ಬೆಡ್ರೂಮ್‌ನಲ್ಲಿ ಈ ತಪ್ಪು ಮಾಡಬೇಡಿ.. ನಿದ್ರೆ, ಶಾಂತಿ ಎರಡೂ ಹಾಳು! ಬೆಡ್‌ ಯಾವ ದಿಕ್ಕಿನಲ್ಲಿರಬೇಕು?

ಸರಿಯಾದ ದಿಕ್ಕಿನಲ್ಲಿ ತಲೆ ಇಟ್ಟು ಮಲಗಿ! ಈ ತಪ್ಪು ನಿಮ್ಮ ನೆಮ್ಮದಿ ಹಾಳು ಮಾಡುತ್ತಿದೆ. ನಿಮ್ಮ ಮಲಗುವ ಕೋಣೆ (Bedroom) ಹೀಗಿದ್ದರೆ ಮಾತ್ರ ಅದೃಷ್ಟ ಮತ್ತು ನೆಮ್ಮದಿ ಸಾಧ್ಯ. ಹೌದು, ಕೇವಲ ಕಷ್ಟಪಟ್ಟು ದುಡಿದರೆ ಮನೆಯಲ್ಲಿ ಸುಖ, ಶಾಂತಿ ಮತ್ತು ಸಮೃದ್ಧಿ ನೆಲೆಸುವುದಿಲ್ಲ. ಬದಲಾಗಿ, ನಾವು ವಾಸಿಸುವ ಸ್ಥಳದಲ್ಲಿ ಸಕಾರಾತ್ಮಕ ಶಕ್ತಿಯ ಹರಿವು ಇರುವುದು ಅತಿ ಮುಖ್ಯ.

ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯ ಇತರ ಯಾವುದೇ ಭಾಗಕ್ಕಿಂತಲೂ ಮಲಗುವ ಕೋಣೆ ಅಥವಾ ಬೆಡ್‌ರೂಮ್ (Vastu For Bedroom) ವಿಶೇಷ ಮಹತ್ವ ಗಳಿಸಿದೆ. ಮನುಷ್ಯನ ದಿನದ ಮೂರನೇ ಒಂದು ಭಾಗವು ಇದೇ ಕೋಣೆಯಲ್ಲಿ ಕಳೆಯುವುದರಿಂದ, ಇಲ್ಲಿನ ವಾಸ್ತು ದೋಷಗಳು ದಾಂಪತ್ಯ ಕಲಹ, ಆರೋಗ್ಯ ಸಮಸ್ಯೆಗಳು ಮತ್ತು ಆರ್ಥಿಕ ನಷ್ಟಗಳಿಗೆ ಕಾರಣವಾಗಬಹುದು. ಹಾಗಿದ್ರೆ, ಬೆಡ್ ಯಾವ ದಿಕ್ಕಿನಲ್ಲಿರಬೇಕು? (Bed Direction As Per Vastu) ಎಂದು ತಿಳಿಯಲು ಮುಂದೆ ಓದಿ.

ಮನೆಯ ಪ್ರತಿಯೊಂದು ಭಾಗಕ್ಕೂ ಪ್ರಮುಖ ನಿಯಮಗಳು ಮತ್ತು ದಿಕ್ಕುಗಳು ಇವೆ. ದಿನವಿಡೀ ಕೆಲಸದ ಒತ್ತಡದ ನಂತರ ನಾವು ವಿಶ್ರಾಂತಿ ಪಡೆಯುವ ಮಲಗುವ ಕೋಣೆಯು (Sleeping direction as per Vastu) ಅತ್ಯಂತ ಪ್ರಮುಖ ಭಾಗವಾಗಿದೆ. ಆದರೆ, ಅಲ್ಲಿರುವ ವಸ್ತುಗಳು ವಾಸ್ತು ಪ್ರಕಾರ ಸರಿಯಾದ ಸ್ಥಳದಲ್ಲಿ ಇಲ್ಲದಿದ್ದರೆ, ಅದು ಜೀವನದಲ್ಲಿ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಹಾಸಿಗೆ ಹಿಂದೆ ಇರಬಾರದ ವಸ್ತುಗಳು

ಬೆಡ್ ಅಥವಾ ಮಲಗುವ ಕೋಣೆಯ ಹಿಂದೆ ಯಾವುದೇ ವಿದ್ಯುತ್ ಮೀಟರ್, ಜನರೇಟರ್ ಇರಬಾರದು. ಹಾಸಿಗೆ ಅಥವಾ ಮಲಗುವ ಕೋಣೆಯ ಹಿಂಭಾಗದಲ್ಲಿ ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಇಡುವುದರಿಂದ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರಬಹುದು.

