ಹೊರಗಡೆಯಿಂದ ಮನೆಗೆ ಕೊರೊನಾ ಸೋಂಕು ಬಾರದಿರಲು ಟಿಪ್ಸ್

Updated: Wednesday, May 26, 2021, 15:41 [IST]

ಕೊರೊನಾವೈರಸ್‌ ಬಗ್ಗೆ ಜನರಲ್ಲಿ ಆತಂಕ, ನಾನಾ ಸಂಶಯಗಳಿವೆ. ಕೆಲವರು ನಾನು ಮನೆಯಿಂದ ಹೊರಗೆಯೇ ಕಾಲಿಟ್ಟಿರಲಿಲ್ಲ, ಆದರೂ ಕೊರೊನಾ ಹೇಗೆ ಬಂತು ಎಂದು ಕೇಳುತ್ತಾರೆ. ಕೊರೊನಾ ಸೋಂಕು ಆಹಾರದಿಂದ ಹರಡುತ್ತಿದೆಯೇ? ಬಟ್ಟೆಗಳನ್ನು ಲಾಂಡ್ರಿಗೆ ಕೊಡಬಹುದೇ ಈ ರೀತಿಯ ಹಲವು ಸಂಶಯಗಳಿವೆ. ಇನ್ನು ಕೊರೊನಾ ಬಗ್ಗೆ ಹರಡುತ್ತಿರುವ ಅನೇಕ ತಪ್ಪು ಸುದ್ದಿಗಳು ಕೂಡ ಜನರಲ್ಲಿ ಆತಂಕ ಹೆಚ್ಚಿಸಲು ಒಮದು ಕಾರಣವಾಗಿದೆ.

ಕೋವಿಡ್ 19 ಸೋಂಕಿತ ವ್ಯಕ್ತಿಯ ನೇರ ಸಂಪರ್ಕ ಅಥವಾ ಅವರ ಎಂಜಲು ಬಿದ್ದ ಕಡೆ ಮುಟ್ಟಿದಾಗ ಅಥವಾ ಅವರು ಕೆಮ್ಮಿದಾಗ ಕೈಯನ್ನು ಅಡ್ಡ ಹಿಡಿದು ಆ ಕೈಯಿಂದ ಮುಟ್ಟಿದ ವಸ್ತುಗಳನ್ನು ಇತರರು ಮುಟ್ಟಿದಾಗ ಸೋಂಕು ಹರಡುವುದು. ಇದರ ಕುರಿತು ಹಲವಾರು ಸಂಶೋಧನೆಗಳನ್ನು ನಡೆಸುತ್ತಿದ್ದಾರೆ.

ವೈರಸ್‌ ನೆಲೆದ ಮೇಲೆ ಅಥವಾ ವಸ್ತುಗಳ ಮೇಲೆ ಕೆಲವು ಗಂಟೆಗಳವರೆಗೆ ಇರುತ್ತದೆ, ಆದರೆ ಒಂದು ಒಳ್ಳೆಯದ ಸುದ್ದಿ ಎಂದರೆ ಇದನ್ನು ಸಾಮಾನ್ಯ ಸೋಪು ಅಥವಾ ಸೋಂಕಾಣುಗಳನ್ನು ಕೊಲ್ಲುವ ಲಿಕ್ವಿಡ್‌ ಹಾಕಿ ಒರೆಸುವುದರಿಂದ ಅದನ್ನು ಕೊಲ್ಲಬಹುದು.

ಈಗ ಮನೆಯವರನ್ನು ಈ ಸೋಂಕಿನಿಂದ ರಕ್ಷಣೆ ಮಾಡುವುದು ಹೇಗೆ ಎಂದು ರಕ್ಷಣೆ ಮಾಡುವುದು ಹೇಗೆ ಎಂದು ನೋಡೋಣ:

ವೈಯಕ್ತಿಕ ಸ್ವಚ್ಛತೆ

ಮೊದಲಿಯದಾಗಿ ನಾವು ನಮ್ಮ ಸ್ವಚ್ಛತೆ ಕಡೆ ಹೆಚ್ಚು ಗಮನ ಹರಿಸಬೇಕು. ಅಂದ್ರೆ ಆಗಾಗ ಕೈಗಳಿಗೆ ಸೋಪು ಹಚ್ಚಿ ತೊಳೆಯುತ್ತಿರಬೇಕು. ಅಲ್ಲದೆ ಆಗಾಗ ಮುಖ ಮುಟ್ಟಬಾರದು. ಮಾಸ್ಕ್‌ ಹಾಕುವ ಮುನ್ನ ಹಾಗೂ ಮಾಸ್ಕ್ ತೆಗೆದ ಬಳಿಕ ಸೋಪು ಹಚ್ಚಿ ಮುಖ ತೊಳೆಯಿರಿ.

ಕೆಮ್ಮುವಾಗ, ಸೀನುವಾಗ ಕೈಗಳನ್ನು ಅಡ್ಡ ಹಿಡಿಯಬೇಡಿ

ಕೆಮ್ಮುವಾಗ, ಸೀನುವಾಗ ಕೈಗಳನ್ನು ಅಡ್ಡ ಹಿಡಿಯುವ ಅಭ್ಯಾಸ ನಮಗಿರುತ್ತದೆ. ಆದರೆ ಅದು ಬದಲಾಗಬೇಕಾಗಿದೆ. ಕೈಗಳ ಬದಲಿಗೆ ಮೊಣಕೈ ಅಡ್ಡ ಹಿಡಿದು ಕೆಮ್ಮುವುದು, ಸೀನುವುದು ಮಾಡಿ. ಕೆಮ್ಮುವಾದ, ಸೀನುವಾಗ ಬಾಯಿಗೆ ಅಡ್ಡವಾಗಿ ಹಿಡಿದ ಟಿಶ್ಯೂವನ್ನು ಒಂದು ಪೇಪರ್‌ನಲ್ಲಿ ಸುತ್ತಿ ಕಸದ ಬುಟ್ಟಿಗೆ ಹಾಕಿ.

