ಶ್ಯಾಂಪೂ ಹಳೆಯದಾದರೆ ಬಿಸಾಡಬೇಡಿ

Improvement

oi-Reena

By Hema S

Published: Saturday, May 5, 2012, 15:33 [IST]

ಕಾಲಾವಧಿ ಮುಗಿದ ಶ್ಯಾಂಪೂ, ಸೋಪ್ ಮತ್ತು ಬಾಡಿ ವಾಶ್ ಇವುಗಳನ್ನು ಬಿಸಾಡುವ ಬದಲು ಮನೆ ಶುಚಿತ್ವಕ್ಕೆ ಏಕೆ ಬಳಸಬಾರದು? ಹಳೆಯ ಶ್ಯಾಂಪೂ ಅಥವಾ ಸೋಪು ಹಾಕಿದರೆ ಬಟ್ಟೆಗಳಿಗೆ ಫ್ಯಾಬ್ರಿಕ್ ಹಾಕುವ ಅವಶ್ಯಕತೆ ಇಲ್ಲ, ಚೆನ್ನಾಗಿ ಹೊಳಪನ್ನು ಪಡೆಯುತ್ತದೆ. ಅಲ್ಲದೆ ಈ ಹಳೆಯ ಶ್ಯಾಂಪೂ, ಬಾಡಿ ವಾಶ್ ಇವುಗಳನ್ನು ಈ ಕೆಳಗಿನ ವಸ್ತುಗಳನ್ನು ಶುಚಿ ಮಾಡಲು ಬಳಸಬಹುದು.

1. ಟಾಯ್ಲೆಟ್ ಕಮೋಡ್ ಶುದ್ಧ ಮತ್ತು ಕೀಟಾಣುಗಳಿಂದ ಮುಕ್ತವಾಗಿ ಇರುವಂತೆ ಮಾಡಲು ಮುಗಿಯುವ ಹಂತದಲ್ಲಿರುವ ಸೋಪ್ ಅನ್ನು ಅದರಲ್ಲಿ ಹಾಕಿಡಿ. ಈ ರೀತಿ ಮಾಡಿದರೆ ಫ್ಲಶ್ ಮಾಡಿದಾಗೆಲ್ಲಾ ಸೋಪ್ ನೀರು ಬಂದು ಬೇಸನ್ ಶುಚಿಯಾಗಿ ಕಾಣುವುದು.

2. ಶ್ಯಾಂಪೂಗಳಿಂದ ಹತ್ತಿ ಮತ್ತು ಉಣ್ಣೆಯ ಬಟ್ಟೆಗಳನ್ನು ತೊಳೆಯಲು ಉಪಯೋಗಿಸಬಹುದು.

3. ಬಾಡಿ ವಾಶ್ ಗಳನ್ನು ನಾಯಿಗಳನ್ನು ತೊಳೆಯಲು ಉಪಯೋಗಿಸಬಹುದು. ಬಾಡಿ ವಾಶ್ ಅವಧಿ ಮಿಗಿದಿದ್ದರೂ ನಾಯಿಯ ರೋಮದ ಮೇಲೆ ಯಾವುದೇ ಕೆಟ್ಟ ಪರಿಣಾಮ ಬೀಳುವುದಿಲ್ಲ.

4. ಚಿನ್ನಾಭರಣಗಳನ್ನು, ಗಾಡಿಗಳನ್ನು ತೊಳೆಯಲು ಉಪಯೋಗಿಸಬಹುದು.

5. ಕುಶನ್ ಕವರ್ ಗಳನ್ನು ತೊಳೆಯಲು, ರೇಷ್ಮೆ ಬಟ್ಟೆಗಳನ್ನು ತೊಳೆಯಲು ಸೋಪ್ ಅಥವಾ ಶ್ಯಾಂಪೂ ಬಳಸಬಹುದು.