ಮುದ್ದು ನಾಯಿಗೆ ನೀಮ್ ಆಯಿಲ್ ಸೇಫ್

ಇಂತಹ ಸಮಸ್ಯೆಗೆ ಬೇವಿನ ಎಣ್ಣೆ ತುಂಬಾ ಪರಿಣಾಮಕಾರಿ. ಬೇವಿನಲ್ಲಿರುವ ಔಷಧೀಯ ಗುಣ ನಾಯಿಗಳ ಆರೋಗ್ಯಕ್ಕೆ ತುಂಬಾ ಸಹಕಾರಿ. ನಾಯಿಗಳಿಗೆ ಬೇವಿನ ಎಣ್ಣೆ ಹೇಗೆ ಸಹಕಾರಿ ಎಂದು ನೋಡೋಣ:

1. ಕೀಟಾಣುಗಳಿಂದ ದೂರವಿರಿಸುತ್ತೆ: ನಾಯಿಯ ಚರ್ಮವನ್ನು ಕೀಟಾಣುಗಳು ಬಹು ಬೇಗ ಸೇರುತ್ತವೆ. ಬೇವಿನ ಎಣ್ಣೆಯನ್ನು ನಾಯಿಗೆ ಸ್ನಾನ ಮಾಡಿಸುವ ನೀರಿನಲ್ಲಿ ಬೆರೆಸಿದರೆ ಕೀಟಾಣುಗಳು ನಾಯಿಯ ಹತ್ತಿರ ಸುಳಿಯದಂತೆ ತಡೆಯುತ್ತದೆ ಮತ್ತು ಚರ್ಮದ ಸ್ವಾಸ್ಥ್ಯವೂ ಹದಗೆಡುವುದಿಲ್ಲ.

2. ಬೇವಿನ ಶಾಂಪೂ: ಬೇವು ಮಿಶ್ರಿತ ಶಾಂಪೂ ನಾಯಿಗಳಿಗೆ ತುಂಬಾ ಸೇಫ್. 100 ಮಿಲಿ ಶಾಂಪೂವಿಗೆ 5 ಮಿಲಿ ಬೇವಿನ ಎಣ್ಣೆ ಬೆರೆಸಿ ಹಚ್ಚಿದರೆ ತುರಿಕೆಯನ್ನು ಕಡಿಮೆ ಮಾಡಿ ನಾಯಿಯ ಕೂದಲು ಮತ್ತು ಚರ್ಮಕ್ಕೆ ರಕ್ಷಾಕವಚದಂತಿರುತ್ತದೆ ಹಾಗೂ ಅನೇಕ ಚರ್ಮ ಸಂಬಂಧಿ ರೋಗವನ್ನು ತಡೆಯುತ್ತದೆ.

3. ನೀಮ್ ಸೋಪು: ನಾಯಿಗಳಿಗೆಂದು ಇರುವ ಸೋಪ್ ಗಳಲ್ಲಿ ಲಭ್ಯವಿರುವ ನೀಮ್ ಸೋಪ್, ಬೇವು ಮಿಶ್ರಿತ ಸೋಪನ್ನು ನಾಯಿಗಳಿಗೆ ಬಳಸಿ. ಇದು ಚರ್ಮದ ಸೋಂಕಿನಿಂದ ನಾಯಿ ದೂರವುಳಿಯುವಂತೆ ಕಾಪಾಡುತ್ತದೆ.

4. ಆಹಾರದೊಂದಿಗಿರಲಿ: ನಾಯಿಗೆ ನೀಡುವ ಆಹಾರದೊಂದಿಗೆ ಬೇವಿನ ಎಲೆ ಚೂರುಗಳನ್ನೂ ಸೇರಿಸಿದರೆ ನಾಯಿಯ ರಕ್ತ ಶುದ್ಧಗೊಂಡು, ಲಿವರ್ ಚೆನ್ನಾಗಿ ಕೆಲಸ ನಿರ್ವಹಿಸುವಂತೆ ನೋಡಿಕೊಳ್ಳುತ್ತದೆ. ನಾಯಿಯ ರೋಗ ನಿರೋಧಕ ಶಕ್ತಿಯನ್ನೂ ಹೆಚ್ಚಿಸುತ್ತದೆ.

5. ಬೇವಿನ ಔಷಧ: ನಾಯಿಗಳಿಗೆ ಗಾಯವಾದರೆ ತಕ್ಷಣವೇ ಅರಿಶಿನದೊಂದಿಗೆ ಬೇವಿನ ಎಲೆ ಬೆರೆಸಿ ಹಚ್ಚಿದರೆ ಕೀಟಾಣುಗಳು ತಗುಲಿ ಅದು ಹರಡುವುದನ್ನು ತಡೆಯುತ್ತದೆ.

6. ಬೇವಿನ ಎಣ್ಣೆ ದೇಹ ಸೇರದಿರಲಿ: ಬೇವಿನ ಎಣ್ಣೆಯನ್ನು ನಾಯಿಗಳಿಗೆ ಬಳಸುವಾಗ ಎಚ್ಚರದಿಂದಿರಿ. ಅದನ್ನು ನಾಯಿಗಳು ನೆಕ್ಕದಂತೆ ನೋಡಿಕೊಳ್ಳಿ.
ನಾಯಿಯ ವಯಸ್ಸು ಮತ್ತು ತೂಕಕ್ಕೆ ಅನುಗುಣವಾಗಿ ಬೇವಿನ ಎಣ್ಣೆ, ಬೇವಿನ ಸೋಪ್ ಕೂಡ ಲಭ್ಯವಿದೆ. ಅದನ್ನು ಬಳಸಿ ನಿಮ್ಮ ಮುದ್ದು ನಾಯಿ ಅನಾರೋಗ್ಯಕ್ಕೀಡಾಗದಂತೆ ನೋಡಿಕೊಳ್ಳಬಹುದು.