Maha Shivaratri 2022: ಮಹಾಶಿವರಾತ್ರಿ ಯಾವಾಗ, ಪೂಜಾ ಸಮಯ, ಪಾರಣ ಸಮಯ ಯಾವಾಗ?

ಮಹಾಶಿವರಾತ್ರಿ ದಿನಾಂಕ ಮತ್ತು ಸಮಯ

ಹಿಂದೂಕ್ಯಾಲೆಂಡರ್ ಪ್ರಕಾರ ಪ್ರತಿ ತಿಂಗಳು`14ನೇ ದಿನವನ್ನು ಶಿವರಾತ್ರಿ ಎಂದು ಆಚರಿಸಲಾಗುವುದು. ವರ್ಷದಲ್ಲಿ ಒಟ್ಟು 12 ಶಿವರಾತ್ರಿಗಳನ್ನು ಆಚರಿಸಲಾಗುವುದು. ಅವುಗಳಲ್ಲಿ ಮಹಾಶಿವರಾತ್ರಿ ತುಂಬಾ ದೊಡ್ಡ ಆಚರಣೆಯಾಗಿದೆ. ಸಾಮಾನ್ಯವಾಗಿ ಶಿವರಾತ್ರಿ ಫೆಬ್ರವರಿ-ಮಾರ್ಚ್‌ ತಿಂಗಳಿನಲ್ಲಿ ಬರುವುದು. ಈ ವರ್ಷ ಮಾರ್ಚ್‌ನಲ್ಲಿ ಬಂದಿದೆ. ಈ ದಿನ ಶಿವನನ್ನು ಶುಭ ಮುಹೂರ್ತದಲ್ಲಿ ಪೂಜಿಸುವುದರಿಂದ ಹೆಚ್ಚಿನ ಫಲ ದೊರೆಯುವುದು.

ಮಹಾಶಿವರಾತ್ರಿ ದಿನಾಕ: ಮಾರ್ಚ್ 1, 2022

ದಿನಾಂಕ: ಮಂಗಳವಾರ

ನಿಶ್ಚಿತಾ ಕಾಲ ಪೂಜಾ ಸಮಯ: ಮಾರ್ಚ್ 2, 2022 ( ಬೆಳಗ್ಗೆ 12:08ರಿಂದ 12:58ಕ್ಕೆ)

ಒಟ್ಟು ಸಮಯ: 50 ನಿಮಿಷ

ಮಹಾಶಿವರಾತ್ರಿ ಪೂಜಾ ಸಮಯ 2022

ಮಹಾಶಿವರಾತ್ರಿ ಪಾರಣ ಸಮಯ: ಬೆಳಗ್ಗೆ 06:45( ಮಾರ್ಚ್ 2 )

ರಾತ್ರಿ ಮೊದಲ ಪ್ರಹರ ಪೂಜಾ ಸಮಯ: ಸಂಜೆ 06:21ರಿಂದ 09:27ರವರೆಗೆ

ರಾತ್ರಿ 2ನೇ ಪ್ರಹರ ಪೂಜಾ ಸಮಯ: ರಾತ್ರಿ 09:27ರಿಂದ 12:33ರವರೆಗೆ

ರಾತ್ರಿ 3ನೇ ಪ್ರಹರ ಪೂಜಾ ಸಮಯ : 12:33ರಿಂದ ಬೆಳಗ್ಗೆ 03:39ರವರೆಗೆ (ಮಾರ್ಚ್ 2)

ರಾತ್ರಿ 4ನೇ ಪ್ರಹರ ಪೂಜಾ ಸಮಯ: ಬೆಳಗ್ಗೆ 03:39ರಿಂದ 06:45ರವರೆಗೆ (ಮಾರ್ಚ್ 2)

