ಡಿಶ್ ಟವಲ್ ಶುದ್ಧಗೊಳಿಸುವ ಸುಲಭ ವಿಧಾನಗಳು

Improvement

oi-Reena

By Hema S

Published: Friday, April 13, 2012, 15:32 [IST]

ಡಿಶ್ ಟವಲ್ ಅಥವಾ ಡೈನಿಂಗ್ ರೂಂನಲ್ಲಿ ಇಡುವ ಟವಲ್ ಬೇಗನೆ ಕೊಳೆಯಾಗುತ್ತದೆ. ಊಟದ ಟೇಬಲ್‌ನಲ್ಲಿ ಇಡುವ ಟವಲ್ ತುಂಬಾ ಶುಚಿಯಾಗಿರಬೇಕು. ಆದರೆ ಊಟ ಮಾಡುವಾಗ ಸಾರು, ಇತರ ಅಡುಗೆ ಪದಾರ್ಥಗಳು ಬಿದ್ದು ಬೇಗನೆ ಕೊಳೆಯಾಗುತ್ತದೆ. ಹೀಗೆ ಕೊಳೆಯಾದ ಟವಲ್ ಶುಚಿಗೊಳಿಸದೆ ಬಳಸಲು ಸಾಧ್ಯವಿಲ್ಲ.

ಈ ಟವಲ್‌ಯನ್ನು ಆಗಾಗ ಶುಚಿಗೊಳಿಸುತ್ತಿದ್ದರೂ ಅದರಲ್ಲಿ ಸಾರು ಅಥವಾ ಇತರ ಅಡುಗೆ ಬಿದ್ದರೆ ಅದರ ವಾಸನೆ ಹಾಗೇ ಉಳಿಯುವ ಸಾಧ್ಯತೆ ಹೆಚ್ಚು. ಡಿಶ್ ಟವಲ್‌ಯನ್ನು ಶುಭ್ರಗೊಳಿಸಲು ಈ ಕೆಳಗಿನ ವಿಧಾನ ಅನುಸರಿಸಿದರೆ ಶುಚಿ ಮತ್ತು ಸುವಾಸನೆಯನ್ನು ಹೊಂದುವುದು. ಇದರಿಂದ ಪ್ರತಿ ತಿಂಗಳು ಹೊಸ ಟವಲ್ ಕೊಳ್ಳುವ ಅವಶ್ಯಕತೆ ಕೂಡ ಉಂಟಾಗುವುದಿಲ್ಲ.

ಡಿಶ್ ಟವಲ್ ಶುದ್ಧಗೊಳಿಸಲು ಕೆಲ ಸಲಹೆಗಳು:

1. ಟವಲ್ ಒಗೆಯುವ ಅರ್ಧ ಗಂಟೆ ಮೊದಲು ಸೋಪು ನೀರಿನಲ್ಲಿ ಹಾಕಿಡಬೇಕು.

2. ಬಣ್ಣ ಮಾಸದ (ಬಿಳಿ ಬಣ್ಣದ) ಟವಲ್ ಆಗಿದ್ದರೆ ಕ್ಲೋರಿನ್ ಬ್ಲೀಚ್ ಹಾಕಿ ತೊಳೆದರೆ ಸಾಕು. ಈ ರೀತಿ ಮಾಡಿದರೆ ಗ್ರೀಸ್ ಕಲೆಗಳು, ಎಣ್ಣೆ ಜಿಡ್ಡು ಇವುಗಳನ್ನು ಸುಲಭದಲ್ಲಿಯೆ ತೆಗೆಯಬಹುದು.

3. ಒಂದು ಚಮಚ ಅಡುಗೆ ಸೋಡಾವನ್ನು ಅರ್ಧ ಬಕೆಟ್ ಬಿಸಿನೀರಿನಲ್ಲಿ ಹಾಕಿ ಅದರಲ್ಲಿ ಟವಲ್‌ಗಳನ್ನು ನೆನೆ ಹಾಕಿ ತೊಳೆದರೆ ಟವಲ್‌ಗಳು ಶುಚಿಯಾಗುವುದು.

4. ಟವಲ್‌ನಲ್ಲಿರುವ ಜಿಗುಟು ವಾಸನೆ ತೆಗೆಯಲು ತೊಳೆದ ಬಳಿಕ ಅರ್ಧ ಬಕೆಟ್ ನೀರಿನಲ್ಲಿ ಸ್ವಲ್ಪ ವಿನಿಗರ್ ಹಾಕಿ ಅದರಲ್ಲಿ ಟವಲ್‌ಗಳನ್ನು ಅದ್ದಿ ಒಣಗಿಸಬೇಕು.

5. ಇಂತಹ ಟವಲ್‌ಗಳನ್ನು ಬಿಸಿಲಿನಲ್ಲಿ ಹಾಕಿ ಒಣಗಿಸಬೇಕು. ಈ ರೀತಿ ಒಣಗಿದರೆ ಫ್ಯಾಬ್ರಿಕ್‌ನಲ್ಲಿರುವ ವಾಸನೆಯನ್ನು ಹೋಗಲಾಡಿಸಿ, ಬ್ಯಾಕ್ಟೀರಿಯಾಗಳನ್ನು ಕೊಲ್ಲುತ್ತದೆ.

ಈ ರೀತಿ ಮಾಡಿದರೆ ಡೈನಿಂಗ್ ರೂಂ ಮತ್ತು ಕಿಚನ್‌ನಲ್ಲಿರುವ ಬಟ್ಟೆಗಳು ಶುದ್ಧವಾಗಿ ಕಾಣುವುದರಿಂದ ಕಿಚನ್ ಅಂದ ಕೂಡ ಹೆಚ್ಚುವುದು.