ಅಲ್ಲದೆ, ಹಿಂಭಾಗದ ಗೋಡೆಯ ಹಿಂದೆ ಗಟರ್ ಪಾಯಿಂಟ್ ಇರುವುದು ಕೂಡ ಅಶುಭ. ಇದಲ್ಲದೆ, ಮಲಗುವ ಕೋಣೆಯ ಹಿಂದೆ ಅಡುಗೆ ಮನೆ ಅಥವಾ ಸ್ಟೌವ್ ಇಡುವ ಸ್ಥಳವನ್ನು ನಿರ್ಮಿಸುವುದನ್ನು ತಪ್ಪಿಸಬೇಕು. ಈ ವ್ಯವಸ್ಥೆಯು ಆರೋಗ್ಯ ಮತ್ತು ಜೀವನದ ಮೇಲೆ ಪ್ರತಿಕೂಲ ಪರಿಣಾಮ ಬೀರಬಹುದು.

ಬಾಗಿಲಿಗೆ ಎದುರಾಗಿ ಇಡಬೇಡಿ

ಮಲಗುವ ಕೋಣೆಯ ಬಾಗಿಲಿಗೆ ನೇರವಾಗಿ ಎದುರಾಗಿ ಹಾಸಿಗೆಯನ್ನು ಇರಿಸಿದ್ದರೆ, ಅದರ ಸ್ಥಾನವನ್ನು ತಕ್ಷಣ ಬದಲಾಯಿಸಿ. ಕೋಣೆಗೆ ಪ್ರವೇಶಿಸುವಾಗ ಹಾಸಿಗೆಯ ಮೂಲೆಯು ನೇರವಾಗಿ ಕಾಣಿಸುವುದು ಸಹ ಶುಭವಲ್ಲ. ಹಾಸಿಗೆಯನ್ನು ಇರಿಸುವಾಗ ಬಾಗಿಲಿಗೆ ಎದುರಾಗಿ ಸ್ವಲ್ಪ ಭಾಗ ಖಾಲಿಯಾಗಿ ಕಾಣಿಸಬೇಕು. ಹಾಸಿಗೆಯನ್ನು ತಪ್ಪಾದ ಸ್ಥಳದಲ್ಲಿ ಇಡುವುದರಿಂದ ನಿದ್ರೆ ಮತ್ತು ಸುತ್ತಮುತ್ತಲಿನ ವಾತಾವರಣದ ಮೇಲೆ ನಕಾರಾತ್ಮಕ ಪರಿಣಾಮ ಬೀರಬಹುದು.

ಕನ್ನಡಿ ಇಡುವಾಗ ನೆನಪಿಡಿ

ಕನ್ನ ಡಿಯನ್ನು ಹಾಸಿಗೆಯ ಎದುರಿಗೆ ಎಂದಿಗೂ ಇಡಬಾರದು. ಮಲಗುವಾಗ ದೇಹದ ಭಾಗವು ಕನ್ನ ಡಿಯಲ್ಲಿ ಪ್ರತಿಬಿಂಬಿಸಿದರೆ, ಅದಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಕಾಡಬಹುದು. ಮಲಗುವ ಕೋಣೆಯಲ್ಲಿ ಕನ್ನಡಿ ಇಡುವುದಕ್ಕೆ ಅಡ್ಡಿಯಿಲ್ಲ. ಆದರೆ, ಸರಿಯಾದ ಸ್ಥಾನದಲ್ಲಿ ಇಡುವುದು ಬಹಳ ಮುಖ್ಯ. ಕನ್ನಡಿಯನ್ನು ಪೂರ್ವ ಅಥವಾ ಉತ್ತರ ದಿಕ್ಕಿನಲ್ಲಿ ಇಡುವುದು ಶುಭಕರ.

