ಹಲ್ಲಿಗಳಿಂದ ಪರಿಹಾರ ಕಂಡುಕೊಳ್ಳಲು ಮನೆಮದ್ದುಗಳು

ಕಾಫಿ ಪುಡಿ:

ಸ್ವಲ್ಪ ಕಾಫಿ ಪುಡಿಯನ್ನು ತಂಬಾಕು ಪುಡಿಯೊಂದಿಗೆ ಸೇರಿಸಿ.ಇದನ್ನು ಸಣ್ಣ ಸಣ್ಣ ಉಂಡೆ ಮಾಡಿ ಒಂದು ಕಡ್ಡಿಗೆ ಸಿಕ್ಕಿಸಿ,ಹಲ್ಲಿಗಳು ಓಡಾಡುವ ಜಾಗದಲ್ಲಿ (ಅಥವಾ ಅಡಗಿಕೊಳ್ಳುವ ಜಾಗದಲ್ಲಿ)ಇರಿಸಿ.ಇದನ್ನು ತಿಂದ ನಂತರ ಹಲ್ಲಿಗಳು ಸತ್ತು ಹೋಗುತ್ತವೆ.

ನ್ಯಪ್ತಾಲಿನ್ ಬಾಲ್ ಅಥವಾ ಡಾಂಬರುಗುಳಿಗೆ:

ಸೀರೆಗಳ ಮಧ್ಯ ಇಡುವ ಈ ನ್ಯಾಪ್ತಾಲಿನ್ ಬಾಲ್‌ಗಳು ಕೀಟ ನಿಯಂತ್ರಕ.ಇದನ್ನು ಕಪಾಟು,ಸಿಂಕ್,ಒಲೆಯ ಕೆಳಗೆ ಹೀಗೆ ಎಲ್ಲಾ ಕಡೆ ಇಡಿ.ಇದು ಹಲ್ಲಿಗಳನ್ನು ತಡೆಯಲು ಸುಲಭ ವಿಧಾನ.

ಮೆಣಸಿನ ಕೀಟನಾಶಕ:

ಮೆಣಸಿನ ಪುಡಿಗೆ ನೀರನ್ನು ಸೇರಿಸಿ ಸ್ಪ್ರೇ ತಯಾರಿಸಿಕೊಳ್ಳಿ.ಇದನ್ನು ನಿಮ್ಮ ಅಡುಗೆ ಮನೆ,ಟ್ಯೂಬ್ ಲೈಟ್ ಹತ್ತಿರ,ಫ್ರಿಜ್,ಸ್ಟೋವ್ ಕೆಳಗೆ ಇಲ್ಲೆಲ್ಲಾ ಸ್ಪ್ರೇ ಮಾಡಿ.ಹಲ್ಲಿಗಳು ಅದರ ವಾಸನೆ ಮತ್ತು ಖಾರವನ್ನು ಸಹಿಸಲಾಗದೆ ಮನೆಯಿಂದ ಹೊರಹೋಗುತ್ತವೆ.

ಐಸ್ ನೀರು:

ಹಲ್ಲಿಗಳ ಮೇಲೆ ಐಸ್ ನೀರನ್ನು ಹಾಕಿ.ಅದು ಹಲ್ಲಿಯ ದೇಹದ ಉಷ್ಣಾಂಶ ಕಡಿಮೆ ಮಾಡಿಬಿಡುತ್ತದೆ,ಇದರಿಂದ ಹಲ್ಲಿಗಳು ಹರಿದಾಡಲು ಆಗವುದಿಲ್ಲ.ಆ ಸಮಯದಲ್ಲಿ ಯಾವುದಾದರೂ ಬಾಕ್ಸ್ ಒಳಗೆ ಅದನ್ನು ಹಿಡಿದು ಮನೆಯಿಂದ ದೂರ ಎಸೆಯಿರಿ.

ಈರುಳ್ಳಿ:

ಹಲ್ಲಿಗಳು ಅಡಗಿಕೊಳ್ಳುವ ಜಾಗದಲ್ಲಿ ಅಥವಾ ಗೋಡೆಯ ಮೇಲೆ ಈರುಳ್ಳಿ ಭಾಗವನ್ನು ಇಡಿ.ಈರುಳ್ಳಿಯಲ್ಲಿರುವ ಸಲ್ಫಾರ್ ಸಂಯುಕ್ತ ಕೆಟ್ಟ ವಾಸನೆ ನೀಡುತ್ತದೆ ಇದು ಹಲ್ಲಿಗಳು ದೂರ ಹೋಗುವಂತೆ ಮಾಡುತ್ತವೆ.

ಮೊಟ್ಟೆಗಳು:

ಮೊಟ್ಟೆಯ ಹೊರ ಚಿಪ್ಪು ಮಾನಸಿಕವಾಗಿ ಹಲ್ಲಿಗಳಿಗೆ ಹತ್ತಿರ ಸುಳಿಯಲು ಹೆದರುವಂತೆ ಮಾಡುತ್ತವೆ.ಮೊಟ್ಟೆಯ ಈ ಚಿಪ್ಪುಗಳನ್ನು ನೋಡಿ ಹಲ್ಲಿಗಳು ಅಲ್ಲಿ ಇನ್ನೊಂದು ಜೀವವಿದೆ ಎಂದು ತಿಳಿದು ಹೆದರುತ್ತವೆ.ಮೂರು,ನಾಲ್ಕು ದಿನಗಳಿಗೊಮ್ಮೆ ಇದನ್ನು ಬದಲಾಯಿಸುತ್ತಿರಿ.

ಬೆಳ್ಳುಳ್ಳಿ:

ಸ್ಪ್ರೇ ಬಾಟಲಿ ತೆಗೆದುಕೊಳ್ಳಿ.ಇದಕ್ಕೆ ಈರುಳ್ಳಿ ರಸ ಮತ್ತು ನೀರು ಸೇರಿಸಿ.ಜೊತೆಗೆ ಬೆಳ್ಳುಳ್ಳಿ ಎಸಳುಗಳನ್ನು ಸೇರಿಸಿ.ಸರಿಯಾಗಿ ಕುಲುಕಿ ಇದನ್ನು ಮನೆಯ ಇತರ ಭಾಗಗಳಿಗೆ ಸಂಧಿಗಳಿಗೆ ಸ್ಪ್ರೇ ಮಾಡಿ.ಹಲ್ಲಿಗಳನ್ನು ಹೋಗಲಾಡಿಸಲು ಬೆಳ್ಳುಳ್ಳಿಯನ್ನು ನೇರವಾಗಿ ಹಲ್ಲಿಗಳು ಓಡಾಡುವ ಕಡೆಗಳಲ್ಲಿ ಇಡಬಹುದು.