ಹೊಸ ವರ್ಷದಲ್ಲಿ ಮನೆಯಲ್ಲಿರಬಾರದ ನಕರಾತ್ಮಕ ವಸ್ತುಗಳಿವು, ಇಂದೇ ಹೊರಹಾಕಿ

ಇನ್ನೇನು ಹೊಸ ವರ್ಷಕ್ಕೆ ಕೆಲ ದಿನಗಳಷ್ಟೇ ಬಾಕಿಯಿದೆ. ಡಿಸೆಂಬರ್‌ 31 ನಂತರ ಹೊಸ ಕ್ಯಾಲೆಂಡರ್ ಗೋಡೆಯನ್ನು ಅಲಂಕರಿಸಲಿದೆ. ಹೊಸ ವರ್ಷ ಸ್ವಾಗತಿಸಲು ಇಡೀ ಜಗತ್ತು ಸಿದ್ಧವಾಗಿದೆ. ಹೊಸ ವರ್ಷವನ್ನು ಹೇಗೆ ಬರಮಾಡಿಕೊಳ್ಳಬೇಕು ಎಂಬುವುದರ ಬಗ್ಗೆ ಸಿದ್ದತೆ ಮಾಡಿಕೊಂಡಿರಬೇಕು ಅಲ್ವಾ? ಮನೆಯನ್ನು ಹೊಸ ವರ್ಷಕ್ಕೆ ಸಿದ್ಧ ಮಾಡಿದ್ದೀರಾ? ಮನೆ ಸಿದ್ಧ ಪಡಿಸುವುದು ಮನೆಯಲ್ಲಿರುವ ನಕರಾತ್ಮಕ ಶಕ್ತಿ ಹೊರ ಹಾಕುವುದು, ಪಾಸಿಟಿವ್‌ ವೈಬ್ಸ್ ತುಂಬಿಸುವುದು, ಹೇಗೆ?

ಶಾಸ್ತ್ರವು ನಾವು ಮನೆಯನ್ನು ಹೇಗೆ ಇಟ್ಟುಕೊಳ್ಳುತ್ತೇವೆ ಅದು ನಮ್ಮ ಮೇಲೆ ತುಂಬಾನೇ ಪ್ರಭಾವ ಬೀರುತ್ತದೆ ಎಂದು ಹೇಳಲಾಗುವುದು. ಮನೆಯಲ್ಲಿ ಋಣಾತ್ಮಕ ವಸ್ತುಗಳಿದ್ದರೆ ಅದು ಮನೆಗೆ ಒಳ್ಳೆಯದಲ್ಲ, ಹಾಗಾಗಿ ಅಂಥ ವಸ್ತುಗಳಿದ್ದರೆ ಅವುಗಳನ್ನು ಮನೆಯಿಂದ ಹೊರ ಹಾಕಬೇಕು. ಇನ್ನು ಹೊಸ ವರ್ಷ ಮಾತ್ರವಲ್ಲ ಮಕರ ಸಂಕ್ರಾಂತಿ ಕೂಡ ಬರಲಿದೆ. ಹಾಗಾಗಿ ಹೊಸ ವರ್ಷದಲ್ಲಿ ಈ ವಸ್ತುಗಳನ್ನು ಮನೆಯಲ್ಲಿರಿಸಬೇಡಿ, ಅವುಗಳನ್ನು ಬೇಗನೆ ಕಸಕ್ಕೆ ಹಾಕಿ...

ಒಡೆದ ವಸ್ತುಗಳು
ಒಡೆದ ವಸ್ತು ಯಾವುದೇ ಆಗಿರಲಿ ಅದನ್ನು ಹಾಗೆಯೇ ಇಟ್ಟುಕೊಳ್ಳಬೇಡಿ, ಒಡೆದ ವಸ್ತುಗಳು ಮನೆಗೆ ಒಳ್ಳೆಯದಲ್ಲ, ಇದು ಮನೆಯೊಳಗಡೆ ನಕರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ ಎಂದು ಹೇಳಲಾಗುವುದು. ಹಾಗಾಗಿ ಒಡೆದ ಪಾತ್ರೆಯಾಗಲಿ, ಅಲಂಕಾರಿಕ ವಸ್ತುವಾಗಲಿ, ಫೋಟೋಗಳಾಗಲಿ ಹೀಗೆ ಯಾವುದೇ ವಸ್ತುಗಳಾಗಲಿ ಅವುಗಳನ್ನು ಮನೆಯಿಂದ ಹೊರಗಡೆ ಬಿಸಾಡಿ. ಕಸದ ಬುಟ್ಟಿಗೆ ಹಾಕುವಾಗ ಸರಿಯಾದ ರೀತಿಯಲ್ಲಿ ವಿಲೇವಾರಿ ಮಾಡಿ. ಗಾಜಿನ ವಸ್ತುಗಳಿದ್ದರೆ ಪ್ರತ್ಯೇಕಿಸಿ ಕಸದ ಗಾಡಿಗೆ ಹಾಕಿ. ಒಡೆದ ದೇವರ ಫೋಟೋಗಳನ್ನು ಯಾವುದಾದರು ಮರದ ಕೆಳಗಡೆ ಇಟ್ಟು ಬರುವುದು ಮಾಡಬೇಡಿ.

