ಬಾಳೆ ಹಣ್ಣಿನ ಸಿಪ್ಪೆಯ ಚಮತ್ಕಾರೀ ಉಪಯೋಗ!

ಬೆಳ್ಳಿಯ ಸಾಮಾಗ್ರಿಗಳು:

ನಿಮ್ಮ ಮನೆಯನ್ನು ಸುಂದರಗೊಳಿಸುವ ವಿಧಾನ ನಿಮ್ಮ ಬೆಳ್ಳಿಯ ಪಾತ್ರಯಿಂದಲೇ ಶುರುವಾಗಲಿ. ವೃತ್ತಾಕಾರವಾಗಿ ಸಿಪ್ಪೆಯನ್ನು ಬೆಳ್ಳಿಯ ಪಾತ್ರೆಯ ಮೇಲೆ ತಿಕ್ಕಿ ನಂತರ ಬೆಚ್ಚಗಿನ ನಿರಿನಿಂದ ಪಾತ್ರೆಯನ್ನು ತೊಳೆಯಿರಿ.

ಶೂ ಪಾಲಿಶ್:

ಮೊದಲು ಬಾಳೆ ಸಿಪ್ಪೆಯಲ್ಲಿರುವ ನಾರು ನಾರು ಅಂಶವನ್ನು ತೆಗೆಯಿರಿ. ಸಿಪ್ಪೆಯನ್ನು ಶೂನ ಒಳಭಾಗದಲ್ಲಿ ಉಜ್ಜಲು ಪ್ರಾರಂಭಿಸಿ. ಶೂ ಪಾಲಿಶ್ ಇಲ್ಲದೆ ಸಿಪ್ಪೆಯ ಮೂಲಕ ನಿಮ್ಮ ಶೂವನ್ನು ಹೊಳಪಾಗಿಸಿ.

ಮನೆಯ ಗಿಡಗಳನ್ನು ಹೊಳಪಾಗಿಸಿ:

ನಿಮ್ಮ ಮನೆಯ ಸಸ್ಯಗಳಲ್ಲಿ ಧೂಳು ಮತ್ತು ಕೊಳಕು ತುಂಬಿದೆಯೇ? ಹೆಚ್ಚಿನ ನೀರನ್ನು ಬಳಸುವ ಬದಲಿಗೆ ಸಿಪ್ಪೆಯ ಒಳಗಿನ ಅಂಶವನ್ನು ಬಳಸಿಕೊಂಡು ಎಲೆಯ ಮೇಲೆ ಉಜ್ಜಿ. ಪರಿಣಾಮ ನಿಮ್ಮ ಗಮನಕ್ಕೆ ಬರುತ್ತದೆ.

ಸಿಂಟೆಕ್ಸ್/ನೀರಿನ ಟ್ಯಾಂಕ್:

ನಿಮ್ಮ ನೀರಿನ ಟ್ಯಾಂಕಿ ಅಥವಾ ಸಿಂಟೆಕ್ಸ್ ಅನ್ನು ಸ್ವಚ್ಛಗೊಳಿಸಲು ಒಂದೆರಡು ಬಾಳೆ ಸಿಪ್ಪೆಯನ್ನು ನೀರಿಗೆ ಹಾಕಿ. ಕೊಳಕಾದ ನೀರಿನಲ್ಲಿರುವ ವಿಷಕಾರಿ ಅಂಶಗಳನ್ನು ಸಿಪ್ಪೆ ಹೀರುತ್ತದೆ.

ವ್ಯಾಕ್ಸ್ ನಿವಾರಣೆಗೆ:

ನಿಮ್ಮ ಗ್ಲಾಸ್ ಟೇಬಲ್ ವ್ಯಾಕ್ಸ್‌ನಿಂದ ತುಂಬಿದೆಯೇ? ವ್ಯಾಕ್ಸ್ ಕಲೆಯಿರುವಲ್ಲಿ ಬಾಳೆಹಣ್ಣು ಸಿಪ್ಪೆಯನ್ನು ಒರೆಸಿ. ವ್ಯಾಕ್ಸ್ ಅನ್ನು ಸಿಪ್ಪೆ ಮೃದುಗೊಳಿಸುತ್ತದೆ ತಕ್ಷಣ ಒದ್ದೆ ಬಟ್ಟೆಯಿಂದ ಕಲೆಯನ್ನು ನಿವಾರಿಸಿ.

ನಿಮ್ಮ ಪೀಠೋಪಕರಣಕ್ಕಾಗಿ:

ನಿಮ್ಮ ಮರದ ಪೀಠೋಪಕರಣಗಳನ್ನು ಸಿಪ್ಪೆಯ ಸಹಾಯದೊಂದಿಗೆ ಹೊಳೆಯಿಸಿ. ಸಿಪ್ಪೆಯನ್ನು ಕುರ್ಚಿ ಅಥವಾ ಸೋಪಾದ ಮೇಲೆ ತಿಕ್ಕಿ ನಂತರ ಒದ್ದೆ ಬಟ್ಟೆಯಿಂದ ಒರೆಸಿ.

ಇಂಕ್ ಕಲೆಗಳ ನಿವಾರಣೆಗಾಗಿ:

ನಿಮ್ಮ ಕೈಯಲ್ಲಿರುವ ಇಂಕ್ ಗುರುತನ್ನು ನಿವಾರಿಸಲು ಸಿಪ್ಪೆಯನ್ನು ಕೈಗೆ ಒರೆಸಿ ನಂತರ ಸ್ವಚ್ಛ ನೀರಿನಿಂದ ನಿಮ್ಮ ಕೈ ತೊಳೆದುಕೊಳ್ಳಿ.

ಸಿಡಿಗಳ ಮೇಲಿನ ಗುರುತುಗಳನ್ನು ನಿವಾರಿಸುತ್ತದೆ:

ನಿಮ್ಮ ಸಿಡಿಗಳ ಮೇಲೆ ಗುರುತುಗಳು ಹೆಚ್ಚಾಗಿದ್ದರೆ, ವೃತ್ತಾಕಾರವಾಗಿ ಬಾಳೆಹಣ್ಣಿನ ಸಿಪ್ಪೆಯನ್ನು ಸಿಡಿಯ ಮೇಲೆ ಉಜ್ಜಿ ನಂತರ ಮೃದು ಬಟ್ಟೆಯಿಂದ ಒರೆಸಿ.