ವಾಸ್ತು ಶಾಸ್ತ್ರ ಪ್ರಕಾರ ದೇವರ ಕೋಣೆ ಯಾವ ದಿಕ್ಕಿನಲ್ಲಿದ್ದರೆ ಗೋಡೆಗೆ ಯಾವ ಬಣ್ಣ ಧನಾತ್ಮಕ ಶಕ್ತಿ ಹೆಚ್ಚಿಸುತ್ತದೆ

ಪ್ರತಿ ಮನೆಯಲ್ಲಿ ಪೂಜೆಗೆ ಒಂದು ಪ್ರತ್ಯೇಕ ಸ್ಥಳವಿರುತ್ತದೆ, ದೇವರ ಕೋಣೆಯಲ್ಲಿ ಕುಳಿತು ದೇವರನ್ನು ಪ್ರಾರ್ಥಿಸಿದಾಗ ಏನೋ ಒಂದು ರೀತಿಯ ಧನಾತ್ಮಕ ಶಕ್ತಿಯ ಅನುಭವ ಉಂಟಾಗುವುದು, ದೇವರನ್ನು ಧ್ಯಾನಿಸಿದಾಗ ಮನಸ್ಸಿನಲ್ಲಿರುವ ಒತ್ತಡ ಕಡಿಮೆಯಾಗುವುದು, ಮನಸ್ಸಿನಲ್ಲಿ ಆತ್ಮವಿಶ್ವಾಸ ಬಲವಾಗುವುದು.

ಮನೆಯಲ್ಲಿ ದೇವರ ಕೋಣೆ ಯಾವ ಭಾಗದಲ್ಲಿ ಇರಬೇಕು, ಯಾವ ಬಣ್ಣದಲ್ಲಿ ಇರಬೇಕು ಎಂದು ವಾಸ್ತು ಸಲಹೆಗಳಿವೆ, ಏಕೆಂದರೆ ಮನೆಯ ಆ ಭಾಗ ಮನೆಗೆ ಧನಾತ್ಮಕ ಶಕ್ತಿಯನ್ನು ತುಂಬುವಂತಿರಬೇಕು. ಅಲ್ಲದೆ ನಾವು ಆ ಪೂಜಾ ಕೋಣೆ ಅಥವಾ ಪೂಜಾ ಸ್ಥಳಕ್ಕೆ ಬಂದಾಗ ನಮ್ಮಲ್ಲಿಯೂ ಭಕ್ತಿಭಾವ ಬರುವಂತೆ ಆ ಜಾಗವನ್ನು ಇಡಬೇಕು. ವಾಸ್ತು ಶಾಸ್ತ್ರ ಪ್ರಕಾರ ದೇವರ ಕೋಣೆಗೆ ನೀವು ಬಣ್ಣ ಬಳಿಯುವಾಗ ಈ ಬಣ್ಣದಲ್ಲಿದ್ದರೆ ಒಳ್ಳೆಯದು ಎಂದು ಹೇಳಲಾಗುವುದು.

ಹಳದಿ

ಹಳದಿ ಎಂಬುವುದು ಶುಭದ ಸಂಕೇತ, ಸಂತೋಷ, ಧನಾತ್ಮಕ ಶಕ್ತಿಯನ್ನು ಪ್ರತಿನಿಧಿಸುತ್ತದೆ. ಸೂರ್ಯನ ಬೆಳಕು ಹಳದಿ ಬಣ್ಣದ ಮೇಲೆ ಬಿದ್ದಾಗ ತುಂಬಾನೇ ಆಕರ್ಷಕವಾಗಿ ಕಾಣುವುದು, ದೇವರ ಕೋಣೆ ಈಶಾನ್ಯ ಭಾಗದಲ್ಲಿರಲಿ, ಈ ಬಣ್ಣ ಧನಾತ್ಮಕ ಶಕ್ತಿ ಹೆಚ್ಚಿಸುತ್ತದೆ.

ಕಿತ್ತಳೆ /ಕೇಸರಿ ಬಣ್ಣ

ಹಳದಿಯಂತೆ ಕಿತ್ತಳೆ ಕೂಡ ತುಂಬಾನೇ ಆಕರ್ಷಕವಾದ ಬಣ್ಣ. ಇದು ಧೈರ್ಯ ಹಾಗೂ ಅದೃಷ್ಟದ ಸಂಕೇತ. ಎಲ್ಲಾ ದೇವರುಗಳ ಫೋಟೋದಲ್ಲಿ ಈ ಕೇಸರಿ ಬಣ್ಣ ಕಾಣಬಹುದು, ಪೂಜೆಯ ಕೋಣೆ ಈ ಬಣ್ಣದಲ್ಲಿದ್ದರೆ ಅದು ಅದು ಆಗ್ನೇಯ ಭಾಗದಲ್ಲಿದ್ದರೆ ಒಳ್ಳೆಯದು ಎಂದು ಹೇಳಲಾಗುವುದು.

