ಸ್ವಾತಂತ್ರ್ಯ ದಿನಾಚರಣೆ: ರಾಜಾಸ್ಥಾನ ಟರ್ಬನ್‌, ನೆಹರು ಕೋಟ್‌ ಲುಕ್‌ನಲ್ಲಿ ಮೋದಿ ಶೈನಿಂಗ್‌

2023ರ ಸ್ವಾತಂತ್ರ್ಯದ ದಿನಾಚರಣೆಯಲ್ಲಿ ಮೋದಿಯವರ ಪವರ್‌ಫುಲ್‌ ಭಾಷಣದಷ್ಟೇ ಗಮನ ಸೆಳೆದಿದ್ದು ಅವರ ಡ್ರೆಸ್ಸಿಂಗ್ ಸ್ಟೈಲ್‌. ಕುರ್ತಾದಲ್ಲೂ ಸಕತ್‌ ಸ್ಟೈಲಿಷ್‌ ಆಗಿ ಮಿಂಚಬಹುದು ಎಂಬುವುದನ್ನು ಪ್ರಧಾನಿ ಮೋದಿ ತೋರಿಸಿಕೊಟ್ಟಿದ್ದಾರೆ, ಪ್ರತಿಯೊಂದು ವಿಶೇಷ ಸಂದರ್ಭಗಳಲ್ಲಿ ಅವರ ಧಿರಿಸು ಕೂಡ ತುಂಬಾನೇ ಗಮನ ಸೆಳೆಯುತ್ತಿರುತ್ತದೆ. ಈ ಬಾರಿ ಅವರ ಟರ್ಬನ್ ಲುಕ್‌ ಸಕತ್‌ ಕ್ಲಾಸಿ ಆಗಿತ್ತು.

ಎಲ್ಲರೂ ಮೋದಿಯವರ ಟರ್ಬನ್ ಕುರಿತು ಮಾತನಾಡುತ್ತಿದ್ದಾರೆ, ಆ ವೈಬ್ರೆಂಟ್‌ ಕಲರ್‌ನ ಟರ್ಬನ್ ಪಟ್‌ ಅಂತ ಗಮನ ಸೆಳೆಯುವಂತಿತ್ತು. 77ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ ಮೋದಿ ಧರಿಸಿರುವ ಟರ್ಬನ್‌ನ ವಿಶೇಷತೆಯೇನು ಎಂದು ನೋಡೋಣ ಬನ್ನಿ:

ರಾಜಾಸ್ಥಾನ್ ಟರ್ಬನ್‌ ಲುಕ್‌ನಲ್ಲಿ ಮೋದಿ ಶೈನಿಂಗ್‌
ಹಳದಿ ಹಾಗೂ ಕೆಂಪು ಮಿಶ್ರಿತ ರಾಜಾಸ್ಥಾನ್‌ ಟರ್ಬನ್‌ ನೋಡಲು ತುಂಬಾನೇ ಆಕರ್ಷಕವಾಗಿತ್ತು. ಇದು ರಾಜಾಸ್ಥಾನದ ಸಾಂಪ್ರದಾಯಕ ಟರ್ಬನ್ ಆಗಿದೆ. ಇದನ್ನು ಅಲ್ಲಿಯ ಸ್ಥಳಿಯ ಕ್ರಾಫ್ಟ್ಸ್‌ಮೆನ್ ಡಿಸೈನ್ ಮಾಡಿದ್ದಾರೆ. ಇದನ್ನು ಬ್ಲಾಕ್ ಪೇಯಿಂಟಿಂಗ್‌ ಟೆಕ್ನಿಕ್‌ ಬಳಸಿ ತಯಾರಿಸಲಾಗಿದೆ.

ವೈಟ್‌ ಕುರ್ತಾ ಬ್ಲ್ಯಾಕ್ ಬ್ಲೇಝರ್
ಅವರ ಟರ್ಬನ್‌ನ್ನಷ್ಟೇ ಅವರ ಕುರ್ತಾ- ಬ್ಲೇಝರ್‌ ಕೂಡ ತುಂಬಾನೇ ಆಕರ್ಷಕವಾಗಿತ್ತು. ವೈಟ್‌ ಕುರ್ತಾಕ್ಕೆ ಬ್ಲ್ಯಾಕ್‌ ಬ್ಲೇಝರ್ ಕಾಂಬಿನೇಷನ್ ತುಂಬಾನೇ ಆಕರ್ಷಕವಾಗಿತ್ತು. ತಲೆಯಲ್ಲಿ ಕೇಸರಿ ಟರ್ಬನ್, ಆ ಟರ್ಬನ್‌ನಲ್ಲಿ ಗಮನಿಸಿದರೆ ಅಶೋಕಚಿತ್ರ ಕಾಣಬಹುದು. ನಮ್ಮ ದೇಶದ ಸಂಸ್ಕೃತಿಯನ್ನು ಬಿಂಬಿಸುವಂತಿದೆ.

ಮೋದಿಯವರು ಪ್ರತಿ ವರ್ಷದಂತೆ ಈ ವರ್ಷವೂ ತಮ್ಮ ಡ್ರೆಸ್ಸಿಂಗ್‌ನಿಂದ ಗಮನ ಸೆಳೆದಿದ್ದಾರೆ. 2014ರಿಂದಲೂ ಮೋದಿ ಅತ್ಯಾಕರ್ಷಕವಾದ ಟರ್ಬನ್‌ ಧರಿಸುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಈ ಬಾರಿ ಮೋದಿಯವರ ಟರ್ಬನ್‌ ಆಕರ್ಷಕವಾಗಿತ್ತು ಅಲ್ವಾ?