ಪುಸ್ತಕ ಶೆಲ್ಫ್‌ ಅನ್ನು ಈ ಐದು ವಿಧಾನದಲ್ಲಿ ಸಂಘಟಿಸಿ!

ನೀವು ಪುಸ್ತಕ ಪ್ರೇಮಿಯಾಗಿದ್ದು ಸರಿಯಾಗಿ ಸೇರಿಸಿಡುವ ಕಲೆ ತಿಳಿದಿರದಿದ್ದರೆ ಖಂಡಿತವಾಗಿ ಮನೆ ತುಂಬಾ ಪುಸ್ತಕಗಳು ಹಾಗೆಯೇ ಬಿದ್ದಿರುತ್ತವೆ. ನಿಮ್ಮಲ್ಲಿರುವ ಪುಸ್ತಕಗಳನ್ನು ಕ್ರಿಯಾತ್ಮಕ ರೀತಿಯಲ್ಲಿ ಸಂಘಟಿಸುವುದು ಸುಲಭ. ಈ ಕೆಳಗೆ ನೀವು ಪುಸ್ತಕಗಳನ್ನು ಹೇಗೆ ಜೋಡಿಸಿಡಬಹುದು ಎಂಬುದರ ಬಗ್ಗೆ ಕೆಲವು ಮಾಹಿತಿಗಳನ್ನು ನೀಡಲಾಗಿದೆ.

*ವರ್ಣಮಾಲೆಯ ಪ್ರಕಾರ ಸೇರಿಸಿ:
ತುಂಬಾ ಸಾಮಾನ್ಯ ಮತ್ತು ಜನಪ್ರಿಯ ಉತ್ತಮ ವಿಧಾನವೆಂದರೆ ಪುಸ್ತಕಗಳನ್ನು ವರ್ಣಮಾಲೆಯ ಆಧಾರದ ಮೇಲೆ ಸೇರಿಸಿಡುವುದು. ಅದನ್ನು ನೀವು ಲೇಖಕರ ಹೆಸರಿನ ಮೇಲೆ ಅಥವಾ ಪುಸ್ತಕದ ಹೆಸರಿನ ಮೇಲೆ ಕೂಡ ಮಾಡಬಹುದು.

*ಪುಸ್ತಕದ ಆಧಾರದ ಮೇಲೆ:
ನೀವು ಯಾವುದೇ ಪ್ರಕಾರದ ಪುಸ್ತಕವನ್ನು ಓದಲು ಇಷ್ಟಪಡುವಾಗ ಸುಲಭವಾಗಿ ಆಯ್ದುಕೊಳ್ಳಲು ಇದು ಬಹಳ ಸಹಾಯಕ.ಹಾಸ್ಯ,ಸಾಹಿತ್ಯ,ಥ್ರಿಲ್ಲರ್,ಸಸ್ಪೆನ್ಸ್ ಹೀಗೆ ವಿವಿಧ ರೀತಿಯ ಪುಸ್ತಕಗಳನ್ನು ವಿಂಗಡಿಸಿ ಪ್ರತ್ಯೇಕವಾಗಿ ಜೋಡಿಸಿಡಿ.

*ಬಣ್ಣಗಳ ಆಧಾರದ ಮೇಲೆ:
ನಿಮ್ಮ ಬಳಿ ಇರುವ ಪುಸ್ತಕಗಳನ್ನು ಕಾಮನ ಬಿಲ್ಲಿನಂತೆ ವಿವಿಧ ಬಣ್ಣಗಳ ಪುಸ್ತಕಗಳನ್ನು ಒಂದೆಡೆ ಸೇರಿಸಿಡಬಹುದು. ನಿಮ್ಮಲ್ಲಿರುವ ಹೆಚ್ಚಿನ ಪುಸ್ತಕಗಳು ಕಪ್ಪು ಮತ್ತು ಬಿಳಿ ಬಣ್ಣದವುಗಳಾಗಿದ್ದರೆ ಏಕವರ್ಣ ವಿಭಾಗವನ್ನು ಕೂಡ ಸೃಷ್ಟಿಸಿ ಇಡಬಹುದು.

*ಪಬ್ಲಿಕೇಷನ್ ಆಧಾರದ ಮೇಲೆ ಜೋಡಿಸಿಡಿ:
ನೀವು ಎಲ್ಲಾ ಪುಸ್ತಕಗಳನ್ನು ಮಿಶ್ರ ಮಾಡಲು ಇಚ್ಛಿಸದಿದ್ದಲ್ಲಿ ಪಬ್ಲಿಷರ್ ಪ್ರಕಟಿಸಿದ ಎಲ್ಲಾ ಪುಸ್ತಕಗಳನ್ನು ಒಟ್ಟುಗೂಡಿಸಿ ಜೋಡಿಸಿಡಬಹುದು.ಪ್ರತಿಯೊಬ್ಬ ಪ್ರಕಾಶಕರಿಗೂ ಪ್ರತ್ಯೇಕ ಸ್ಥಾನ ತಯಾರು ಮಾಡಿ ಜೋಡಿಸಿಡಿ.

*ಭಾವನೆಗಳ ಆಧಾರದ ಮೇಲೆ:
ಇದಲ್ಲದೆ ಬೇರೆ ರೀತಿಯ ವಿಧಾನವನ್ನು ಕೂಡ ನೀವು ಆಯ್ದುಕೊಳ್ಳಬಹುದು. ನಿಮಗೆ ಸ್ನೇಹಿತರು ಅಥವಾ ಕುಟುಂಬದವರು ಪುಸ್ತಕವನ್ನು ಉಡುಗೊರೆಯಾಗಿ ನೀಡಿರಬಹುದು. ಅವುಗಳಿಗೆ ಲೇಬಲ್ ಹಚ್ಚಿ ಪ್ರತ್ಯೇಕವಾಗಿ ಜೋಡಿಸಿಡಬಹುದು. ಮತ್ತು ನೀವೇ ಸ್ವತಃ ಕೊಂಡುಕೊಂಡ ಪುಸ್ತಕಗಳನ್ನೂ ಪ್ರತ್ಯೇಕವಾಗಿ ವಿಂಗಡಿಸಿ ಇಡಬಹುದು.