ಬದುಕಿನ ಗುಟ್ಟನ್ನು ಬಿಚ್ಚಿಡುವ ಇಸ್ಲಾಂ ಧರ್ಮದ ಸತ್ಯಾಸತ್ಯತೆ

ಜೋರಾಗಿ ನಗುವುದು

ಒಬ್ಬ ನಿಜವಾದ ಮುಸಲ್ಮಾನನು ಸುಖ ಮತ್ತು ದುಃಖವನ್ನು ನಗುತ್ತಾ ಸ್ವೀಕರಿಸುತ್ತಾನೆ. ದುಃಖದಲ್ಲಿ ನಗುವ ಗುಣ ಅವನಲ್ಲಿ ಇರುತ್ತದೆ. ತನ್ನ ಸುತ್ತಲೂ ಇರುವವರು ಸಂತೋಷವಾಗಿಲ್ಲದೆ ಇದ್ದಲ್ಲಿ, ಒಬ್ಬ ನಿಜವಾದ ಮುಸಲ್ಮಾನನು ಸಂತೋಷವನ್ನು ಕಾಣಲಾರ. ಆತ ತಾನು ನಗುವ ಮೊದಲು, ತನ್ನ ಸುತ್ತಲಿನವರ ಮುಖದಲ್ಲಿ ನಗುವನ್ನು ತರುತ್ತಾನೆ.. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಬೆನ್ನಿಗೆ ಚೂರಿ ಹಾಕುವ ವರ್ತನೆ

ಇಸ್ಲಾಂನಲ್ಲಿ ಬೆನ್ನಿಗೆ ಚೂರಿ ಹಾಕುವ ವರ್ತನೆಗೆ ಮನ್ನಣೆಯಿಲ್ಲ. ಇಸ್ಲಾಂನಲ್ಲಿ ಇದನ್ನು " ನಿಮ್ಮ ಸಹೋದರನ ಮಾಂಸವನ್ನು ನೀವು ತಿಂದಂತೆ" ಎಂದು ಪರಿಗಣಿಸಿ, ಬೆನ್ನಿಗೆ ಚೂರಿ ಹಾಕುವುದನ್ನು ಖಂಡಿಸಲಾಗಿದೆ. ಮುಂದಿನ ಬಾರಿ ನೀವು ಅಥವಾ ನಿಮಗೆ ಯಾರಾದರೂ ಬೆನ್ನಿಗೆ ಚೂರಿ ಹಾಕಿದಂತೆ ನಡೆದುಕೊಂಡರೆ ಈ ಮೇಲಿನ ಸಾಲನ್ನು ನೆನಪಿಸಿಕೊಳ್ಳಿ. ಗಾಳಿ ಮಾತುಗಳಿಂದ ಮತ್ತು ನಂಬಿಕೆ ದ್ರೋಹದಿಂದ ದೂರವಿರಿ. ಆರೋಗ್ಯಕರವಾದ ಮತ್ತು ಅರ್ಥಪೂರ್ಣವಾದ ಜೀವನವನ್ನು ಸಾಗಿಸಿ.

ಕಿವಿಯಲ್ಲಿ ಪಿಸುಗುಟ್ಟುವುದು

ಮತ್ತೊಂದು ಕುತೂಹಲಕಾರಿ ಸಂಗತಿಯೆಂದರೆ, ಕಿವಿಯಲ್ಲಿ ಪಿಸುಗುಟ್ಟುವುದು. ಸುತ್ತ ಮುತ್ತ ಎಲ್ಲರೂ ಇರುವಾಗ ಕಿವಿಯಲ್ಲಿ ಪಿಸುಗುಟ್ಟುವುದು ಇಸ್ಲಾಂನಲ್ಲಿ ನಿಷಿದ್ಧ. ಇದು ಇತರರ ಮೇಲೆ ಕೆಟ್ಟ ಪರಿಣಾಮವನ್ನು ಬೀರುತ್ತದೆ. ಜೊತೆಗೆ ನಿಮ್ಮ ಮೇಲೆ ಸಹ ಅಪನಂಬಿಕೆಯನ್ನು ಹುಟ್ಟು ಹಾಕುತ್ತದೆ. ಶಿಷ್ಟಾಚಾರದ ಪ್ರಕಾರ ಸಹ ಇದು ತಪ್ಪು.

