ರಂಗೋಲಿ ಹಾಕಲು ಹಿಂದೆ ಈ ಎರಡು ವಸ್ತು ಮಾತ್ರ ಬಳಸಲಾಗುತ್ತಿತ್ತು, ಅವುಗಳಿಂದ ಮನೆಗೆ ಶುಭ

ಹಿಂದೂ ಸಂಪ್ರದಾಯದಲ್ಲಿ ಬೆಳಗ್ಗೆ ಎದ್ದು ಸ್ನಾನ ಮಾಡಿ ಮಡಿ ಬಟ್ಟೆ ಧರಿಸಿ ಮನೆ ಮುಂದೆ ನೀರು ಹಾಕಿ ರಂಗೋಲಿ ಹಾಕುವ ಸಂಪ್ರದಾಯವಿದೆ. ಮನೆ ಮುಂದೆ ರಂಗೋಲಿ ಹಾಕಿದರೆ ಮನೆಗೆ ಶುಭ ಎಂಬುವುದು ನಂಬಿಕೆ. ಈ ಸಂಪ್ರದಾಯವನ್ನು ಬಹುತೇಕ ಕುಟುಂಬಗಳು ಇಂದಿಗೂ ಚಾಚೂ ತಪ್ಪದೆ ಪಾಲಿಸುತ್ತಾರೆ.

ಹಿಂದೆಯೆಲ್ಲಾ ಮನೆ ಮುಂದೆ ಸೆಗಣಿ ಸಾರಿಸಿ ನಂತರ ರಂಗೋಲಿ ಇಡುತ್ತಾರೆ, ಈಗ ಮನೆಯಲ್ಲಿ ಹಸುವಿಲ್ಲದಿದ್ದರೆ ಸೆಗಣಿ ಸಿಗುವುದು ಕಷ್ಟ ಅಲ್ಲದೆ ನೆಲವೂ ಇಂಟರ್‌ಲಾಕ್ ಅಥವಾ ಸಿಮೆಂಟ್ ಹೀಗಾಗಿ ಅದರ ಮೇಲೆ ನೀರು ಹಾಕಿ ರಂಗೋಲಿ ಹಾಕುತ್ತಾರೆ, ಕೆಲವರಂತೂ ದಿನಾ ರಂಗೋಲಿ ಹಾಕುವುದು ಕಷ್ಟ ಎಂದುಮನೆ ಮುಂದೆ ರಂಗೋಲಿ ಡಿಸೈನ್‌ ಪೇಯಿಂಟ್‌ನಿಂದ ಹಾಕಿರುತ್ತಾರೆ, ಇನ್ನು ಕೆಲವರು ರಂಗೋಲಿ ಅಚ್ಚು ಬಳಸಿ ಬಣ್ಣ-ಬಣ್ಣದ ರಂಗೋಲಿ ಹಾಕುತ್ತಾರೆ. ಆದರೆ ಸ್ನೇಹಿತರೇ ಕಾಲ ಬದಲಾದಂತೆ ರಂಗೋಲಿಗೆ ಬಳಸುವ ವಸ್ತಗಳಲ್ಲಿ ಸಾಕಷ್ಟು ಬದಲಾವಣೆಯಾಗಿದೆ.

Photo Credit:

ನಮ್ಮ ಹಿರಿಯರು ಯಾವುದೇ ಸಂಪ್ರದಾಯ ಮಾಡಿದ್ದರೂ ಅದನ್ನು ಡಿಕೋಡ್‌ ಮಾಡಿದಾಗ ಅದರ ಹಿಂದೆ ಹಲವಾರು ವೈಜ್ಞಾನಿಕ ಸತ್ಯಾಂಶಗಳಿರುತ್ತದೆ. ರಂಗೋಲಿ ಮನೆಗೆ ಶುಭ ಎಂಬುವುದು ನಂಬಿಕೆ, ಆದರೆ ರಂಗೋಲಿಯಿಂದ ಅನೇಕ ಪ್ರಯೋಜನಗಳಿವೆ ಎಂಬುವುದು ವೈಜ್ಞಾನಿಕ ಸತ್ಯ.

