ಕಾಫಿ ಕಲೆಯನ್ನು ಚಕ್ಕನೆ ನಿವಾರಿಸಲು ಸರಳ ಟಿಪ್ಸ್

ತಣ್ಣಗಿನ ನೀರು

ತಣ್ಣಗಿನ ನೀರನ್ನು ಬಳಸಿ ಬಟ್ಟೆಯ ಮೇಲಿನಿಂದ ಕಾಫಿ ಕಲೆಯನ್ನು ಹೋಗಲಾಡಿಸಬಹುದಾಗಿದೆ. ಕಲೆಯ ಮೇಲೆ ಶುದ್ಧವಾದ ನೀರನ್ನು ಹರಿಯಲು ಬಿಡಿ ಮತ್ತು ಅದು ತನ್ನಷ್ಟಕ್ಕೆ ಹೋಗುತ್ತದೆ.

ಬಿಯರ್

ಬಿಯರ್ ಸಹಾಯದಿಂದ ಕೂಡ ಕಾಫಿ ಕಲೆಯನ್ನು ನಿವಾರಿಸಿಕೊಳ್ಳಬಹುದು. ಕಲೆಯಾಗಿರುವ ಜಾಗದಲ್ಲಿ ಬಿಯರ್ ಬಳಸಿ ಅದನ್ನು ಉಜ್ಜಿ. ಇದೇ ಪ್ರಕ್ರಿಯೆಯನ್ನು ಮುಂದುವರಿಸುವುದರ ಮೂಲಕ ಕಲೆ ನಿವಾರಣೆ ಮಾಡಿಕೊಳ್ಳಬಹುದು.

ವಿನೇಗರ್

ವಿನೇಗರ್ ಅನ್ನು ಬಳಸಿ ಕೂಡ ಕಾಫಿಯ ಕಲೆಯನ್ನು ನೀಗಿಸಿಕೊಳ್ಳಬಹುದು. ಕಲೆಯಾದ ಬಟ್ಟೆಯನ್ನು ವಿನೇಗರ್‎ನಲ್ಲಿ ನೆನೆಸಿಡಿ ಮತ್ತು ನಿಮ್ಮ ದೈನಂದಿನ ವಿಧಾನದಲ್ಲಿ ಅದನ್ನು ತೊಳೆಯಿರಿ. ಕಲೆ ದೊಡ್ಡದಾಗಿದೆ ಎಂದಾದಲ್ಲಿ ಕಲೆಯಾದ ಭಾಗವನ್ನು ಮೂರು ಭಾಗದಷ್ಟು ವಿನೇಗರ್‎ಗೆ ಒಂದು ಭಾಗ ನೀರು ಸೇರಿಸಿದ ದ್ರಾವಣದಲ್ಲಿ ಸ್ವಲ್ಪ ಕಾಲ ನೆನೆಸಿಡಿ.

ಬೇಕಿಂಗ್ ಸೋಡಾ

ಬಟ್ಟೆಗಳಲ್ಲಿರುವ ಕಾಫಿ ಕಲೆ ನಿವಾರಣೆಗೆ ಸೋಡಾ ಸಹಕಾರಿ. ಸ್ವಲ್ಪ ಬೆಚ್ಚಗಿನ ನೀರನ್ನು ಕಲೆಯ ಮೇಲೆ ಹಾಕಿ ಮತ್ತು ಸ್ವಲ್ಪ ಬೇಕಿಂಗ್ ಹುಡಿಯನ್ನು ಉದುರಿಸಿ ನಂತರ ಸ್ವಲ್ಪ ಹೊತ್ತಿನ ಬಳಿಕ ಅದನ್ನು ತೊಳೆದುಕೊಳ್ಳಿ. ಹೆಚ್ಚು ಸೂಕ್ಷ್ಮ ಬಟ್ಟೆಗಳ ಮೇಲೆ ಈ ಪ್ರಯೋಗವನ್ನು ಮಾಡಬೇಡಿ.

ಮೊಟ್ಟೆಯ ಹಳದಿ

ಮೊಟ್ಟೆಯ ಹಳದಿ ಭಾಗ ಕೂಡ ಕಲೆಯನ್ನು ಕೂಡಲೇ ನಿವಾರಿಸುವಲ್ಲಿ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಮೊಟ್ಟೆಯ ಹಳದಿ ಭಾಗವನ್ನು ಬಟ್ಟೆಯ ಸಹಾಯದಿಂದ ಕಲೆಯಾದ ಜಾಗದ ಮೇಲೆ ಉಜ್ಜಿಕೊಳ್ಳಿ.

ಕ್ಲಬ್ ಸೋಡಾ

ಕಾಫಿ ಕಲೆ ನಿವಾರಣೆಗೆ ಕ್ಲಬ್ ಸೋಡಾ ಸಹಕಾರಿ. ಕಲೆಯಾದ ಜಾಗದಲ್ಲಿ ಇದನ್ನು ಹಾಕಿ ಮತ್ತು ಉಜ್ಜಿ. ಕಲೆ ಸಂಪೂರ್ಣ ಹೋಗುವವರೆಗೆ ಈ ಪ್ರಕ್ರಿಯೆಯನ್ನು ನಡೆಸಿ.

ಡಿಟರ್ಜೆಂಟ್

ದ್ರವಯುಕ್ತ ಡಿಟರ್ಜೆಂಟ್ ಅನ್ನು ಬಳಸಿ ಕೂಡ ಕಲೆಯನ್ನು ಹೋಗಲಾಡಿಸಬಹುದಾಗಿದೆ. ಹೊಸ ಕಲೆಗೆ ಇದರಲ್ಲಿ ಬಟ್ಟೆಯನ್ನು 5 ನಿಮಿಷ ಮುಳುಗಿಸಿಟ್ಟರೆ ಸಾಕು. ಇನ್ನು ಕಲೆ ಹಳತಾಗಿದೆ ಎಂದಾದಲ್ಲಿ ಅರ್ಧ ಗಂಟೆ ಕಾಲ ಬಟ್ಟೆಯನ್ನು ನೆನೆಸಿ ಆದರೆ ಇದನ್ನು ಒಣಗಲು ಬಿಡಬೇಡಿ.

ಕಲೆನಿವಾರಕ

ಕಾಫಿ ಕಲೆಯನ್ನು ನಿವಾರಿಸಲು ಸ್ಟೇನ್ ರಿಮೂವರ್ ಸಹಕಾರಿಯಾದುದು. ಸ್ಟೇನ್ ರಿಮೂವರ್ ಹಚ್ಚಿ ಇದನ್ನು 5 ನಿಮಿಷಗಳ ಕಾಲ ಬಿಡಿ ನಂತರ ಅದನ್ನು ತೊಳೆದುಕೊಳ್ಳಿ.