ಬೆಚ್ಚನೆಯ ಮೈಗೆ ಫ್ಯಾಷನೆಬಲ್ ಜಾಕೆಟ್

ಹುಡುಗಿಯರು ಚೆನ್ನಾಗಿರುವ ಡ್ರೆಸ್ ಹಾಕಿದಾಗ ಅದರ ಮೇಲೆ ಸ್ವೆಟರ್ ಹಾಕಲು ಇಷ್ಟಪಡುವುದಿಲ್ಲ, ಆದರೆ ಚಳಿ ಸಹಿಸಲೂ ಆಗುವುದಿಲ್ಲ, ಮನಸ್ಸಿನಲ್ಲಿಯೆ ಚಳಿಯನ್ನು ಬಯ್ದುಕೊಂಡು ಸ್ವೆಟರ್ ಧರಿಸುತ್ತಾರೆ. ಆದರೆ ಇನ್ನು ಮುಂದೆ ಚಿಂತೆ ಮಾಡಬೇಕಾಗಿಲ್ಲ.

ತುಂಬಾ ಫ್ಯಾಷನೆಬಲ್ ಆದ ಚಳಿಗಾಲದ ಉಡುಪುಗಳು ಮಾರುಕಟ್ಟೆಗೆ ಬಂದಿದ್ದು ಅವುಗಳು ಚಳಿಯಿಂದ ರಕ್ಷಣೆ ಜೊತೆಗೆ ನಿಮ್ಮನ್ನು ಮತ್ತಷ್ಟು ಫ್ಯಾಶಷನೆಬಲ್ ಆಗಿ ಕಾಣುವಂತೆ ಮಾಡುತ್ತದೆ.

ಅದರಲ್ಲೂ ಜೀನ್ಸ್, ಮಿಡಿ ಹೀಗೆ ಫ್ಯಾಷನ್ ಡ್ರೆಸ್ ಮೇಲೆ ಈ ಜಾಕೆಟ್ ಗಳನ್ನು ಧರಿಸಬಹುದು.

1. ಕಾರ್ಡೂರಾಯ್ ಜಾಕೆಟ್: ಕಂದು, ಬೂದಿ, ಬಿಸ್ಕೆಟ್ ಬಣ್ಣದ ಜಾಕೆಟ್ ಗಳನ್ನು ಮಿಡಿ, ಜೀನ್ಸ್ ಮತ್ತು ಟಾಪ್ ಹಾಕಿಕೊಂಡಾಗ ಅವುಗಳ ಮೇಲೆ ಧರಿಸಿದರೆ ತುಂಬಾ ಚೆನ್ನಾಗಿ ಕಾಣುತ್ತದೆ.

2. ಲೆದರ್ ಜಾಕೆಟ್ : ಉದ್ದದ ಲೆದರ್ ಜಾಕೆಟ್ ಔಟ್ ಆಫ್ ಫ್ಯಾಷನ್ ಆಗಿದ್ದರೂ, ಬಿಗಿಯಾದ ಲೆದರ್ ಜಾಕೆಟ್ ಧರಿಸುವುದು ಫ್ಯಾಷನ್ ಆಗಿ ಬಿಟ್ಟಿದೆ. ಆದರೆ ಇದನ್ನು ಲೆದರ್ ಪ್ಯಾಂಟ್ ಮೇಲೆ ಧರಿಸಬೇಡಿ, ಏಕೆಂದರೆ ಲೆದರ್ ಪ್ಯಾಂಟ್ ಮೇಲೆ ಲೆದರ್ ಜಾಕೆಟ್ ಭಯಾನಕವಾಗಿ ಕಾಣುತ್ತದೆ.

3.ಜೀನ್ಸ್ ಜಾಕೆಟ್ : ಜೀನ್ಸ್ ಜಾಕೆಟ್ ಹುಡುಗರಿಗಿಂತ ಹುಡುಗಿಯರಿಗೆ ತುಂಬಾ ಚೆನ್ನಾಗಿ ಕಾಣುತ್ತದೆ. ಇದು ಬಿಗಿ ಎನಿಸಿದರೂ ತುಂಬಾ ಬಿಗಿಯಾಗಿರುವುದಿಲ್ಲ. ಬೆಲ್ಟ್ ಜೊತೆ ಬರುವ ಜೀನ್ಸ್ ಜಾಕೆಟ್ ಗಳು ಕಾಲೇಜು ಕನ್ಯೆಯರಿಗೆ ತುಂಬಾ ಪ್ರಿಯ.

4. ಸ್ಯೂಡ್ ಜಾಕೆಟ್ : ಈ ಜಾಕೆಟನ್ನು ಮೊದಲೆಲ್ಲಾ ಗಂಡಸರು ಮಾತ್ರ ಧರಿಸುತ್ತಿದ್ದರು. ಈಗ ಇದರಲ್ಲಿ ಸ್ವಲ್ಪ ವಿನ್ಯಾಸ ಬದಲಾಯಿಸಿ ಬರುತ್ತಿರುವ ಲೇಡಿಸ್ ಜಾಕೆಟ್ ಗಳು ಹುಡುಗಿಯರ ಮೆಚ್ಚುಗೆಯನ್ನು ಗಳಿಸಿದೆ.

5. ಉಣ್ಣೆಯ ಜಾಕೆಟ್: ಉಣ್ಣೆಯಿಂದ ಸಾಧಾರಣ ವಿನ್ಯಾಸದ ಸ್ವೆಟರ್ ಗಿಂತ ಜಿಪ್ ಇರುವ, ದೊಡ್ಡ ಬಟನ್ ಇರುವ ಸ್ಟೆಟರ್ ಚಳಿಯಿಂದ ರಕ್ಷಣೆ ಕೊಡುವುದರ ಜೊತೆ ನೋಡಲೂ ಫ್ಯಾಷನೆಬಲ್ ಆಗಿರುತ್ತದೆ.