ವ್ಯಾಲಂಟೇನ್ಸ್ ದಿನ: ನಿಮ್ಮ ಹಾಟ್ ಬೆಡ್ ರೂಮ್ ಹೀಗಿರಲಿ

Updated: Friday, February 14, 2014, 11:45 [IST]

ವ್ಯಾಲಂಟೇನ್ಸ್ ದಿನದಲ್ಲಿ ಕೆಂಪು ಬಣ್ಣಕ್ಕೆ ಹೆಚ್ಚಿನ ಮಹತ್ವ. ಈ ದಿನಕ್ಕಾಗಿ ನೀವು ಸಜ್ಜುಗೊಂಡಂತೆ ನಿಮ್ಮ ಮನೆ ಮುಖ್ಯವಾಗಿ ನಿಮ್ಮ ಮಲಗುವ ಕೋಣೆಯನ್ನು ರೊಮ್ಯಾಂಟಿಕ್ ಆಗಿ ಸಜ್ಜುಗೊಳಿಸಲು ಕೆಲವೊಂದು ಸಲಹೆಗಳನ್ನು ನಾವಿಲ್ಲಿ ನೀಡುತ್ತಿದ್ದೇವೆ. ಕೆಂಪು ಬಣ್ಣದ ಪ್ರಾಶಸ್ತ್ಯದಿಂದ ನಿಮ್ಮ ಬೆಡ್‌ರೂಮ್ ಝಗಮಗಿಸಲಿ.

ಕೆಂಪು ಬಣ್ಣ ನಿಮ್ಮಲ್ಲಿ ಉತ್ಸಾಹವನ್ನು ತುಂಬಿ ವ್ಯಾಲಂಟೇನ್ ದಿನವನ್ನು ಉಲ್ಲಾಸಪೂರ್ಣವಾಗಿ ಕಳೆಯಲು ಸಹಾಯ ಮಾಡುತ್ತದೆ. ಸೆಕ್ಸಿ ಬಣ್ಣವಾಗಿರುವ ಕೆಂಪು ನಿಮ್ಮನ್ನು ಇನ್ನಷ್ಟು ಉದ್ರೇಕಪೂರ್ಣವಾಗಿ ಮಾಡುತ್ತದೆ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ.ಪ್ರೇಮಿಗಳ ದಿನ ಎಂದರೆ ಬೇರೆಲ್ಲಾ ದಿನಕ್ಕಿಂತ ಮಹತ್ವಾದ್ದು. ಸಂಗಾತಿಗಳು ಮನಬಿಚ್ಚಿ ಪರಸ್ಪರ ಪ್ರೀತಿಯನ್ನು ನಿವೇದಿಸಿಕೊಳ್ಳುವ ಶುಭ ಘಳಿಗೆಯಲ್ಲಿ ನೀವು ಸಿದ್ಧಪಡಿಸುವ ಪ್ರತಿಯೊಂದೂ ಅರ್ಥಪೂರ್ಣವಾಗಿರಬೇಕು.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ವ್ಯಾಲಂಟೇನ್ ದಿನಕ್ಕಾಗಿ ಪ್ರೀತಿಯ ಸಂಕೇತಗಳು

ಪ್ರತಿಯೊಂದು ಆಯ್ಕೆಯೂ ನಿಮ್ಮ ಸಂಗಾತಿಗೆ ಮುದವನ್ನುಂಟು ಮಾಡಬೇಕು. ಅವರ ಇಚ್ಛೆಯನ್ನು ನಿಮ್ಮ ಇಚ್ಛೆಯನ್ನಾಗಿಸಿಕೊಂಡು ಆಸಕ್ತಿಪೂರ್ಣವಾಗಿ ಕಾರ್ಯ ನಿರ್ವಹಿಸಬೇಕು. ಇದರಿಂದ ಮಾತ್ರ ನಿಮ್ಮ ಮನದಾಳ ನಿಮ್ಮ ಸಂಗಾತಿಗೆ ಮನದಟ್ಟಾಗುತ್ತದೆ, ಪ್ರೀತಿ ಅಂಕುರಿಸುತ್ತದೆ. ಆ ಪ್ರೀತಿ ಶಾಶ್ವತವಾಗಿ ನೆಲೆನಿಲ್ಲುತ್ತದೆ.

