ವಾಶಿಂಗ್‌ ಮೆಷಿನ್‌ನಲ್ಲಿ ಕೊಳೆ ಹೋಗ್ತಾ ಇಲ್ಲ ಅಂತ ಹೇಳಬೇಡಿ, ಇದನ್ನು ಹಾಕಿ ನೋಡಿ ಬಟ್ಟೆ ಹೊಸದರಂತೆ ಆಗುತ್ತೆ

ವಾಶಿಂಗ್ ಮೆಷಿನ್‌ನಲ್ಲಿ ತುಂಬಾ ಕೊಳೆಯಿರುವ ಬಟ್ಟೆ ಹಾಕಿದರೆ ಸರಿಯಾಗಿ ಕ್ಲೀನ್‌ ಆಗಲ್ಲ, ಶರ್ಟ್‌ನ ಕಾಲರ್‌ ಕ್ಲೀನ್‌ ಆಗಲ್ಲ, ಮಕ್ಕಳ ಯೂನಿಫಾರಂ ಸರಿಯಾಗಿ ಕ್ಲೀನ್ ಆಗಲ್ಲ ಎಂದು ಕಂಪ್ಲೇಂಟ್‌ ಮಾಡ್ತಾ ಇರ್ತಾರೆ, ಆದರೆ ನೀವು ಎಂಥದ್ದೇ ಕೊಳೆಯಾಗಿದ್ದರೂ ಈ ಸಿಂಪಲ್‌ ಟ್ರಿಕ್ಸ್ ಬಳಸಿದರೆ ಸಾಕು, ಕೊಳೆ ಸಂಪೂರ್ಣವಾಗಿ ಹೋಗುತ್ತದೆ.

ಇದಂತೂ ಸೂಪರ್ ಹಾಕಿ ವರ್ಕ್ ಆಗುತ್ತೆ
ಒಂದು ಚಮಚ ENO ಪುಡಿ, 1 ಚಮಚ ಅಡುಗೆ ಸೋಡಾವನ್ನು ನೀವು ವಾಶಿಂಗ್‌ ಮೆಷಿನ್‌ಗೆ ಹಾಕಿ ನಂತರ ಮಾಮೂಲಿ ಬಳಸುವ ಲಿಕ್ವಿಡ್ ಅಥವಾ ಡಿಟರ್ಜೆಂಟ್ ಹಾಕಿದರೆ ಕೊಳೆ ತುಂಬಾ ಚೆನ್ನಾಗಿ ಹೋಗುತ್ತದೆ. ಈ ಟೆಕ್ನಿಕ್‌ ಲೈಟ್‌ ಕಲರ್‌ ಬಟ್ಟೆಗೆ ತುಂಬಾನೇ ವರ್ಕ್‌ ಆಗಿರುತ್ತದೆ.

ಬ್ಲೀಚ್‌ ಬಳಸುವುದು
ನೀವು ಡಿಟರ್ಜೆಂಟ್‌ ಹಾಕಿ ಹಾಗಂತ ತುಂಬಾನೇ ಡಿಟರ್ಜೆಂಟ್‌ ಹಾಕಬೇಡಿ ನಂತರ ಬ್ಲೀಚ್‌ ಹಾಕಿ ವಾಶ್‌ ಮಾಡಿ

ಈ ವಿಧಾನ ಬಿಳಿ ಬಟ್ಟೆಗೆ ಆದರೆ ತುಂಬಾನೇ ಚೆನ್ನಾಗಿ ವರ್ಕ್‌ ಆಗುತ್ತೆ, ಬಟ್ಟೆಯ ಕಲೆ ಅಥವಾ ಕೊಳೆಯಿದ್ದರೆ ಸಂಪೂರ್ಣ ಹೋಗುತ್ತೆ. ಕಲೆಯಿದ್ದರೆ ನೀವು ಬ್ಲೀಚ್‌ (ಬಟ್ಟೆಯ ಕಲೆ ಹೋಗುವ ಬ್ಲೀಚ್‌) ಹಾಕಿ ಸ್ವಲ್ಪ ಹೊತ್ತು ಬಿಟ್ಟು ಸ್ಕ್ರಬ್‌ ಮಾಡಿ ನಂತರ ವಾಶಿಂಗ್‌ ಮೆಷಿನ್‌ಗೆ ಹಾಕಿ ವಾಶ್‌ ಮಾಡಿ.

ಸೋಡಾ ಮತ್ತು ವಿನೆಗರ್‌
ನೀವು ವಾಶಿಂಗ್‌ ಮೆಷಿನ್‌ಗೆ ಬೇಕಿಂಗ್‌ ಸೋಡಾ ಹಾಕಿ, ಒಂದು ಮುಚ್ಚಳ ವಿನೆಗರ್‌ ಹಾಕಿ ನಂತರ ಡಿಟರ್ಜೆಂಟ್‌ ಅಥವಾ ಲಿಕ್ವಿಡ್‌ ವಾಶ್‌ ಹಾಕಿ ನಂತರ ವಾಶ್‌ ಮಾಡಿದರೆ ಕೊಳೆ ಚೆನ್ನಾಗಿ ಹೋಗುವುದು ಮಾತ್ರವಲ್ಲ ಈ ಜಿಡ್ಡಿನಂಶ ಹೋಗುತ್ತೆ.