ಒಣಗಿದ ಗಿಡವಿದ್ದರೆ ತೆರವು ಮಾಡಿ
ಮನೆ ಮುಂದೆ ಒಣ ಗಿಡವಿದ್ದರೆ ಅದನ್ನು ತೆಗಿಸಿ. ಒಣ ಸಸ್ಯ ನಕರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ. ಹಸಿರು ಗಿಡ ಧನಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ, ಹಾಗಾಗಿ ಒಣ ಗಿಡಗಳಿದ್ದರೆ ಅವುಗಳನ್ನು ಮನೆಯಿಂದ ಹೊರಗಡೆ ಬಿಸಾಡಿ.

ಹಾಳಾದ ಗಡಿಯಾರ
ಮನೆಯಲ್ಲಿ ಗಡಿಯಾರ ಹಾಳಾಗಿದ್ದರೆ ಒಂದೋ ಸರಿಪಡಿಸಿ, ಸರಿಪಡಿಸಲು ಸಾಧ್ಯವಾಗದೇ ಇರುವ ಗಡಿಯಾರವನ್ನು ಗುಜರಿಯವರಿಗೆ ನೀಡಿ, ಮನೆಯಲ್ಲಿ ಮಾತ್ರ ಇಟ್ಟುಕೊಳ್ಳಬೇಡಿ. ಟೈಂ ಸರಿಯಾಗಿ ತೋರಿಸದ ಗಡಿಯಾರ ಮನೆಯಲ್ಲಿದ್ದರೆ ಅದನ್ನು ಮನೆಯೊಳಗಡೆ ಇಡಬೇಡಿ.

ಮುರಿದ ಪೀಠೋಪಕರಣಗಳು
ಕೆಲವೊಂದು ಮುರಿದ ಪೀಠೋಪಕರಣಗಳು ಮನೆಯಲ್ಲಿದ್ದರೆ ಅವುಗಳನ್ನು ಮನೆಯಿಂದ ಹೊರಹಾಕಿ. ಮುರಿದ ವಸ್ತುಗಳು ಮನೆಯಲ್ಲಿದ್ದರೆ ಅದು ಶುಭವಲ್ಲ. ಒಡೆದ ಗ್ಲಾಸ್‌ಗಳು ಮನೆಯಲ್ಲಿದ್ದರೆ ಅವುಗಳನ್ನು ಕೂಡ ಹೊರಹಾಕಿ.

ಹಳೆಯ ಕ್ಯಾಲೆಂಡರ್
ಎಷ್ಟೋ ಜನ ಹಳೆಯ ಕ್ಯಾಲೆಂಡರ್‌ ಬಿಸಾಡುವ ಮನಸ್ಸು ಮಾಡುವುದಿಲ್ಲ, ಅದು ಹಾಗೆಯೇ ಗೋಡೆಯಲ್ಲಿ ಬಿಡಬೇಡಿ, ಅದನ್ನು ಬಿಸಾಡಿ, ಮನೆಯ ಗೋಡೆಯಲ್ಲಿ ಹೊಸ ಕ್ಯಾಲೆಂಡರ್ ಹಾಕಿ. ಹೊಸ ವರ್ಷವನ್ನು ಪಾಸಿಟಿವ್‌ ವೈಬ್ಸ್‌ ಜೊತೆಗೆ ಸ್ವಾಗತಿಸಿ. ಹೊಸ ವರ್ಷ ನಿಮ್ಮೆಲ್ಲಾ ಕನಸು ನನಸಾಗಲಿ.