ಊಹೆಗೂ ನಿಲುಕದ ವಿನಿಗರ್‌ನ ಅಸಾಧಾರಣ ಪ್ರಯೋಜನಗಳೇನು?

ವಿನಿಗರ್ ನಮ್ಮ ಮನೆಯಲ್ಲಿ ಒಮ್ಮೊಮ್ಮೆ ದೊಡ್ಡ ಬಾಟಲಿಗಳಲ್ಲಿ ಉಳಿದು ಬಿಡುವುದು ಸಹಜ. ಆಗ ಇದರಿಂದ ನಾವೇನು ಮಹಾ ಅಡಿಗೆ ಮಾಡುತ್ತೇವೆಯೆಂದೊ, ಅಥವಾ ಯಾವಾಗಲೋ ಬಳಸುತ್ತೇವೆ ಬಿಡು ಎಂದೋ ಎಸೆಯಬೇಡಿ. ಕೇವಲ ಚೈನೀಸ್ ಅಡುಗೆ ಮಾಡಲು, ಅಥವಾ ಗೋಬಿ ಮಂಚೂರಿ ಮುಂತಾದ ಆಹಾರ ಪದಾರ್ಥಗಳನ್ನು ತಯಾರಿಸಲು ಮಾತ್ರವಲ್ಲದೆ ಇನ್ನುಳಿದ ಕೆಲಸಗಳಿಗು ಸಹ ಬಳಸಬಹುದು.

ಇದರ ಉಪಯೋಗವನ್ನು ಮನಗಂಡರೆ, ಇದರಿಂದ ಸಾವಿರಾರು ಕೆಲಸಗಳನ್ನು ನಾವು ಮಾಡಬಹುದು. ಬನ್ನಿ ಇಲ್ಲಿ ನಾವು ನಿಮಗಾಗಿ ವಿನಿಗರ್‌ನ ಅಸಾಧರಣ ಉಪಯೋಗಗಳ ಪಟ್ಟಿಯನ್ನು ನಿಮಗಾಗಿ ನೀಡಿದ್ದೇವೆ, ಮುಂದೆ ಓದಿ...

ಬಾಯಿ ಹುಣ್ಣಿಗೆ ಉತ್ತಮ ಪರಿಹಾರ
ಬಾಯಿ ಹುಣ್ಣು ಆದರೆ ಅಪ್ಪಲ್ ಸಿಡೆರ್ ವಿನಿಗರ್ ಅನ್ನು ಸ್ವಲ್ಪ ಬೆಚ್ಚಗಿನ ನೀರಿಗೆ ಬೆರೆಸಿ ಬಾಯಿ ಮುಕ್ಕಳಿಸಿ. ಅಥವಾ ವಿನಿಗರ್ ಅನ್ನು ಜೇನಿನ ಜೊತೆ ಬೆರೆಸಿ ಬಳಸಿ. ಇದು ಮತ್ತಷ್ಟು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ.

ಇರುವೆಗಳನ್ನು ತೊಲಗಿಸಲು
ಮನೆಯಲ್ಲಿ ಇರುವೆಗಳ ಸಾಲನ್ನು ನೋಡಿ ನೋಡಿ ಬೇಸತ್ತಿರಾ? ಏಕೆ ಯೋಚನೆ ಮಾಡುವಿರಿ. ಈ ಇರುವೆಗಳು ವಿನಿಗರ್ ಅನ್ನು ದ್ವೇಷಿಸುತ್ತವೆ. ವಿನಿಗರ್ ಅನ್ನು, ನೀರಿನೊಂದಿಗೆ ಸಮ ಪ್ರಮಾಣದಲ್ಲಿ ಬೆರೆಸಿ, ಇರುವೆಗಳು ಓಡಾಡುವ ಸ್ಥಳದಲ್ಲಿ ಚಿಮುಕಿಸಿ. ಇರುವೆಗಳು ನಿಮ್ಮ ಮನೆಯಿಂದ ಜಾಗ ಖಾಲಿ ಮಾಡುತ್ತವೆ. ಗ್ಯಾಸ್ ಸಿಲಿಂಡರ್ ಸುರಕ್ಷತೆ: ತಪ್ಪದೇ ಇಂತಹ ಸೂಚನೆಗಳನ್ನು ಪಾಲಿಸಿ!

