ಬಟ್ಟೆಗಳಿಂದ ಅರಶಿನದ ಕಲೆಯನ್ನು ಹೋಗಲಾಡಿಸುವ 8 ವಿಧಾನಗಳು

ಡ್ರೈ ಡಿಟರ್ಜೆಂಟ್

ಬಣ್ಣದ ಹಾಗೂ ಬಿಳಿ ಬಟ್ಟೆಗಳಿಗೆ ಈ ವಿಧಾನವನ್ನು ಅನುಸರಿಸಬಹುದು. ಡ್ರೈ ಡಿಟರ್ಜೆಂಟ್ ಬಾರ್ ಮೂಲಕ ಕಲೆಯ ಮೇಲೆ ಉಜ್ಜಿ ಮತ್ತು ಕಲೆಯ ಮೇಲೆ ಸ್ವಲ್ಪ ಹೊತ್ತು ಇದನ್ನು ಹಾಗೆಯೇ ಬಿಡಿ. ನಂತರ ನೀರು ಹಾಕಿ ಚೆನ್ನಾಗಿ ಒಗೆಯಿರಿ

ನೀರು ಮತ್ತು ಸೋಪು

ತಂಪು ನೀರು ಮತ್ತು ಸೋಪಿನಿಂದ ಕಲೆಯಾದ ಬಟ್ಟೆಯನ್ನು ಒಗೆಯುವುದೂ ಕೂಡ ಇದನ್ನು ನಿವಾರಿಸುತ್ತದೆ. ಬಿಸಿಲಿನಲ್ಲಿ ಬಟ್ಟೆಯನ್ನು ಒಣಗಿಸಿ ಮತ್ತು ಇತರ ಬಟ್ಟೆಗಳೊಂದಿಗೆ ಸಾಮಾನ್ಯವಾಗಿ ಒಗೆಯಿರಿ.

ಬ್ಲೀಚ್ ಮತ್ತು ನೀರು ಬಳಕೆ

ಕಲೆಗಳನ್ನು ಚೆನ್ನಾಗಿ ತೊಳೆದು ನಂತರ ಬ್ಲೀಚ್ ಮತ್ತು ನೀರಿನ ಮಿಶ್ರಣವಿರುವ ದ್ರಾವಣದಲ್ಲಿ ಇದನ್ನು ಮುಳುಗಿಸಿಡಬೇಕು. ನಂತರ ರಾತ್ರಿ ಪೂರ್ತಿ ನೀರು ಹಾಗೂ ಬೇಕಿಂಗ್ ಸೋಡಾ ಮಿಶ್ರಣದಲ್ಲಿ ಮುಳುಗಿಸಿಡಿ. ಬಟ್ಟೆಗಳಿಂದ ಕಲೆಯನ್ನು ನಿವಾರಿಸಲು ಈ ವಿಧಾನ ಕೂಡ ಸಹಕಾರಿ.

ವಿನೇಗರ್

ಬಟ್ಟೆಯಿಂದ ಅರಶಿನ ಕಲೆಯನ್ನು ನಿವಾರಿಸಲು ವಿನೇಗರ್ ಅನ್ನು ಕೂಡ ಬಳಸಬಹುದು. ವಿನೇಗರ್ ಅನ್ನು ಬಳಸಲು, ಮೊದಲು ಕಲೆಯಾದ ಜಾಗವನ್ನು ನೀರಿನಿಂದ ನೆನೆಸಿ ನಂತರ ಲಿಕ್ವಿಡ್ ಸೋಪನ್ನು ಬಳಸಿ ಸ್ವಲ್ಪ ಹೊತ್ತು ಬಟ್ಟೆಯಲ್ಲಿರಿಸಿ. ಕಲೆಯನ್ನು ತೊಳೆಯಿರಿ ಮತ್ತು ವಿನೇಗರ್ ಅನ್ನು ಕಲೆಯಾದ ಜಾಗದಲ್ಲಿ ಹಚ್ಚಿ.

ಲಿಂಬೆ

ಕಲೆಯಾದ ಜಾಗವನ್ನು ಲಿಂಬೆಯಿಂದ ಉಜ್ಜಿ ಮತ್ತು ಕಲೆ ಒಣಗುವವರೆಗೆ ಬಿಸಿಲಿನಲ್ಲಿ ಒಣಗಿಸಿ. ನಂತರ ಬಟ್ಟೆಯನ್ನು ಯಾವಾಗಲೂ ಒಗೆಯುವಂತೆ ಒಗೆಯಿರಿ. ಬಟ್ಟೆಯಿಂದ ಕಲೆ ಹೋಗುವವರೆಗೂ ಈ ವಿಧಾನವನ್ನು ನೀವು ಅನುಸರಿಬೇಕಾಗುತ್ತದೆ.

ಗ್ಲಿಸರಿನ್

ಬಟ್ಟೆಯಿಂದ ಅರಶಿನ ಕಲೆಯನ್ನು ಹೋಗಲಾಡಿಸಲು ಗ್ಲಿಸರಿನ್ ಅನ್ನು ಬಳಸಬಹುದು. ಕಲೆಯಾದ ಜಾಗದಲ್ಲಿ ಗ್ಲಿಸರಿನ್‌ನಿಂದ ಉಜ್ಜಿ. ಇದು ಸ್ವಲ್ಪ ಗಂಟೆಗಳ ಕಾಲ ಬಟ್ಟೆಯಲ್ಲಿ ನೆನೆಯಲಿ. ನಂತರ ಯಾವಾಗಲೂ ಬಟ್ಟೆ ಒಗೆಯುವಂತೆ ಒಗೆಯಿರಿ.

ಹೈಡ್ರೋಜನ್ ಫೆರಾಕ್ಸೈಡ್

ಇದು ಮೆಡಿಕಲ್‌ಗಳಲ್ಲಿ ಲಭ್ಯವಿರುತ್ತದೆ. ಬಿಳಿ ಬಟ್ಟೆಗಳಿಗೆ ಮಾತ್ರವೇ ಇದನ್ನು ಬಳಸಿ. ಹೈಡ್ರೋಜನ್ ಮೂಲಕ ಅರಶಿನ ಕಲೆ ಉಂಟಾದ ಜಾಗದಲ್ಲಿ ಚೆನ್ನಾಗಿ ಉಜ್ಜಿ ನಂತರ ಸ್ವಲ್ಪ ಸಮಯ ಬಿಟ್ಟು ಇದನ್ನು ತೊಳೆಯಿರಿ.

ಡ್ರೈ ಕ್ಲೀನರ್ಸ್

ಮನೆಯಲ್ಲಿನ ಸಾಮಾಗ್ರಿಗಳನ್ನು ಬಳಸಿಕೊಂಡು ಅರಶಿನ ಕಲೆಯನ್ನು ಹೋಗಲಾಡಿಸುವುದೆಂದರೆ ಪ್ರಯಾಸವೇ ಸರಿ. ಕಲೆಯ ಸಮಯವನ್ನು ತಿಳಿದುಕೊಂಡು, ಕಲೆ ಪೂರ್ಣವಾಗಿ ಹೋಗಬೇಕೆಂದೇನಿಲ್ಲ. ಈ ಸಮಯದಲ್ಲಿ ನೀವು ವೃತ್ತಿಪರ ಡ್ರೈ ಕ್ಲೀನರ್‌ಗಳನ್ನು ಭೇಟಿ ಮಾಡುವುದು ಒಳ್ಳೆಯದು.