ಈ ಹಿಂದೆ ರಂಗೋಲಿಗೆ ಈ ಎರಡು ವಸ್ತುಗಳನ್ನು ಮಾತ್ರ ಬಳಸುತ್ತಿದ್ದರು
ಹೌದು ತುಂಬಾ ವರ್ಷಗಳ ಹಿಂದೆ ರಂಗೋಲಿ ಹಾಕಲು ಹೀಗಿನಂತೆ ಕೆಮಿಕಲ್‌ ಬಣ್ಣಗಳನ್ನು ಬಳಸುತ್ತಿರಲಿಲ್ಲ, ಬದಲಿಗೆ ಅಕ್ಕಿಪುಡಿ ಹಾಗೂ ಜೇಡಿ ಮಣ್ಣು ಮಾತ್ರ ಬಳಸುತ್ತಿದ್ದರು. ಈ ಎರಡು ವಸ್ತುಗಳನ್ನು ರಂಗೋಲಿ ಹಾಕಲು ಬಳಸುವುದರಿಂದ ಅನೇಕ ಪ್ರಯೋಜನಗಳಿವೆ.

ನಾವು ಹಾಕುವ ರಂಗೋಲಿಯಿಂದ ಪರಿಸರಕ್ಕೆ ಒಳ್ಳೆಯದು
ಹೌದು ನಾವು ಅಕ್ಕಿ ಹಿಟ್ಟು ಹಾಗೂ ಜೇಡಿ ಮಣ್ಣು ರಂಗೋಲಿಗೆ ಬಳಸಿದರೆ ಮನೆಗೆ ಹೇಗೆ ಪ್ರಯೋಜನಕಾರಿ ಎಂದು ನೋಡುವುದಾದರೆ ಮೊದಲು ಸೆಗಣಿ ಹಾಕಿ ನೆಲ ಸಾರಿಸಲಾಗುವುದು, ಅದರ ಮೇಲೆ ಅಕ್ಕಿ ಹಿಟ್ಟು ಹಾಕಿ ರಂಗೋಲಿ ಹಾಕಿದಾಗ ಅಲ್ಲಿ ಬರುವ ಕೆಲ ಹುಳ ಉಪ್ಪಟೆಗಳು ಪಕ್ಷಿಗಳಿಗೆ ಆಹಾರವಾಗುತ್ತಿತ್ತು, ಅಲ್ಲದೆ ಕೀಟಗಳು ಅಲ್ಲಿಯೇ ಉಳಿಯುವುದರಿಂದ ಮನೆಯೊಳಗಡೆ ಕೂಡ ಬರುವುದಿಲ್ಲ, ಹೀಗಾಗಿ ಮನೆ ಮುಂದೆ ರಂಗೋಲಿ ಹಾಕಲಾಗುವುದು.

ಮೆದುಳಿಗೆ ಒಳ್ಳೆಯದು
ರಂಗೋಲಿ ಸುಮ್ಮನೆ ಹಾಕಲು ಸಾಧ್ಯವಾಗಿಲ್ಲ, ರಂಗೋಲಿಯನ್ನು ಚುಕ್ಕಿ ಹಾಕಿ ಹಾಕಲಾಗುವುದು. ಯಾವ ರಂಗೋಲಿಗೆ ಎಷ್ಟು ಚುಕ್ಕಿ ಎಂಬುವುದು ಇರುತ್ತದೆ, ಇವುಗಳನ್ನು ನೆನಪಿನಲ್ಲಿಟ್ಟುಕೊಳ್ಳುವುದು, ರಂಗೋಲಿ ಹಾಕುವಾಗ ಬಳಸುವ ಬುದ್ದಿ ಇವೆಲ್ಲಾ ನಮ್ಮ ನೆನಪಿನ ಶಕ್ತಿ, ಬುದ್ಧಿ ಶಕ್ತಿಯನ್ನು ಚುರುಕುಗೊಳಿಸುವುದು, ಈ ನಿಟ್ಟಿನಲ್ಲಿಯೂ ಒಳ್ಳೆಯದು.

ಕಾಲ ಬದಲಾದಂತೆ ಕೆಮಿಕಲ್ ಬಣ್ಣಗಳು ಬಂದೆವು
ಹೌದು ಈಗ ಬಹುತೇಕರು ಬಳಸುವುದು ಕೆಮಿಕಲ್‌ ಹಾಕಿದ ರಂಗೋಲಿ ಪುಡಿಯನ್ನು. ಈಗ ನಮ್ಮ ಹಿರಿಯರು ರಂಗೋಲಿ ಏಕೆ ಬಳಸುತ್ತಿದ್ದರು ಎಂಬುವುದು ಎಂದು ನಿಮಗೆ ತಿಳಿದಿರಬಹುದಲ್ವಾ?