ಇತರರು ಮಾತನಾಡುವುದನ್ನು ಕದ್ದು ಕೇಳುವುದು

ಮತ್ತೊಂದು ಕುತೂಹಲಕಾರಿ ಸಂಗತಿಯೆಂದರೆ, ಇತರರು ಮಾತನಾಡುವುದನ್ನು ಕದ್ದು ಕೇಳುವುದು ಸಹ ಇಸ್ಲಾಂ ರೀತಿ ತಪ್ಪು. ಇದನ್ನು ಇಸ್ಲಾಂನಲ್ಲಿ ನಿಷೇಧಿಸಲಾಗಿದೆ. ಉದಾಹರಣೆಗೆ ಪೋಷಕರು ಮಾತನಾಡುವಾಗ ಅವರಿಗೆ ತಿಳಿಯದಂತೆ ಕದ್ದು ಕೇಳುವುದು ತಪ್ಪು. ಆ ವಿಚಾರ ಎಷ್ಟು ಮುಖ್ಯವೋ ಎಂಬುದು ಇಲ್ಲಿ ವಿಚಾರವಲ್ಲ. ಆದರೆ ಅದನ್ನು ಕದ್ದು ಕೇಳಬಾರದು ಅಷ್ಟೇ... ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಇತರರು ಮಾತನಾಡುವುದನ್ನು ಕದ್ದು ಕೇಳುವುದು

ನಿಮಗೆ ಆ ಮಾಹಿತಿ ಗೊತ್ತಾಗಬೇಕಾದರೆ, ಅದನ್ನು ನಿಮ್ಮ ಮುಂದೆ ಅವರು ಮಾತನಾಡುತ್ತಾರೆ, ಅವರು ಮಾತ್ರ ಇದರ ಕುರಿತು ಮಾತನಾಡುತ್ತಿದ್ದಾರೆ ಎಂದಲ್ಲಿ, ಆ ವಿಚಾರ ನಿಮಗೆ ಬೇಕಾಗಿಲ್ಲ ಎಂದೇ ಅರ್ಥ. ಒಂದು ವೇಳೆ ಆ ವಿಚಾರದಲ್ಲಿ ನಿಮ್ಮ ಸಹಾಯ ಅಗತ್ಯ ಅಥವಾ ಅದಕ್ಕೆ ನೀವು ಸಹಾಯ ಮಾಡುತ್ತೀರಿ ಎಂದಾದಲ್ಲಿ ಮೊದಲು ಅನುಮತಿ ಕೇಳಿ. ಆ ಮಾತುಕತೆಯಲ್ಲಿ ಪಾಲ್ಗೊಳ್ಳಿ.

ಅಹಂ

ಅಹಃ ಅನ್ನು ಸಹ ಇಸ್ಲಾಂ ನಿಷೇಧಿಸಿದೆ. ಇದನ್ನು ಸೈತಾನನ ಗುಣವೆಂದು ಇಸ್ಲಾಂನಲ್ಲಿ ಪರಿಗಣಿಸಲಾಗಿದೆ. ಹೆಮ್ಮೆ ಪಡಬೇಡಿ, ಹೆಮ್ಮೆ ಪಟ್ಟು ಅದರಿಂದ ನಾಶವಾಗಬೇಡಿ ಎಂದು ಇಸ್ಲಾಂ ಸಾರುತ್ತದೆ. ಹೆಮ್ಮೆಯು ನಿಮ್ಮ ಮಾನವೀಯತೆಯನ್ನು ಹಾಳು ಮಾಡುತ್ತದೆ, ನೀವೇ ಹೆಚ್ಚು ಎಂದು ತಿಳಿಸುತ್ತದೆ. ಹೆಮ್ಮ ಪಡಲು ನಾವು ಹುಲು ಮಾನವರು ಮಾತ್ರ ಎಂಬುದನ್ನು ಮರೆಯಬೇಡಿ ಎಂದು ಇಸ್ಲಾಂ ತಿಳಿಸುತ್ತದೆ. ನಾವು ಸಹ ಎಲ್ಲರಂತೆ ಮಾನವರು ಎಂಬುದನ್ನು ಮರೆಯಬೇಡಿ. ಯಾರಿಗೆ ಗೊತ್ತು ನೀವು ಕ್ಷುಲ್ಲಕವೆಂದು ಪರಿಗಣಿಸಿರುವ ವ್ಯಕ್ತಿ ನಿಮ್ಮ ಆಪತ್ಭಾಂದವನಾಗಬಹುದು.