ಮಗುವಿಗೆ ಕೃಷ್ಣನ ವೇಷ ಹಾಕುತ್ತಿದ್ದೀರಾ? ಈ ಟಿಪ್ಸ್ ಸಹಾಯವಾದೀತು

1. ಧೋತಿ

ಧೋತಿ ನೀವು ರೆಡಿಮೇಡ್‌ ಖರೀದಿಸಬಹುದು ಅಥವಾ ಶಲ್ಯದಿಂದಲೂ ಹಾಕಬಹುದು. ನೀವು ಸಿಲ್ಕ್‌ ಅಥವಾ ಕಾಟನ್ ಧೋತಿ ಬಳಸಬಹುದು.

2. ಕಿರೀಟ

ಇನ್ನು ಕೃಷ್ಣನಿಗೆ ಮುಕುಟ ಬೇಕು, ಕಿರೀಟ ಮಾರ್ಕೆಟ್‌ನಲ್ಲಿ ಸಿಗುತ್ತೆ ಅಥವಾ ನೀವೇ ಮಾಡಬಹುದು. ಮಾರ್ಕೆಟ್‌ನಿಂದ ತರುವುದಾದರೆ ಕಿರೀಟ ಲೈಟ್‌ವೇಯ್ಟ್ ಆಗಿರಲಿ, ತುಂಬಾ ಭಾರವಿದ್ದರೆ ಕಿರೀಟ ಧರಿಸಲು ಮಕ್ಕಳು ಇಷ್ಟಪಡಲ್ಲ.

3. ನವಿಲುಗರಿ

ಇನ್ನು ಶ್ರೀಕೃಷ್ಣ ವೇಷಕ್ಕೆ ನವಿಲುಗರಿ ಬೇಕೇಬೇಕು. ಕೃಷ್ಣನ ವೇಷ ಕಂಪ್ಲೀಟ್‌ ಆಗುವುದೇ ನವಿಲುಗರಿ ಮುಡಿಸಿದ ಮೇಲೆಯೇ...

4. ಕೊಳಲು

ಶ್ರೀಕೃಷ್ಣ ನಿಗೆ ಕೊಳಲು ಎಂದರೆ ಪ್ರಿಯ, ಆದ್ದರಿಂದ ಕೊಳಲು ಬೇಕೇಬೇಕು. ಇದನ್ನು ಕೂಡ ಖರೀದಿಸಬಹುದು, ಅಥವಾ ರಟ್ಟಿನಿಂದ ಮಾಡಿ ಅದಕ್ಕೆ ಶೈನಿಂಗ್ ಪೇಪರ್ ಹಚ್ಚಿದರೆ ಸಾಕು.

5. ಆಭರಣ

ಇನ್ನು ಶ್ರೀಕೃಷ್ಣನಿಗೆ ಆಭರಣಗಳು ಬೇಕು, ಆಭರಣಗಳು ಕೂಡ ಲೈಟ್‌ ವೇಯ್ಟ್‌ ಆಗಿರಲಿ, ತುಂಬಾ ಭಾರವಾದ ಆಭರಣಗಳನ್ನು ಹಾಕಿದರೆ ಮಗುವಿಗೆ ತುಂಬಾ ಹೊತ್ತು ಇರಲು ಕಷ್ಟ.

6. ಮೇಕಪ್

ಕೆಲವರು ನೀಲಿ ಬಣ್ಣ ಹಚ್ಚುತ್ತಾರೆ, ಆದರೆ ಹೀಗೆ ಹಚ್ಚುವಾಗ ಹುಷಾರು, ಕಡಿಮೆ ಬೆಲೆಯ ಕಳಪೆ ಗುಣಮಟ್ಟದ ಬಣ್ಣ ಮಕ್ಕಳಿಗೆ ತ್ವಚೆ ಅಲರ್ಜಿ ತರಬಹುದು. ಏನೂ ದೊಡ್ಡ ಮೇಕಪ್ ಬೇಕಾಗಿಲ್ಲ, ಹಣೆಗೆ ಒಂದು ಉದ್ದ ಕುಂಕುಮ ಇಟ್ಟರೂ ಸಾಕು ಚೆನ್ನಾಗಿ ಮಕ್ಕಳು ಕೃಷ್ಣ ವೇಷದಲ್ಲಿ ತುಂಬಾನೇ ಮುದ್ದಾಗಿ ಕಾಣುತ್ತಾರೆ.

7.ಬೆಣ್ಣೆ ಮಡಿಕೆ

ಇನ್ನು ಚಿಕ್ಕ ಮಣ್ಣಿನ ಮಡಿಕೆಯಲ್ಲಿ ಬೆಣ್ಣೆ ತುಂಬಿ ಕೊಟ್ಟರೆ ಬೆಣ್ಣೆ ಪ್ರಿಯ ಕೃಷ್ಣ ವೇಷ ಪೋಟೋಗೆ ಡ್ರೆಸ್ಸಿಂಗ್‌ ರೆಡಿ.