ಅಂತರ ಕಾಯ್ದುಕೊಳ್ಳಿ

ಅವರು ನಿಮ್ಮ ಹತ್ತಿರದ ಸ್ನೇಹಿತರೇ ಆಗಲಿ ಕಂಡ ತಕ್ಷಣ ಕೈಕುಲುಕುವುದು, ತಬ್ಬಿಕೊಳ್ಳುವುದು ಮಾಡಬೇಡಿ. ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ. ಹೊರಗಡೆ ಹೋಗುವಾಗ ಕನಿಷ್ಠ 3 ಅಡಿ ಅಂತರ ಕಾಯ್ದುಕೊಳ್ಳಿ.

ಕೈಗಳನ್ನು ಆಗಾಗ ತೊಳೆಯುತ್ತಲೇ ಇರಿ

ಕೈ ತೊಳೆಯಲು ಬಿಸಿ ನೀರೇ ಬೇಕು ಅಂತಿಲ್ಲ, ತಣ್ಣೀರಿನಲ್ಲಿ ತೊಳೆಯಬಹುದು. ಸೋಫು ಹಚ್ಚಿ 30 ಸೆಕೆಂಡ್ ಚೆನ್ನಾಗಿ ತಿಕ್ಕಿ ತೊಳೆಯಿರಿ. ಅಡುಗೆ ಮಾಡುವ ಮುನ್ನ, ಮೇಕಪ್ ಹಾಕಿ ಕೊಳ್ಳುವ ಮುನ್ನ, ಹೊರಗಡೆ ಹೋಗಿ ಮನೆಗೆ ಹಿಂತಿರುಗಿದಾಗ ಕೈಗಳನ್ನು ಸೋಪು ಹಚ್ಚಿ ತೊಳೆಯಿರಿ.

ಮನೆಯ ಸ್ವಚ್ಛತೆ

ಮನೆಯನ್ನು ದಿನಾ ಸೋಂಕಾಣು ಕೊಲ್ಲುವ ಲಿಕ್ವಿಡ್ ಹಾಕಿ ಸ್ವಚ್ಛ ಮಾಡಿ. ಹೆಚ್ಚು ಮುಟ್ಟುವ ವಸ್ತುಗಳು ಟಿವಿ ರಿಮೂಟ್, ಕಿಟಕಿ, ಅಡುಗೆ ಮನೆ, ಡೋರ್ , ಕಂಪ್ಯೂಟರ್, ಕೀಬೋರ್ಡ್, ಕಾಲಿಂಗ್ ಬೆಲ್ ಇಂಥ ವಸ್ತುಗಳನ್ನು ಸ್ವಚ್ಛ ಮಾಡಿ.

ಯಾವ ವಸ್ತುವನ್ನು ಸ್ವಚ್ಛತೆಗೆ ಬಳಸಬೇಕು

ಸೋಪ್, ಸೋಪ್‌ ಪೌಡರ್,ಸ್ಪ್ರೇ, ನೀರು ಇಂಥ ವಸ್ತುಗಳನ್ನು ಬಳಸಿ ಸ್ವಚ್ಛ ಮಾಡಬಹುದು. ಇನ್ನು ಶೇ.70ರಷ್ಟು ಆಲ್ಕೋಹಾಲ್ ಇರುವ ಬ್ಲೀಚ್‌ ಅಥವಾ ಸೋಂಕಾಣುಗಳನ್ನು ಕೊಲ್ಲುವ ಫೀನೈಲ್ ಮುಂತಾದ ಸೋಂಕಾಣು ಕೊಲ್ಲುವ ಲಿಕ್ವಿಡ್ ಬಳಸಬಹುದು. ಮೊಬೈಲ್‌ ಕೂಡ ಸ್ವಚ್ಛ ಮಾಡಿ.

ಬಟ್ಟೆಯ ಸ್ವಚ್ಛತೆ

ಹೊರಗಡೆ ಹೋಗಿ ಬಂದ ಮೇಲೆ ಆ ಬಟ್ಟೆ ಬಿಚ್ಚಿ ತೊಳೆಯಲು ಹಾಕಿ, ಸೋಪು ನೀರಿನಲ್ಲಿ ನೆನೆಹಾಕಬೇಕು, ನಂತರ ಅದನ್ನು ತೊಳೆದು ಹಾಕಿ ಕೈಗಳನ್ನು ಸೋಪು ಹಚ್ಚಿ ತೊಳೆಯಿರಿ.

ಬಟ್ಟೆ ತೊಳೆಯುವಾಗ ಗಮನಿಸಬೇಕಾದ ಅಂಶಗಳು

ಕೊಳಕು ಬಟ್ಟೆ ಕೊಡವಿ ಒಗೆಯಕ್ಕೆ ಹಾಕಬೇಕಿ, ಈ ರೀತಿ ಮಾಡಿದರೆ ವೈರಸ್‌ ಇದ್ದರೆ ಅದು ಗಾಳಿಗೆ ಹಾರುವುದು. ಅದನ್ನು ಹಾಗೇ ಸೋಪು ನೀರಿನಲ್ಲಿ ನೆನೆ ಹಾಕಿ. ಇನ್ನು ವಾಶಿಂಗ್ ಮೆಷಿನ್‌ನಲ್ಲಿ ಹಾಕುವುದಾದರೆ ಹಾಟ್‌ ವಾಟರ್‌ನಲ್ಲಿ ತೊಳೆಯುವುದು ಸೂಕ್ತ.