ಭೂಮಿಗೆ ಮರಳಿದ ಗಗನಯಾತ್ರಿಗಳ ಬದುಕು ಅಷ್ಟು ಸುಲಭವಲ್ಲ: ಜೀವಕ್ಕೆ ಇಷ್ಟೆಲ್ಲಾ ಅಪಾಯಗಳಿವೆ!

ಸುನೀತಾ ವಿಲಿಯಮ್ಸ್ ಸಾಧನೆಗೆ ಇಡೀ ಜಗತ್ತೇ ಸಲಾಂ ಹೇಳುತ್ತಿದೆ, ಇವರು ಭಾರತೀಯ ಮೂಲದವರು ಎಂಬ ಹೆಮ್ಮೆ ಭಾರತಕ್ಕೆ. ಬಾಹ್ಯಾಕಾಶಯಾನಿಗಳಾದ ಸುನೀತಾ ವಿಲಿಯಮ್ಸ್, ಬುಚ್ ವಿಲ್ಕೋರ್‌ ಭೂಮಿ ಮೇಲೆ ಸುರಕ್ಷಿತವಾಗಿ ಲ್ಯಾಂಡ್‌ ಆಗಿದ್ದಾರೆ.

8 ದಿನಗಳವರಗೆ ಬಾಹ್ಯಾಕಾಶಕ್ಕೆ ಹೋದ ಅವರು 9 ತಿಂಗಳ ಬಳಿಕ ಭೂಮಿಗೆ ಮರಳಿದ್ದಾರೆ, ತಾಯಿ ಗರ್ಭದಿಂದ 9 ತಿಂಗಳ ಬಳಿಕ ಮಗು ಬರುವಂತೆ 9 ತಿಂಗಳ ಬಳಿಕ ಮರುಜನ್ಮ ಪಡೆದು ಬಂದಿದ್ದಾರೆ, ಇದು ಅವರಿಗೆ ಮರುಹುಟ್ಟು ಎಂದರೆ ತಪ್ಪಾಗಲಾರದು. ಯಾವ ಕ್ಷಣ ಏನಾಗುತ್ತದೆ ಎಂದು ಹೇಳಲು ನಾಸಾಗೂ ಸಾಧ್ಯವಾಗಿರಲಿಲ್ಲ.

ಈ ಗಗನಯಾತ್ರಿಗಳು ಭೂಮಿಗೆ ಮರಳಿ ಬರ್ತಾರಾ? ಎಂಬ ಪ್ರಶ್ನೆಗೆ ನಾಸಾ ಸ್ಪಷ್ಟ ಉತ್ತರ ಕೊಡಲು ತಡವರಿಸಿತ್ತು, ನಾವು ಪ್ರಯತ್ನಿಸುತ್ತಿದ್ದೇವೆ ಎಂದು ಹೇಳುತ್ತಿತ್ತು, ಇದೀಗ ನಾಸಾ ಮಸ್ಕ್‌ನ ಸಹಾಯ ಪಡೆದು ಭೂಮಿಗೆ ಗಗನಯಾತ್ರಿಗಳನ್ನು ಮರಳಿ ತರುವಲ್ಲಿ ಯಶಸ್ವಿಯಾಗಿದೆ.

ಗಗನಯಾತ್ರಿಗಳು ಭೂಮಿಗೆ ಮರಳಿದ್ದಾರೆ, ಅವರ ಮುಖದಲ್ಲಿ ನಗು ಕಂಡಿದ್ದೇವೆ, ಆದರೆ ಅವರ ಸಂಕಷ್ಟ ಇಲ್ಲಿಗೆ ನಿಂತಿಲ್ಲ ಏಕೆಂದರೆ ಭೂಮಿಗೆ ಬಂದ ಈ ಭೂಮಿಗೆ ಒಗ್ಗಿಕೊಳ್ಳಲು ಅವರಿಗೆ ಸಾಕಷ್ಟು ಸಮಯ ಬೇಕಾಗುತ್ತದೆ. ಅವರು ಅನೇಕ ರೀತಿಯ ಆರೋಗ್ಯ ಸಮಸ್ಯೆಯನ್ನು ಎದುರಿಸುವ ಸಾಧ್ಯತೆ ಇದೆ. ಹೀಗಾಗ ಈ ಗಗನಯಾತ್ರಿಗಳನ್ನು ಈ ಚಿಕಿತ್ಸೆಗೆ ಒಳಪಡಿಸಲಾಗುವುದು:

ಗಗನಯಾತ್ರಿಗಳು ತುಂಬಾ ಸಮಯ ಬಾಹ್ಯಾಕಾಶದಲ್ಲಿ ಜೀವಿಸಿದ್ದರೆ ಈ ಆರೋಗ್ಯ ಸಮಸ್ಯೆಗಳನ್ನು ಎದುರಿಸುತ್ತಾರೆ:
ಸ್ನಾಯುಗಳು ದುರ್ಬಲವಾಗುವುದು (Muscle Atrophy ): ಬಾಹ್ಯಾಕಾಶದಲ್ಲಿ ಗುರುತ್ವಾಕರ್ಷಣೆ ಇರಲ್ಲ, ಅಲಲಿ ಮನುಷ್ಯರು, ವಸ್ತುಗಳು ಎಲ್ಲವೂ ತೇಲುತ್ತಾರೆ. ಗಗನಯಾತ್ರಿಗಳು ದೀರ್ಘ ಸಮಯ ಬಾಹ್ಯಾಕಾಶದಲ್ಲಿ ಇರುವಾಗ ಅವರಿಗೆ ತಮ್ಮ ಕಾಲುಗಳ ಮೇಲೆ ನಿಲ್ಲಲು ಸಾಧ್ಯವಾಗಿರುವುದಿಲ್ಲ. ಇವರು ದೀರ್ಘ ಸಮಯ ಬಾಹ್ಯಾಕಾಶದಲ್ಲಿ ಕಳೆದರೆ ಸ್ನಾಯುಗಳು ದುರ್ಬಲವಾಗುವುದು. ಭೂಮಿಗೆ ಮರಳಿದ ತಕ್ಷಣ ನಿಂತುಕೊಳ್ಳಲು ಸಾಧ್ಯವಾಗಲ್ಲ.