ಬೆಡ್ ಕೆಳಗೆ ಇಡಬಾರದು

ಸಾಮಾನ್ಯವಾಗಿ, ಜನರು ಶೇಖರಣಾ ಸ್ಥಳವಿರುವ ಹಾಸಿಗೆಗಳನ್ನು ಆಯ್ಕೆ ಮಾಡುತ್ತಾರೆ. ಆದರೆ, ಸಾಧ್ಯವಾದರೆ, ಶೇಖರಣಾ ಸ್ಥಳವಿಲ್ಲದ ಸರಳ ಹಾಸಿಗೆಯನ್ನು ಇಡುವುದು ಉತ್ತಮ. ಒಂದು ವೇಳೆ ಶೇಖರಣಾ ಸ್ಥಳವಿದ್ದರೆ, ಅದರಲ್ಲಿ ಹಾಳಾದ ಅಥವಾ ಮುರಿದ ವಸ್ತುಗಳು ಇರಬಾರದು. ಔಷಧಗಳ ಬಿಲ್‌ಗಳು, ಹಣ ಅಥವಾ ಯಾವುದೇ ಅನಗತ್ಯ ವಸ್ತುಗಳನ್ನು ಹಾಸಿಗೆಯ ಕೆಳಗೆ ಇಡಬಾರದು.

ಪ್ರಮುಖ ನಿಯಮಗಳಿವು

- ಫ್ಯಾಮಿಲಿ ಫೋಟೋಗಳನ್ನು ಉತ್ತರ-ಪೂರ್ವ ದಿಕ್ಕಿನಲ್ಲಿ ಇಡಬೇಕು.

- ಮೃತ ಪಿತೃಗಳ ಚಿತ್ರಗಳನ್ನು ಕೋಣೆಯೊಳಗೆ ಇಡಬಾರದು.

- ವಿವಾಹಿತ ದಂಪತಿಗಳು ತಮ್ಮ ನಗುತ್ತಿರುವ ಚಿತ್ರವನ್ನು ಹಾಸಿಗೆಯ ಎದುರು ಇಡಸಬೇಕು.

- ಮಲಗುವ ಕೋಣೆಗೆ ತಿಳಿ, ಶಾಂತ ಮತ್ತು ಪೇಸ್ಟಲ್ ಬಣ್ಣಗಳನ್ನು ಹಚ್ಚಿ.

- ಕಪ್ಪು, ನೀಲಿ ಮುಂತಾದ ಗಾಢ ಬಣ್ಣಗಳು ಅಥವಾ ಪರದೆಗಳನ್ನು ತಪ್ಪಿಸಿ.

- ಮಾಸ್ಟರ್ ಬೆಡ್‌ರೂಮ್ ನೈಋತ್ಯ ದಿಕ್ಕಿನಲ್ಲಿದ್ದರೆ, ಆ ಗೋಡೆಯಲ್ಲಿ ಕಪಾಟು ಅಥವಾ ವಸ್ತುಗಳನ್ನು ಇಡಲು ಸ್ಥಳಾವಕಾಶ ನೀಡಿ.

- ವಿವಾಹಿತ ದಂಪತಿಗಳ ಮಲಗುವ ಕೋಣೆ ದಕ್ಷಿಣ ಮತ್ತು ಪಶ್ಚಿಮ ದಿಕ್ಕಿನಲ್ಲಿರುವುದು ಉತ್ತಮ.

- ಸ್ಟಡಿ ಟೇಬಲ್ ಇದ್ದರೆ, ಅದನ್ನು ಉತ್ತರ-ಪೂರ್ವ ದಿಕ್ಕಿಗೆ ಎದುರಾಗಿ ಇಡಬೇಕು.

- ಸಂತೋಷ ನೀಡುವ ಚಿತ್ರಗಳನ್ನು ಮಲಗುವ ಕೋಣೆಯಲ್ಲಿ ಇಡಬೇಕು.