ಆದ್ದರಿಂದಲೇ ಹಿಂದೆಂದಿಗಿಂತಲೂ ಚೆನ್ನಾಗಿ ಈ ಬಾರಿಯ ವ್ಯಾಲಂಟೇನ್ ದಿನದ ಆಚರಣೆ ನಿಮ್ಮದಾಗಿರಲಿ. ಬೋರಿಂಗ್ ಐಡಿಯಾಗಳನ್ನು ಬದಿಗೊತ್ತಿ ಕ್ರಿಯಾತ್ಮಕವಾಗಿ ಆಲೋಚಿಸಿ. ನಿಮ್ಮ ಬೆಡ್‌ರೂಮ್ ಅಲಂಕಾರವೂ ವೈವಿಧ್ಯಮಯವಾಗಿರಲಿ. ಕೆಂಪು ಬಣ್ಣವನ್ನು ಆರಿಸಿಕೊಂಡು ನಿಮ್ಮ ಬೆಡ್‌ರೂಮ್ ಸೊಬಗನ್ನು ಹೆಚ್ಚಿಸಿ.

ಆದ್ದರಿಂದಲೇ ಪ್ರೇಮದ ಉತ್ಕಟತೆಯನ್ನು ಸೂಚಿಸುವ ಬಣ್ಣವಾದ ಕೆಂಪನ್ನು ನಿಮ್ಮ ಬೆಡ್‌ರೂಮ್ ಅಲಂಕಾರಕ್ಕಾಗಿ ಬೋಲ್ಡ್ ಸ್ಕೈ ಇಂದು ಸೂಚಿಸುತ್ತಿದೆ. ನಿಮ್ಮ ಬೆಡ್‌ರೂಮ್ ಅನ್ನು ಬರಿಯ ಚಾಕಲೇಟ್‌ಗಳು ಕೊಡುಗೆಗಳಿಂದ ಮಾತ್ರ ಅಲಂಕರಿಸದೇ ಕೆಳಗಿನ ಸಲಹೆಗಳ ಮೂಲಕ ಅಲಂಕರಿಸಿ.ನಿಮ್ಮ ಬೆಡ್‌ರೂಮ್ ಅನ್ನು ಕೆಂಪು ಕೆಂಪಾಗಿ ಹೇಗೆ ಅಲಂಕರಿಸಬೇಕೆಂಬ ಐಡಿಯಾವನ್ನು ಬೋಲ್ಡ್ ಸ್ಕೈ ಇಂದು ನಿಮಗಾಗಿ ನೀಡುತ್ತಿದೆ. ಕೋಣೆಯ ಕೆಂಪು ರಂಗನ್ನು ನೋಡಿ ನಿಮ್ಮ ಸಂಗಾತಿಯು ಕೆಂಪು ಕೆಂಪಾಗಿ ಹೋಗುವುದಂತೂ ಖಂಡಿತ ಬನ್ನಿ ಈ ಸಲಹೆಗಳಿಗಾಗಿ ಮುಂದೆ ಓದಿ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ: ವ್ಯಾಲಂಟೇನ್ ದಿನ: ನಿಮ್ಮ ಬೆಡ್‌ರೂಮ್ ಹೀಗೆ ಸಜ್ಜುಗೊಳ್ಳಲಿ

ಕ್ಯಾಂಡಿ:

ಪ್ರೀತಿಯ ಈ ದಿನದಂದು ಕ್ಯಾಂಡಿಯನ್ನು ಮರೆಯದಿರಿ. ನಿಮ್ಮ ಬೆಡ್ ಅನ್ನು ಕ್ಯಾಂಡಿಯೊಂದಿಗೆ ಅಲಂಕರಿಸಿ. ಹೃದಯಾಕಾರ ಅಥವಾ ವಿಶೇಷ ಪದಗಳನ್ನು ಮಾಡಲು ಕ್ಯಾಂಡಿಯನ್ನು ಬಳಸಿ ನಿಮ್ಮ ಬೆಡ್ ಅನ್ನು ಸೊಗಸಾಗಿಸಿ.