ಮುಖದಲ್ಲಿ ಊತ ಕಂಡು ಬರುವುದು: ಭೂಮಿಗೆ ಮರಳಿದ ತಕ್ಷಣ ಭೂಮಿಯ ಗುರುತ್ವಾಕರ್ಷಣೆಗೆ ಹೊಂದಿಕೊಳ್ಳಲು ಕಷ್ಟವಾಗುತ್ತದೆ, ತಕ್ಷಣವೇ ಎದ್ದು ನಿಲ್ಲಲು ಅವರಿಂದ ಸಾಧ್ಯವಾಗುವುದಿಲ್ಲ. ಮೂಳೆಗಳಲ್ಲಿ ನೋವು, ದೇಹದಲ್ಲಿ ನೀರಿನಂಶದಲ್ಲಿ ವ್ಯತ್ಯಾಸ ಈ ಬಗೆಯ ಸಮಸ್ಯೆ ಕಂಡು ಬರುವುದು.

ಅವರ ಹೃದಯ ಬಡಿತದಲ್ಲಿ ವ್ಯತ್ಯಾಸ ಉಂಟಾಗುವುದು: ಗಗನಯಾತ್ರಿಗಳು ಭೂಮಿಗೆ ಮರಳಿದಾಗ ಅವರಿಗೆ ನಿಲ್ಲಲು ಕಷ್ಟವಾಗುವುದು, ನಿಲ್ಲಲು ಪ್ರಯತ್ನಸಿದಾಗ ತಲೆಸುತ್ತು, ಸುಸ್ತು ಕಂಡು ಬರುವುದು, ಅವರ ಹೃದಯದ ಬಡಿತದಲ್ಲಿ ವ್ಯತ್ಯಾಸ ಕಂಡು ಬರುವುದು.

ಕಣ್ಣುಗಳು ಮಂಜಾಗುವುದು: ಗಗನಯಾತ್ರಿಗಳಿಗೆ ದೃಷ್ಟಿದೋಷ ಉಂಟಾಗುವ ಸಾಧ್ಯತೆ ಕೂಡ ಇದೆ, ಅವರಿಗೆ ಕಣ್ಣು ಮಂಜಾದಂತೆ ಅನಿಸಲಾರಂಭಿಸುವುದು.

ಅವರ ಮಾನಸಿಕ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತದೆ: ತುಂಬಾ ಸಮಯ ಬಾಹ್ಯಾಕಾಶದಲ್ಲಿ ಇದ್ದರೆ ಅದು ಅವರ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು.

ಈಗ ಮರಳಿರುವ ಗಗನಯಾತ್ರಿಗಳನ್ನು ಈ ಆರೋಗ್ಯ ಪರೀಕ್ಷೆ ಮಾಡಲಾಗುವುದು?

ಹೃದಯ ಸಂಬಂಧಿ ಪರೀಕ್ಷೆ: ಸ್ವಲ್ಪ ಸಮಯದವರೆಗೆ ಅವರ ಆರೋಗ್ಯದ ಮೇಲೆ ತೀವ್ರ ನಿಗಾ ಇಡಬೇಕಾಗುತ್ತದೆ. ಇವರ ರಕ್ತದೊತ್ತಡವನ್ನು ಪರಿಶೀಲಿಸಲಾಗುವುದು, ಹೃದಯದ ಆರೋಗ್ಯದ ಸ್ಥಿತಿ ತಿಳಿಯಲು ಇಸಿಜಿ, ಎಕೋಗಾರ್ಡಿಯೋಗ್ರಾಮ್‌ ಮುಂತಾದ ಪರೀಕ್ಷೆ ಮಾಡಲಾಗುವುದು.

ಮೂಳೆಗಳ ಆರೋಗ್ಯಕ್ಕೆ ಪರೀಕ್ಷೆ ಮಾಡಲಾಗುವುದು: ಗಗನಯಾತ್ರಿಯನ್ನು ಸಂಪೂರ್ಣ ಆರೋಗ್ಯ ತಪಾಸಣೆ ಮಾಡಲಾಗುವುದು. MRI ಮತ್ತು CT ಸ್ಕ್ಯಾನ್‌ ಕೂಡ ಮಾಡಿಸಲಾಗುವುದು.

ನರಗಳಿಗೆ ಸಂಬಂಧಿಸಿದ ಪರೀಕ್ಷೆ ಮಾಡಲಾಗುವುದು.
ಅವರ ಮಾನಸಿಕ ಆರೋಗ್ಯದ ಮೇಲೆ ಪರೀಕ್ಷೆ ಮಾಡಲಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.