ಗುರು ಪೂರ್ಣಿಮೆ ವಿಶೇಷ: ರಾಶಿಗೆ ಅನುಗುಣವಾಗಿ ಗುರುಗಳಿಗೆ ಉಡುಗೊರೆ ನೀಡಿ

ಮೇಷ

ಮೇಷ ರಾಶಿಯು ಮಂಗಳನಿಗೆ ಸಂಬಂಧಿಸಿದ್ದಾಗಿದೆ. ಮೇಷ ರಾಶಿಯವರಾಗಿದ್ದರೆ ನಿಮ್ಮ ಗುರುವಿಗೆ ಕೆಂಪು ಹವಳ ಉಡುಗೊರೆ ನೀಡಬಹುದು. ಧಾನ್ಯಗಳು ಮತ್ತು ಧಾನ್ಯಗಳಿಂದ ಮಾಡಿರುವಂತಹ ವಸ್ತುಗಳನ್ನು ಆಧ್ಯಾತ್ಮಿಕ ಗುರುಗಳಿಗೆ ನೀಡಬಹುದು.

ವೃಷಭ

ವೃಷಭ ರಾಶಿಯು ಶುಕ್ರನಿಗೆ ಸಂಬಂಧಿಸಿದ್ದಾಗಿದೆ. ಶುಕ್ರನ ದಿನವಾದ ಶುಕ್ರವಾರದಂದು ಗುರುಪೂರ್ಣಿಮೆ ಆಚರಿಸಲ್ಪಡುವ ಕಾರಣದಿಂದಾಗಿ ಬೆಳ್ಳಿಯಿಂದ ಮಾಡಿರುವಂತಹ ಯಾವುದಾದರೂ ವಸ್ತುವನ್ನು ಗುರುವಿಗೆ ಉಡುಗೊರೆ ನೀಡಿ. ಬೆಳ್ಳಿ ನಾಣ್ಯ, ಬೆಳ್ಳಿ ಉಂಗುರ ಅಥವಾ ಬೆಳ್ಳಿ ತುಂಡು ಕೂಡ ಆಗಬಹುದು.

ಮಿಥುನ

ಬುಧನು ಈ ರಾಶಿಗೆ ಸಂಬಂಧಿಸಿದವನಾಗಿರುವನು. ಗುರು ಪೂರ್ಣಿಮೆಯ ದಿನದಂದು ಗುರುಗಳಿಗೆ ಶಾಲು ಉಡುಗೊರೆ ಕೊಟ್ಟರೆ ಅದರಿಂದ ಆಶೀರ್ವಾದ ಸಿಗುವುದು. ಒಳ್ಳೆಯ ಶಾಲು ಖರೀದಿಸಿ, ಅದನ್ನು ನಿಮ್ಮ ಶಿಕ್ಷಕರಿಗೆ ನೀಡಿ.

ಕರ್ಕಾಟಕ

ಈ ರಾಶಿಯು ಚಂದ್ರನಿಗೆ ಸಂಬಂಧಪಟ್ಟಿರುವುದು. ಧಾನ್ಯಗಳಿಂದ ಮಾಡಿರುವಂತಹ ವಸ್ತುಗಳನ್ನು ಗುರುವಿಗೆ ನೀಡಿದರೆ ತುಂಬಾ ಲಾಭಕಾರಿಯಾಗಿರುವುದು. ಸಿಹಿತಿಂಡಿ ಉಡುಗೊರೆ ನೀಡುವುದು ಒಳ್ಳೆಯ ಆಯ್ಕೆ. ಅಕ್ಕಿಯಿಂದ ಮಾಡಿರುವಂತಹ ತಿಂಡಿಗೆ ಪ್ರಾಮುಖ್ಯತೆ ನೀಡಿ.

ಸಿಂಹ

ಸಿಂಹ ರಾಶಿಗೆ ಸಂಬಂಧಪಟ್ಟಿರುವುದು ಸೂರ್ಯ. ಇದರಿಂದ ಈ ರಾಶಿಯಲ್ಲಿ ಹುಟ್ಟಿರುವಂತಹ ಜನರು ಪಂಚಧಾತುವಿನಿಂದ ಮಾಡಿರುವಂತಹ ವಸ್ತುಗಳನ್ನು ಗುರುವಿಗೆ ಉಡುಗೊರೆ ನೀಡಿ, ಆಶೀರ್ವಾದ ಪಡೆಯಿರಿ. ಪಂಚಧಾತು ಎನ್ನುವುದು ಸಂಸ್ಕೃತ ಪದ. ಐದು ಲೋಹಗಳಿಂದ ಮಾಡಿರುವುದು. ಹಿತ್ತಳೆ, ತಾಮ್ರ, ಸತು ಮತ್ತು ಅಲುಮೀನಿಯಂ.

