ಪಪ್ಪಿಗೆ ಬಟ್ಟೆ ಧರಿಸುವ ಫ್ಯಾಷನ್ ಅಪಾಯ!

Published: Tuesday, March 27, 2012, 15:24 [IST]

ನಾಯಿಗೆ ಬೆಲ್ಟ್ ಕಟ್ಟುವುದೆಲ್ಲಾ ಹಳೆಯ ಟ್ರೆಂಡ್ ನಮ್ಮಂತೆ ಅವುಗಳ ಮಾನ(?) ಮುಚ್ಚಲು ಬಟ್ಟೆಗಳನ್ನು ಹಾಕಿ ಕೊಡುವವರು ನಮ್ಮಲ್ಲಿ ಅನೇಕ ಜನ ಇದ್ದಾರೆ. ಆದರೆ ನಮ್ಮ ಶೋಕಿಗೆ ನಾಯಿಗೆ ಬಟ್ಟೆ ಹಾಕಿದರೆ ನಾಯಿಗೆ ತುಂಬಾ ಸೆಕೆಯಾಗಿ ಅದರ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀಳುತ್ತದೆ. ಅಲ್ಲದೆ ಉಷ್ಣತೆ ಮತ್ತು ಚಳಿಗೆ ತನ್ನ ದೇಹವನ್ನು ಹೊಂದಿಸಿಕೊಳ್ಳುವಂತಹ ಅದರ ದೇಹ ಗುಣದ ಮೇಲೂ ಅಡ್ಡಪರಿಣಾಮ ಬೀರುತ್ತದೆ!

ನಾಯಿಗಳಿಗೆ ಬಟ್ಟೆ ತಯಾರಿಸಿ ಮಾರುವುವ ವ್ಯಾಪಾರ ಕೂಡ ಬೆಳೆಯುತ್ತಿದೆ. ಆದರೆ ನಾಯಿಗಳಿಗೆ ರೀತಿಯ ಬಟ್ಟೆಯ ಅವಶ್ಯಕತೆ ಇಲ್ಲ. ಪ್ರಾಣಿಗಳಿಗೆ ಈ ರೀತಿ ಬಟ್ಟೆ ಧರಿಸುವುದರಿಂದ ಅವುಗಳ ದೇಹದಲ್ಲಿ ಅಧಿಕ ಉಷ್ಣತೆ ಉಂಟಾಗಿ ದೇಹದ ಆರೋಗ್ಯ ಹಾಳಾಗುವುದು.

ತುಂಬಾ ಸೆಕೆಯಲ್ಲಿ ನಾಯಿಗಳನ್ನು ಸ್ನಾನ ಮಾಡಿಸಿದರೆ ಅವುಗಳ ಆರೋಗ್ಯಕ್ಕೆ ಒಳ್ಳೆಯದು. ನಾಯಿಯನ್ನು ತುಂಬಾ ಚಿಕ್ಕ ಗೂಡಿನಲ್ಲಿ ಹಾಕಾದೆ ಸ್ವಲ್ಪ ಗಾಳಿಯಾಡುವ ಜಾಗದಲ್ಲಿ ಕಟ್ಟುವುದು ಈ ಬೇಸಿಗೆ ಕಾಲದಲ್ಲಿ ನಾಯಿಗಳ ಆರೋಗ್ಯಕ್ಕೆ ಒಳ್ಳೆಯದು. ಒಂದು ವೇಳೆ ನಿಮ್ಮ ನಾಯಿಗೆ ಬಟ್ಟೆ ಹಾಕಿಸುತ್ತಿದ್ದರೆ ಇವತ್ತೆ ನಿಲ್ಲಿಸಿ, ಸೆಕೆ ಜೊತೆ ಬಟ್ಟೆ ತೊಡಿಸಿದಾಗ ಮತ್ತಷ್ಟು ಸೆಕೆಯಾಗುವುದರಿಂದ ಅವುಗಳಿಗೆ ಹಿಂಸೆಯಾಗುತ್ತದೆ.