ಅರ್ಥ್‌ ಅವರ್‌ : ಇಂದು ರಾತ್ರಿ 8:30 ರಿಂದ 9:30 ರವರೆಗೆ ವಿದ್ಯುತ್ ಬಳಕೆ ನಿಲ್ಲಿಸಿ, ಭೂಮಿಯ ತಾಪ ಇಳಿಸಿ..!!!

ಮಾರ್ಚ್ 26ರನ್ನು 'ಅರ್ಥ್‌ ಅವರ್‌ ಡೇ' ಎಂದು ಆಚರಿಸಲಾಗುವುದು. ಹವಾಮಾನ ಬದಲಾವಣೆ ತಡೆಗಟ್ಟುವ ನಿಟ್ಟಿನಲ್ಲಿ ಈ ದಿನದ ಆಚರಣೆ ಮಹತ್ವದ್ದಾಗಿದೆ.

ವರ್ಲ್ಡ್‌ ವೈಡ್ ಫಂಡ್‌ ಫಾರ್ ನೇಚರ್‌ ಸಂಘಟನೆಯ ಕರೆಯಂತೆ 2007ರಿಂದ ಈ ದಿನವನ್ನು ಆಚರಿಸಲಾಗುವುದು.

ಈ ಅರ್ಥ್‌ ಅವರ್‌ ಆಚರಣೆ ಮಹತ್ವದ ಸಂದೇಶ ಸಾರುತ್ತದೆ. ವಿಶ್ವದಲ್ಲಿ ಹವಾಮಾನ ಬದಲಾವಣೆ ಅನೇಕ ಸಮಸ್ಯೆಗಳಿಗೆ ಕಾರಣವಾಗುತ್ತಿದೆ, ಹವಾಮಾನದಲ್ಲಿ ಉಷ್ಣತೆ ಏರುತ್ತಾ ಹೋದರೆ ಜೀವ ರಾಶಿಗಳಿಗೆ ಅಪಾಯ ತಪ್ಪಿದ್ದಲ್ಲ. ಇದರ ಬಗ್ಗೆ ಜಾಗೃತಿ ಮೂಡಿಸಲು ಈ ದಿನವನ್ನು ಆಚರಿಸಲಾಗುವುದು.

ಅಲ್ಲದೆ ನಾವು ಎಷ್ಟೋ ಬಾರಿ ವಿದ್ಯುತ್‌ ಅನ್ನು ಅನಗ್ಯತವಾಗಿ ಉರಿಸುತ್ತೇವೆ, ಈ ರೀತಿ ಶಕ್ತಿಯನ್ನು ಪೋಲ್ ಮಾಡದಂತೆ ಈ ದಿನ ಪ್ರತಿಜ್ಞೆ ಮಾಡಲಾಗುವುದು.

ಇಂದು ರಾತ್ರಿ 8.30ಯಿಂದ 9.30ವರೆಗೆ ಅರ್ಥ್‌ ಅವರ್‌ ಆಚರಿಸಲಾಗುವುದು. ಈ ಸಮಯದಲ್ಲಿ ಮನೆಯಲ್ಲಿ ಉರಿಯುತ್ತಿರುವ ವಿದ್ಯುತ್ತ್ ದೀಪ ಆರಿಸಿ. ವಿದ್ಯುತ್‌ ಉಪಕರಣಗಳನ್ನು ಆಫ್‌ ಮಾಡಿ ಮೇಣದ ಬತ್ತಿ ಹಚ್ಚಿ ಆಚರಿಸಲಾಗುವುದು.