ಕನ್ಯಾ

ಈ ರಾಶಿಯು ಬುಧನಿಗೆ ಸಂಬಂಧಪಟ್ಟಿರುವುದು. ಈ ರಾಶಿಯವರು ತಮ್ಮ ಗುರುವಿಗೆ ವಜ್ರವನ್ನು ಉಡುಗೊರೆ ನೀಡಬೇಕು. ಇದು ಎಲ್ಲರಿಗೂ ಸಾಧ್ಯವಿಲ್ಲದೆ ಇರುವ ಕಾರಣದಿಂದ ವಜ್ರದ ಆಕಾರದ ಉಡುಗೊರೆ ನೀಡಿ.

ತುಲಾ

ಈ ರಾಶಿಗೆ ಅಧಿಪತಿಯು ಶುಕ್ರ. ಈ ರಾಶಿಯವರು ತಮ್ಮ ಗುರುವಿಗೆ ಕಂಬಳಿಯನ್ನು ನೀಡಬೇಕು.

ವೃಶ್ಚಿಕ

ಈ ರಾಶಿಯು ಮಂಗಳನಿಗೆ ಸಂಬಂಧಿಸಿದ್ದಾಗಿದೆ. ಪ್ಲೂಟೋ ಕೂಡ ಈ ರಾಶಿಯ ಅಧಿಪತಿ ಎಂದು ಹೇಳಲಾಗುತ್ತದೆ. ಗುರುಪೂರ್ಣಿಮೆಯಂದು ಶಿಕ್ಷಕರ ಆಶೀರ್ವಾದ ಪಡೆಯಲು ನೀವು ಮಾಣಿಕ್ಯ ರತ್ನಗಳನ್ನು ಉಡುಗೊರೆ ನೀಡಬಹುದು.

ಧನು

ಈ ರಾಶಿಗೆ ಗುರು ಅಧಿಪತಿಯಾಗಿರುವನು. ಬಂಗಾರದ ಉಡುಗೊರೆ ನೀಡಿದರೆ ಆಗ ಗುರುವಿನ ಆಶೀರ್ವಾದ ಸಿಗುವುದು. ಬ್ರಹಸ್ಪತಿ ಈ ಗ್ರಹದ ದೇವರು ಮತ್ತು ಇವರನ್ನು ಎಲ್ಲಾ ದೇವರುಗಳ ಗುರು ಎಂದು ಪರಿಗಣಿಸಲಾಗಿದೆ. ಇದರಿಂದ ಬಂಗಾರ ಉಡುಗೊರೆ ನೀಡಿದರೆ ಬ್ರಹ್ಮಸ್ಪತಿ ದೇವರ ಆಶೀರ್ವಾದವು ಸಿಗುವುದು.

ಮಕರ

ಮಕರ ರಾಶಿಗೆ ಶನಿಯು ಅಧಿಪತಿ. ಗುರುಪೂರ್ಣಿಮೆಯ ದಿನದಂದು ಈ ರಾಶಿಯವರು ತಮ್ಮ ಗುರುವಿಗೆ ಹಳದಿ ಬಣ್ಣದ ಉಡುಗೊರೆಗಳನ್ನು ನೀಡಬೇಕು.

ಕುಂಭ

ಯುರೇನಸ್ ಈ ರಾಶಿಯ ಅಧಿಪತಿಯಾಗಿರುವ. ಈ ರಾಶಿಯವರು ತಮ್ಮ ಶಿಕ್ಷಕರಿಗೆ ಬಿಳಿ ಬಣ್ಣದ ಉಡುಗೊರೆಗಳನ್ನು ನೀಡಬೇಕು. ಇದು ಬಟ್ಟೆ, ಅಂಗಿ ಅಥವಾ ಬಿಳಿ ಬಣ್ಣದ ಪಾದರಕ್ಷೆಯಾಗಿರಬಹುದು.

ಮೀನ

ನೆಪ್ಚೂನ್ ಈ ರಾಶಿಯ ಅಧಿಪತಿ. ಮೀನ ರಾಶಿಯವರು ತಮ್ಮ ಗುರುಗಳಿಗೆ ಧಾನ್ಯಗಳಿಂದ ಮಾಡಿರುವಂತಹ ಸಿಹಿ ತಿನಿಸುಗಳನ್ನು ಉಡುಗೊರೆಯಾಗಿ ನೀಡಬೇಕು. ಗುರುಗಳಿಗೆ ಉಡುಗೊರೆ ಕೊಡುವ ಜತೆಗೆ ಗುರು ಪೂರ್ಣಿಮೆಯ ದಿನ ಬಡವರಿಗೆ ದಾನ ಮಾಡಿದರೆ ಈಶ್ವರ ದೇವರ ಆಶೀರ್ವಾದ ಸಿಗುವುದು.