ನಿಮ್ಮ ಹಳೆಯ ಬ್ರಶ್‌ನ 8 ಪವಾಡ ಸದೃಶ ಕಾರ್ಯಗಳು

Published: Tuesday, June 3, 2014, 10:06 [IST]

ಕೆಲವೊಮ್ಮೆ ನಾವು ಅಪ್ರಯೋಜಕ ಎಂದು ಕಡೆಗಣಿಸುವ ಎಷ್ಟೋ ವಸ್ತುಗಳು ನಮ್ಮ ಉಪಯೋಗಕ್ಕೆ ಬರುತ್ತವೆ. ಅವುಗಳು ನಮ್ಮ ಕಣ್ಣಿನಲ್ಲಿ ನಿರುಪಯೋಗಿಯಾಗಿರುತ್ತವೆ ಆದರೆ ಅವುಗಳು ಮಾಡುವ ಕಾರ್ಯ ಮಾತ್ರ ಪರ್ಫೆಕ್ಟ್ ಹಾಗೂ ನೀಟಾಗಿರುತ್ತವೆ.

ಆರಾಮದಾಯಕ ಮನೆಗಳಿಗೆ ಐದು ಹಂತಗಳು

ಉದಾಹರಣೆಗೆ ನಮ್ಮ ಹಳೆಯ ಹಲ್ಲು ತಿಕ್ಕುವ ಬ್ರಶ್‌ ಅನ್ನು ಒಂದೆರಡು ತಿಂಗಳು ಮಾತ್ರ ಬಳಸಬಹುದು ಅದರ ನಂತರ ಅದರಿಂದ ಏನೂ ಪ್ರಯೋಜನವಿಲ್ಲವೆಂದು ನಾವದನ್ನು ಬಿಸಾಡುತ್ತೇವೆ. ಆದರೆ ಇದೇ ಹಲ್ಲುಜ್ಜುವ ಬ್ರಶ್ ನಿಮ್ಮ ದೈನಂದಿನ ಜೀವನದಲ್ಲಿ ಮಾಡುವ ಕೆಲವೊಂದು ಅದ್ಭುತ ಕೆಲಸಗಳ ಬಗ್ಗೆ ತಿಳಿದಿದೆಯೇ? ನಿಮ್ಮ ಬ್ರಶ್ ಹಳತಾಗಿ ಉಪಯೋಗಕ್ಕೆ ಬರಲಿಲ್ಲವೆಂದಲ್ಲಿ ಅದನ್ನು ಬಿಸಡದಿರಿ ಅದರಿಂದ ಏನೆಲ್ಲಾ ಮಾಡಬಹುದು ಎಂಬುದನ್ನು ಈ ಲೇಖನದಲ್ಲಿ ನಿಮಗಿಂದು ತಿಳಿಸಿಕೊಡುತ್ತಿದ್ದೇವೆ.

ಹಳೆಯ ಟೂತ್‌ಬ್ರಶ್‌ನಿಂದ ನಿಮ್ಮ ಪಾದರಕ್ಷೆಗಳು, ಗ್ಯಾಸ್ ಸ್ಟವ್ ಮತ್ತು ಬಾಚಣಿಗೆಯನ್ನು ಸ್ವಚ್ಛ ಮಾಡಬಹುದು. ಗಟ್ಟಿಯಾದ ಬ್ರಶ್‌ನ ಹಲ್ಲುಗಳು ಇವುಗಳನ್ನು ಸ್ವಚ್ಛ ಮಾಡಲು ಪರಿಣಾಮಕಾರಿಯಾಗಿರುತ್ತವೆ. ನಿಮ್ಮ ಮನೆಯ ಕೆಲವಸ್ತುಗಳನ್ನು ಈ ಬ್ರಶ್‌ನಿಂದ ಸ್ವಚ್ಛಗೊಳಿಸಿ ಮತ್ತು ಪರಿಮಳಕ್ಕಾಗಿ ಲಿಂಬೆಯನ್ನು ಬಳಸಿ.

ಹಾಗಿದ್ದರೆ ನಿಮ್ಮ ಹಳೆಯ ಹಲ್ಲುಜ್ಜುವ ಬ್ರಶ್ ಅನ್ನು ಬಳಸಿ ಮಾಡಬಹುದಾದ ಕಾರ್ಯಗಳನ್ನು ಈ ಲೇಖನದಲ್ಲಿ ನಾವು ನೀಡುತ್ತಿದ್ದೇವೆ. ಅವುಗಳತ್ತ ನೋಟ ಹರಿಸಿ.

ಬಟ್ಟೆಯಿಂದ ಇಂಕ್ ಕಲೆಯನ್ನು ಹೋಗಲಾಡಿಸಲು ಸರಳ ವಿಧಾನಗಳು

ಕೊಳೆಯಾದ ಶೂಗಳು

ನಿಮ್ಮ ಹಳೆಯ ಶೂವನ್ನು ಬ್ರಶ್‌ನಿಂದ ಸ್ವಚ್ಛಗೊಳಿಸಿ. ಇದು ತುಂಬಾ ಸುಲಭವಾದ ವಿಧಾನವಾಗಿದೆ. ಡಿಟರ್ಜೆಂಟ್ ನೀರಿನಲ್ಲಿ ಬ್ರಶ್ ಅನ್ನು ಮುಳುಗಿಸಿ ಶೂನಲ್ಲಿ ಮೆತ್ತಿಕೊಂಡಿರುವ ಕೊಳೆಯನ್ನು ತೊಳೆಯಿರಿ.

ಕಿಚನ್ ಸ್ಟವ್

ಕಿಚನ್ ಸ್ಟವ್ ಅನ್ನು ಕೂಡ ಬ್ರಶ್ ಬಳಸಿ ಸುಲಭವಾಗಿ ತೊಳೆಯಬಹುದು. ಸೋಪು ನೀರು ಮತ್ತು ಬ್ರಶ್ ಬಳಸಿ ಸ್ಟವ್‌ನಲ್ಲಿ ಮೆತ್ತಿಕೊಂಡಿರುವ ಕೊಳಕನ್ನು ನಿವಾರಿಸಿ.

ಕಲೆಯಾದ ಬಟ್ಟೆಗಳು

ನಿಮ್ಮ ವಾಶಿಂಗ್ ಮೆಶಿನ್‌ನಲ್ಲಿ ಬಟ್ಟೆಗಳನ್ನು ತೊಳೆದೂ ಕೂಡ ಕಲೆ ಹಾಗೆಯೇ ಇದ್ದಲ್ಲಿ ಹಳೆಯ ಬ್ರಶ್ ಅನ್ನು ಬಳಸಿ ಈ ಕಲೆಯನ್ನು ನೀಗಿಸಬಹುದು. ಕಲೆಯಾದ ಜಾಗದಲ್ಲಿ ಬ್ರಶ್ ಅನ್ನು ಬಳಸಿ ವೃತ್ತಾಕಾರವಾಗಿ ತೊಳೆಯಿರಿ. ಇದರಿಂದ ಕಲೆ ಮಂಗ ಮಾಯವಾಗುತ್ತದೆ.