ಮಹಾಶಿವರಾತ್ರಿ ಮಹತ್ವ

ಮಹಾಶಿವರಾತ್ರಿಯಂದು ಮಹಾದೇವ ಶಿವ ದೇವಿ ಪಾರ್ವತಿಯನ್ನು ವಿವಾಹವಾದರು ಎಂದು ಪೌರಾಣಿಕ ಕತೆಯಲ್ಲಿ ಹೇಳಲಾಗಿದೆ. ಈ ದಿನ ಜಾಗರಣೆ ಇದ್ದು ಶಿವ-ಪಾರ್ವತಿಯನ್ನು ಪೂಜಿಸುವುದರಿಂದ ಬದುಕಿನ ಎಲ್ಲಾ ಕಷ್ಟಗಳು ದೂರಾಗುವುದು. ಈ ದಿನಂದು ಪತಿ-ಪತ್ನಿ ಇಬ್ಬರೂ ಜಾಗರಣೆ ಇದ್ದು ಶಿವನ ಪೂಜಿಸಬೇಕು, ಅವನ ಮಂತ್ರಗಳನ್ನು ಹೇಳಬೇಕು ಆಗ ಶಿವನು ನಿಮ್ಮ ಬೇಡಿಕೆಗಳನ್ನು ಪೂರೈಸುತ್ತಾನೆ. ಜೀವನದಲ್ಲಿ ನೆಮ್ಮದಿ ಇರುವುದು, ಸಂತಾನ ಭಾಗ್ಯ ಉಂಟಾಗುವುದು.

ಮಹಾಶಿವರಾತ್ರಿ ಪೂಜಾವಿಧಿಗಳೇನು?

* ಈ ದಿನ ಭಕ್ತರು ಮುಂಜಾನೆ ಎದ್ದು ಸ್ನಾನ ಮಾಡಬೇಕು.

* ನಂತರ ಮಡಿ ಬಟ್ಟೆ ಧರಿಸಬೇಕು

* ನಂತರ ಪಕ್ಕದ ಶಿವನ ದೇವಾಲಯಕ್ಕೆ ಹೋಗಿ.

* ಅದಾದ ಬಳಿಕ ಸಂಕಲ್ಪ ಕೈಗೊಳ್ಳಬೇಕು (ನೀವು ಏನು ಮನಸ್ಸಿನಲ್ಲಿ ಬೇಡಿಕೊಳ್ಳುತ್ತೀರೋ ಅದುವೇ ಸಂಕಲ್ಪ)

* ಶಿವನಿಗೆ ಬಿಲ್ವೆ ಪತ್ರೆ ಹಾಗೂ ಹೂಗಳನ್ನು ಅರ್ಪಿಸಿ.

* ನಂತರ ಶಿವನಿಗೆ ಆರತಿ ಮಾಡಿ.

* ಪಾರಣ ಮುಹೂರ್ತದಲ್ಲಿ ಪಾರಣ ಮಾಡಿ.

ಶಿವರಾತ್ರಿ ಹಾಗೂ ಮಹಾ ಶಿವರಾತ್ರಿ ನಡುವಿನ ವ್ಯತ್ಯಾಸವೇನು?

ಶಿವರಾತ್ರು ಹಿಂದೂ ಮಾಸದ 14ನೇ ದಿನಂದು ಪ್ರದೋಷ ವ್ರತವೆಂದು ಆಚರಿಸಲಾಗುವುದು. ವರ್ಷದಲ್ಲಿ 12 ಪ್ರದೋಷ ವ್ರತ ಇರುತ್ತದೆ. ಮಹಾಶಿವರಾತ್ರಿಯನ್ನು ವರ್ಷದಲ್ಲಿ ಒಂದೇ ಬಾರಿ ಆಚರಿಸಲಾಗುವುದು. ಈ ದಿನ ಉಪವಾಸ ಹಾಗೂ ಜಾಗರಣೆ ಇದ್ದು ಶಿವನ ಆರಾಧನೆ ಮಾಡಲಾಗುವುದು.