ಸ್ನಾಯುಗಳಿಗೆ ಹುರುಪು ತುಂಬಲು
ಅಪ್ಪಲ್ ಸಿಡೆರ್ ವಿನಿಗರ್ ನಿಮ್ಮ ದೇಹದಲ್ಲಿರುವ ಲ್ಯಾಕ್ಟಿಕ್ ಆಮ್ಲವನ್ನು ಹೊಡೆದೋಡಿಸುತ್ತವೆ. ಇವುಗಳು ನಮ್ಮ ಸ್ನಾಯುಗಳ ವ್ಯಾಯಾಮಕ್ಕೆ ತೀರ ಅತ್ಯಾವಶ್ಯಕ. ಅದಕ್ಕಾಗಿ ಒಂದು ಚಮಚ ವಿನಿಗರ್ ಅನ್ನು ಒಂದು ಕಪ್ ನೀರಿನಲ್ಲಿ ಬೆರೆಸಿ. ಇದನ್ನು ಬಟ್ಟೆಯಲ್ಲಿ ಅದ್ದಿಕೊಂಡು ನೋವು ಇರುವ ಭಾಗಕ್ಕೆ ಹಾಕಿ, 20 ನಿಮಿಷದ ನಂತರ ತೊಳೆಯಿರಿ.

ಸ್ಟಿಕರ್ ತೆಗೆಯಲು
ಸ್ವಲ್ಪ ವಿನಿಗರ್ ಅನ್ನು ತೆಗೆದುಕೊಂಡು ಸ್ಟೌವ ಮೇಲೆ ಆಗಲಿ ಅಥವಾ ಓವೆನ್‍ನಲ್ಲಾಗಲಿ ಕಾಯಿಸಿ. ಅದರಲ್ಲಿ ಒಂದು ಬಟ್ಟೆ ತುಂಡನ್ನು ಅದ್ದಿ, ನಂತರ ಅದನ್ನು ಸ್ಟಿಕರ್ ಮೇಲೆ ಇಡಿ. ಆ ಸ್ಟಿಕರ್ ನೋಡಿ ಸ್ವಲ್ಪ ಹೊತ್ತಿನಲ್ಲಿ ಕಿತ್ತರೆ ನಿಮ್ಮ ಕೈಗೆ ಬರುತ್ತದೆ. ಕಾರ್ಪೆಟ್ ಮೇಲೆ ಬಿದ್ದ ಒಡೆದ ಗಾಜುಗಳನ್ನು ಸ್ವಚ್ಛಗೊಳಿಸುವುದು ಹೇಗೆ?

ಆಹಾರದಲ್ಲಿ ಖಾರ ಹೆಚ್ಚಾದರೆ ಕಮ್ಮಿ ಮಾಡಲು
ನಿಮ್ಮ ಊಟ ತಿಂಡಿಯಲ್ಲಿ ಖಾರ ಹೆಚ್ಚಾದರೆ ಏನು ಮಾಡುವುದು? ಅದರಲ್ಲೂ ಅತಿಥಿಗಳು ಬಂದಿದ್ದಾರೆಂದು ಅವರಿಗಾಗಿ ವಿಶೇಷ ಅಡಿಗೆ ಮಾಡಿದಾಗ ಈಗಾದರೆ ಏನು ಮಾಡುವುದು? ಯೋಚನೆ ಮಾಡಬೇಡಿ. ಅದಕ್ಕೆ ಆಪದ್ಭಾಂಧವನಾಗಿ ವಿನಿಗರ್ ಬಳಸಿ. ಅದಕ್ಕಾಗಿ ನೀವು ಬಿಳಿಯ ಅಥವಾ ಅಪ್ಪಲ್ ಸಿಡೆರ್ ವಿನಿಗರ್ ಅನ್ನು ಬಳಸಬಹುದು. ಖಾರ ಕಡಿಮೆ ಮಾಡಲು ಒಂದು ಟೀ ಚಮಚದಷ್ಟು ವಿನಿಗರ್ ಅನ್ನು ಬಳಸಿ ಸಾಕು.