು ಅರ್ಪಿಸಬೇಕು.
* ಮಂಗಳಗೌರಿ ಸ್ತೋತ್ರ ಹೇಳಬೇಕು.
* ನೈವೇದ್ಯ ಅರ್ಪಿಸಬೇಕು.
* ನಂತರ ಮಂಗಳ ಗೌರಿಗೆ ಆರತಿ ಬೆಳಗಬೇಕು.
* ದೇವಿಗೆ ಭಕ್ತಿಯಿಂದ ಕೈ ಮುಗಿದು ಏನೇ ತಪ್ಪುಗಳಾಗಿದ್ದರೂ ಕ್ಷಮಿಸಿ ಆಶೀರ್ವದಿಸಿ ಎಂದು ಬೇಡಿಕೊಳ್ಳಬೇಕು.
* ಮಾರನೇಯ ದಿನ ಮಂಗಳ ಗೌರಿ ಮೂರ್ತಿಯನ್ನು ಕೊಳ ಅಥವಾ ನದಿಯಲ್ಲಿ ಮುಳುಗಿಸಬೇಕು.
ದೇವಿ ಮಂತ್ರ
|| ಸರ್ವ ಮಂಗಳ ಮಾಂಗಲ್ಯೇ ಶಿವೇ ಸರ್ವಾರ್ಥ ಸಾಧಕೆ, ಶರಣ್ಯೇ ತ್ರಯಂಭಿಕೆ ದೇವಿ ನಾರಾಯಣಿ ನಮೋಸ್ತುತೆ ||
Continue with Google