ಕುಶನ್‌ಗಳು:

ವ್ಯಾಲಂಟೇನ್ಸ್‌ ದಿನಕ್ಕಾಗಿ ನಿಮ್ಮ ಬೆಡ್‌ರೂಮ್‌ನಲ್ಲಿ ಕುಶನ್‌ಗಳು ಇರಲೇಬೇಕು. ಕೆಂಪು ಸಿಲ್ಕ್ ಕುಶನ್ ಅಥವಾ ನುಣ್ಣನೆಯ ಕುಶನ್‌ಗಳನ್ನು ಅಲಂಕಾರಕ್ಕಾಗಿ ಬಳಸಿ.

ಕ್ಯಾಂಡಲ್‌ಗಳು:

ಕ್ಯಾಂಡಲ್‌ಗಳನ್ನು ಖಂಡಿತ ಮರೆಯದಿರಿ. ಸುಗಂಧ ಮೇಣದ ಬತ್ತಿಗಳು ನಿಮ್ಮ ಕೋಣೆಯ ಪರಿಮಳವನ್ನು ವಿಶೇಷವಾಗಿಸುತ್ತವೆ. ಕೆಂಪು ಕ್ಯಾಂಡಲ್‌ಗಳನ್ನು ಬಳಸಿಕೊಂಡು ನಿಮ್ಮ ಕೋಣೆಯನ್ನು ಸೊಗಸಾಗಿಸಿ. ನಿಮ್ಮ ಬಳಿ ಬಿಳಿ ಕ್ಯಾಂಡಲ್ ಇದ್ದರೆ ಕ್ಯಾಂಡಲ್ ಸುತ್ತ ಕೆಂಪು ಬಣ್ಣದ ಲೇಸ್ ಅನ್ನು ಕವರ್ ಮಾಡಿ.

ಒಣಗಿದ ಕೆಂಪು ಗುಲಾಬಿ ಪಕಳೆಗಳು:

ಪೋಟ್ ಪುರ್ರಿ ನಿಮ್ಮ ಕೋಣೆಯನ್ನು ವಿಶೇಷವಾಗಿ ಸಜ್ಜುಗೊಳಿಸುವಲ್ಲಿ ನೆರವು ನೀಡುತ್ತವೆ. ಸುಗಂಧಿತ ಕ್ಯಾಂಡಲ್‌ಗಳು ಮತ್ತು ಪೋಟ್ ಪುರ್ರಿ ನಿಮ್ಮ ಬೆಡ್‌ರೂಮ್ ಅಲಂಕಾರದಲ್ಲಿ ಸೇರಿರಲೇಬೇಕು.

ಕರ್ಟನ್‌ಗಳು:

ಕೆಂಪು ಕರ್ಟನ್‌ಗಳು ಸ್ವರ್ಗದ ಅನುಭವವನ್ನು ನಿಮ್ಮಲ್ಲಿ ಉಂಟುಮಾಡುತ್ತದೆ. ಲೇಸ್ ಅಥವಾ ಸ್ಯಾಟೀನ್ ಕರ್ಟನ್‌ಗಳು ನಿಮ್ಮ ಹೊದಿಕೆಗೆ ಸರಿಹೊಂದುತ್ತವೆ.