ಚಿನ್ನದ ಬಣ್ಣ

ಪೂಜಾ ಕೋಣೆಯಲ್ಲಿ ಈ ಬಣ್ಣ ಸಾಮಾನ್ಯ, ಈ ಬಣ್ಣದಲ್ಲಿ ದೇವರ ಮೂರ್ತಿ ಹಾಗೂ ಫೋಟೋಗಳು ತುಂಬಾನೇ ದೈವಿಕ ಕಳೆಯಿಂದ ಕಾಣುವುದು, ಈ ಬಣ್ಣ ಪೂಜಾ ಕೋಣೆಗಿಂತ ನೀವು ಹಾಲ್‌ನಲ್ಲಿ ದೇವರ ಮೂರ್ತಿ ಇಡುವುದಾದರೆ ತುಂಬಾನೇ ಆಕರ್ಷಕವಾಗಿರುತ್ತದೆ. ತುಂಬಾ ಮನೆಗಳಲ್ಲಿ ದೇವರ ಕೋಣೆ ಪ್ರತ್ಯೇಕವಾಗಿರಲ್ಲ, ಅಂಥವರು ಈ ಬಣ್ಣ ಬಳಸಿದರೆ ಆ ಜಾಗ ತಟ್‌ ಅಂತ ಗಮನ ಸೆಳೆಯುವುದು, ನೋಡುವಾಗ ಮನಸ್ಸಿಗೆ ಧನಾತ್ಮಕ ಭಾವನೆ ಬರುವುದು.

ಬಿಳಿ ಬಣ್ಣ

ಬಿಳಿ ಬಣ್ಣ ಶುದ್ಧತೆಯ, ಶಾಂತಿಯ ಸಂಕೇತ, ಈ ಬಣ್ಣವನ್ನು ಪೂಜಾ ಕೋಣೆಗೆ ಬಳಸಬಹುದು, ಈ ಬಣ್ಣ ತುಂಬಾ ಪ್ರಶಾಂತತೆಯ ಅನುಭವ ನೀಡುವುದು. ಈ ಬಣ್ಣ ತುಂಬಾ ಶುಭ, ಅಲ್ಲದೆ ಗೋಡೆಗೆ ಈ ಬಣ್ಣವಿದ್ದರೆ ಆ ಕೋಣೆಯಲ್ಲಿ ದೇವರ ಫೋಟೋಗಳು ಹೈಲೈಟ್ಸ್ ಆಗಿ ಕಾಣುವುದು.

ಹಸಿರು ಬಣ್ಣ

ತೆಳು ಹಸಿರು ಬಣ್ಣ ಕೂಡ ದೇವರ ಕೋಣೆಯ ಗೋಡೆಗೆ ಬಳಸಬಹುದು. ನಿಮ್ಮ ಮನೆಯಲ್ಲಿ ದೇವರ ಕೋಣೆ ಪೂರ್ವದಲ್ಲಿದ್ದರೆ ಈ ಬಣ್ಣ ಬಳಸುವುದು ಒಳ್ಳೆಯದು.
ತುಂಬಾ ಗಾಢವಾದ ಬಣ್ಣ ಬಳಸಬೇಡಿ.

ಇತರ ಟಿಪ್ಸ್
ದೇವರ ಕೋಣೆ ಸ್ಟೇರ್‌ಕೇಸ್‌ ಕೆಳಗಡೆ ಇರಬಾರದು, ಸ್ಟೇರ್‌ಕೇಸ್‌ ಕೆಳಗಡೆ ಇದ್ದರೆ ಅದನ್ನು ಮೆಟ್ಟಿ ಹೋಗುವಂತಾಗುವುದು.
ಮನೆಯ ಹಾಲ್‌ನ ಬಲಭಾಗದಲ್ಲಿ ಇರಬಾರದು
ಟಾಯ್ಲೆಟ್‌ ಪಕ್ಕ ಇರಬಾರದು, ಫ್ಲ್ಯಾಟ್‌ನಲ್ಲಿ ಇರುವವರು ಇದನ್ನು ಗಮನಿಸಬೇಕು.
ದೇವರ ಕೋಣೆಯ ಗೋಡೆ, ಟಾಯ್ಲೆಟ್‌ ಗೋಡೆ ಒಂದೇ ಆಗರಿಬಾರದು.

ಪೂಜೆ ಕೋಣೆ ಎಷ್ಟು ಎತ್ತರದಲ್ಲಿರಬೇಕು?
ಪೂಜೆ ಕೋಣೆಯ ಎತ್ತರ 9 ಇಂಚಿಗಿಂತ ಹೆಚ್ಚು, ಎರಡು ಇಂಚಿಗಿಂತ ಕಡಿಮೆ ಇರಬಾರದು. ದೇವರ ಫೋಟೋಗಳ ನಡುವೆ ಸ್ವಲ್ಪ ಅಂತರವಿರಬೇಕು. ಅಲ್ಲದೆ ಮೂರ್ತಿಗಳನ್ನು ಗೋಡೆಯಿಂದ ಸ್ವಲ್ಪ ದೂರ ಇಡಬೇಕು.
ದೀಪ ಶುದ್ಧವಾಗಿರಬೇಕು
ಬತ್ತಿ ಸರಿಯಾಗಿರುವಂತೆ ನೋಡಿಕೊಳ್ಳಿ.
ದೇವರ ಕೋಣೆಗೆ ಸರಿಯಾಗಿ ಗಾಳಿಯಾಡುವಂತಿರಬೇಕು. ದೇವರ ಕೋಣೆಗೆ ಹೂವುಗಳನ್ನು ಇಡಿ.

ದೇವರ ಕೋಣೆ ಬಾಗಿಲು ಇರುವುದು ಒಳ್ಳೆಯದು.