ಆದರೆ ಈ ವಿಧಾನ ಎಲ್ಲಾ ಬಟ್ಟೆಗಳಿಗೆ ಆಗಲ್ಲ

• ಕಲರ್‌ ಬಟ್ಟೆಗೆ ಹಾಕಿದರೆ ಕಲರ್ ಡಿಮ್ ಆಗುವ ಸಾಧ್ಯತೆ ಇದೆ.
• ಸರಿಯಾದ ವಾಶಿಂಗ್‌ ಸೈಕಲ್ ಬಳಸಿ
• ಸರಿಯಾದ ವಾಟರ್ ಟೆಂಪರೇಚರ್ ಬಳಸಿ
• ಬಟ್ಟೆ ಫ್ಯಾಬ್ರಿಕ್‌ ಸಾಫ್ಟ್ನರ್‌ ಬಳಸಿದರೆ ಇನ್ನೂ ಒಳ್ಳೆಯದು.
• ಕೊಳೆ ತುಂಬಾ ಇರುವ, ಕೊಳೆ ಕಡಿಮೆ ಇರುವ ಬಟ್ಟೆ ಜೊತೆಗೆ ಹಾಕಬೇಡಿ.
• ಇನ್ನೂ ಬಟ್ಟೆ ತೊಳೆದ ಮೇಲೆ ವಾಶಿಂಗ್‌ ಮೆಷಿನ್‌ನಲ್ಲಿಯೇ ಬಟ್ಟೆ ತುಂಬಾ ಹೊತ್ತು ಬಿಡಬೇಡಿ
• ಬಟ್ಟೆ ತೆಗೆದ ಬಳಿಕ ಮೆಷಿನ್ ಒರೆಸಿ.

ವಾಶಿಂಗ್‌ ಮೆಷಿನ್‌ ಡ್ರಮ್ ತುಂಬಾ ಬಟ್ಟೆ ತುಂಬಬಾರದು
ಚಿಕ್ಕ ಡ್ರಮ್ ಆದರೆ 1/3 ರಷ್ಟು ಮಾತ್ರ ಬಟ್ಟೆ ತುಂಬಿ
ಮೀಡಿಯಮ್‌ ಲೋಡ್‌ಗೆ 1/2 ಡ್ರಮ್ ಮಾತ್ರ ಬಟ್ಟೆ ತುಂಬಿ
ಲಾರ್ಜ್ ಲೋಡ್‌ಗೆ 3/4 ಡ್ರಮ್‌ ಬಟ್ಟೆ ತುಂಬಬಹುದು.

ಬಟ್ಟೆ ಒಗೆದ ತಕ್ಷಣ ತೆಗೆದು ಡ್ರಮ್ ಸ್ವಚ್ಛ ಮಾಡಿ
ಹೀಗೆ ಡ್ರಮ್‌ ಕ್ಲೀನ್‌ ಮಾಡುವುದರಿಂದ ಬಟ್ಟೆ ಕೂಡ ಸ್ವಚ್ಛವಾಗುವುದು. ಅಲ್ಲದೆ ವಾಶಿಂಗ್ ಮೆಷಿನ್ ತುಂಬಾ ಸಮಯ ಬಾಳಿಕೆ ಬರುತ್ತದೆ.

ಇನ್ನು ವಾಶಿಂಗ್ ಮೆಷಿನ್‌ ನೀವು ಪ್ರತಿ 30 ವಾಶ್‌ಗೆ ಡ್ರಮ್‌ ಸ್ವಚ್ಛ ಮಾಡುವುದು ಒಳ್ಳೆಯದು. ಡ್ರಮ್‌ ವಾಶ್‌ಗೆ ಪೌಡರ್ ಸಿಗುತ್ತೆ ಅದನ್ನು ಬಳಸಿ ವಾಶ್‌ ಮಾಡಬಹುದು. ಅಲ್ಲದೆ ಪ್ರತಿ ಬಾರಿ ವಾಶ್ ಆದ ಬಳಿಕ ಅದರ ಡ್ರಮ್ ಮಾತ್ರವಲ್ಲ ರಬ್ಬರ್ ಕೂಡ ಒರೆಸಬೇಕು.

ಇನ್ನು ಯಾವುದೇ ಬಟ್ಟೆ ವಾಶಿಂಗ್ ಮೆಷಿನ್‌ಗೆ ಹಾಕುವ ಮುನ್ನ ನೀವು ಬಟ್ಟೆ ಲೇಬಲ್ ಓದಿ ಅದಕ್ಕೆ ಸೂಟ್‌ ಆಗುವ ವಾಶಿಂಗ್‌ ಸೈಕ್ಲಿಂಗ್‌ಗೆ ಹಾಕಿ. ಜೀನ್ಸ್, ಕಾಟನ್, ಫ್ಯಾಬ್ರಿಕ್ ಎಲ್ಲಾ ಜೊತೆಗೆ ಹಾಕಬೇಡಿ.

ಇನ್ನು ಲಿಕ್ವಿಡ್‌ ಜೊತೆ ಸಾಫ್ಟ್‌ ಫ್ಯಾಬ್ರಿಕ್‌ ಅನ್ನು ನೀವು ಹೊಸ ಹಾಗೂ ಕಾಟನ್ ಬಟ್ಟೆಗೆ ಬಳಸಲೇಬೇಕು.