ಶುಭಾಶಯ ಪತ್ರಗಳು:

ನಿಮ್ಮ ಪ್ರೀತಿಯನ್ನು ನಿಮ್ಮ ಸಂಗಾತಿಗೆ ಹೇಳುವ ಒಂದೇ ವಿಧಾನ ಶುಭಾಶಯ ಪತ್ರವಾಗಿದೆ. ನೀವು ಅವರನ್ನು ಎಷ್ಟು ಪ್ರೀತಿಸುತ್ತೀರಿ ಎಂಬುದನ್ನು ಸುಂದರ ಶುಭಾಶಯ ಪತ್ರಗಳ ಮೂಲಕ ನಿಮ್ಮ ಪ್ರೀತಿ ಪಾತ್ರರಿಗೆ ಅರುಹಿ. ಸ್ಟ್ರಾಬೆರಿ ಸುವಾಸಿತ ಚಾಕಲೇಟ್ ಪೆಟ್ಟಿಗೆಯಲ್ಲಿ ಶುಭಾಶಯ ಪತ್ರವನ್ನಿರಿಸಿ ನಿಮ್ಮ ಹಾಸಿಗೆಯನ್ನು ಸುಂದರಗೊಳಿಸಿ.

ವೈನ್:

ವೈನ್ ಕಾಮೋತ್ತೇಜಕ ಪೇಯವಾಗಿದೆ. ನಿಮ್ಮ ಬೆಡ್‌ರೂಮ್ ಅಲಂಕಾರ ಐಡಿಯಾಗಳಲ್ಲಿ ಇದೂ ಸೇರಿರಲಿ.

ಗುಲಾಬಿ ಹಾಸಿಗೆ:

ಇದಕ್ಕಿಂತ ಹೆಚ್ಚು ರೊಮ್ಯಾಂಟಿಕ್ ಅನುಭವವನ್ನು ನೀಡುವಂಥದ್ದು ಇನ್ನೊಂದು ಇರಲಿಕ್ಕಿಲ್ಲ. ಕೆಂಪು ಗುಲಾಬಿ ಪಕಳೆಗಳನ್ನು ನಿಮ್ಮ ಹಾಸಿಗೆಯ ಮೇಲೆ ಹಾಕಿ.

ಸ್ಯಾಟೀನ್ ಶೀಟ್‌ಗಳು:

ನಿಮ್ಮ ಬೆಡ್‌ರೂಮ್ ಅಲಂಕಾರ ಸಲಹೆಗಳಲ್ಲಿ ಮುಖ್ಯವಾಗಿ ಸೇರಿಸಬೇಕಾಗಿರುವುದು ಸ್ಯಾಟೀನ್ ಶೀಟ್‌ಗಳಾಗಿವೆ. ನಿಮ್ಮ ಹತ್ತಿಯ ಬೆಡ್ ಕವರ್ ಸ್ಥಾನದಲ್ಲಿ ಸ್ಯಾಟೀನ್ ಬೆಡ್ ಕವರ್ ಬರಲಿ.

ಡೈನಿಂಗ್ ಟೇಬಲ್:

ನಿಮ್ಮ ಮಲಗುವ ಕೋಣೆಯಲ್ಲಿ ಡೈನಿಂಗ್ ಟೇಬಲ್ ಇಲ್ಲದಿದ್ದರೆ ಈ ವ್ಯಾಲಂಟೇನ್ ದಿನಕ್ಕಾಗಿ ಅದನ್ನು ತಂದಿರಿಸಿಕೊಳ್ಳಿ. ಕ್ಯಾಂಡಲ್ ಲೈಟ್ ಡಿನ್ನರ್ ಅನ್ನು ನಿಮ್ಮ ಕೋಣೆಯಲ್ಲಿ ಸಜ್ಜುಗೊಳಿಸುವುದು ನಿಮ್ಮ ಪ್ರೀತಿಯ ದಿನವನ್ನು ಇನ್ನಷ್ಟು ಚಿರಂತನವಾಗಿಸುವಲ್ಲಿ ಸಹಕಾರಿ.