ಕೋವಿಡ್‌ 19ನಿಂದ ಸತ್ತವರಲ್ಲಿ ಶೇ.50ರಷ್ಟು ಧೂಮಪಾನಿಗಳು:WHO

ಧೂಮಪಾನಿಗಳಲ್ಲಿ ಕೋವಿಡ್ ಹಾಗೂ ಇತರ ಕಾಯಿಲೆಯ ಅಪಾಯ ಅಧಿಕ

ವಿಶ್ವ ಆರೋಗ್ಯ ಸಂಸ್ಥೆಯ ಮುಖ್ಯಸ್ಥ ಡಾ ಟೆಡ್ರೊಸ್ ಅಧಾನೊಮ್ ಘೆಬ್ರೆಯೆಸಸ್ ಅವರು ಕೋವಿಡ್‌ 19ನಿಂದ ಕಾಯಿಲೆ ಗಂಭೀರವಾಗಿ ಸಾವನ್ನಪ್ಪಿದವರಲ್ಲಿ ಶೇ. 50ರಷ್ಟು ಧೂಮಪಾನಿಗಳು ಎಂದು ಹೇಳಿದ್ದಾರೆ. ಧೂಮಪಾನ ಬಿಡುವುದರಿಂದ ಕೋವಿಡ್ 19 ಅಪಾಯ ಹಾಗೂ ಇತರ ಕಾಯಿಲೆಗಳನ್ನು ತಡೆಗಟ್ಟಬಹುದು ಎಂದಿದ್ದಾರೆ.

ತಂಬಾಕು ಸೇವನೆಯಿಂದ ಬರುವ ಅನಾರೋಗ್ಯಗಳು

ತಂಬಾಕು ಸೇವನೆ ಮಾಡುವವರಲ್ಲಿ ಕ್ಯಾನ್ಸರ್‌ನಂಥ ಮಾರಕ ರೋಗ ಹೆಚ್ಚಾಗಿ ಕಂಡು ಬರುತ್ತಿದೆ, ಅದಲ್ಲದೆ ಹೃದಯ ಕಾಯಿಲೆ, ಉಸಿರಾಟದ ಸಮಸ್ಯೆ ಮುಂತಾದ ರೋಗ ಕಂಡು ಬರುತ್ತಿದೆ.

ಎಷ್ಟೋ ಜನರು ತಂಬಾಕು,ಧೂಮಪಾನ ಇವುಗಳನ್ನು ಬಿಡಬೇಕೆಂದು ಪ್ರಯತ್ನಿಸುತ್ತಿದ್ದಾರೆ, ಆದರೆ ಕಲಿತ ಚಟ ಅಷ್ಟು ಬೇಗೆ ಬಿಡಲು ಸಾಧ್ಯವಾಗುತ್ತಿಲ್ಲ. ನೀವು ಬಿಡಲೇ ಬೇಕೆಂದು ಬಯಸುತ್ತಿದ್ದರು ಈ ಟಿಪ್ಸ್ ಸಹಾಯಕ್ಕೆ ಬರುತ್ತವೆ...

ಧೂಮಪಾನ ಬಿಡಬೇಕೆಂದು ಬಯಸುವವರಿಗೆ

*ಮೊದಲಿಗೆ ಕಾರಣ ಕಂಡುಕೊಳ್ಳಿ: ಯಾವ ಕಾರಣಕ್ಕೆ ಸಿಗರೇಟ್‌ ಬಿಡಬೇಕೆಂದು ನಿರ್ಧರಿಸಿದ್ದೀರಿ? ಆರೋಗ್ಯಕರ ದೇಹ ಅಥವಾ ಕುಟುಂಬ ಹೀಗೆ ಸಿಗರೇಟ್‌ ಬಿಡಲು ಕಾರಣವೇನೆಂಬುವುದು ನಿಮಗೇ ಸ್ಪಷ್ಟವಾಗಿರಲಿ, ಇಲ್ಲದಿದ್ದರೆ ಬಿಟ್ಟು ಮತ್ತೆ ಪ್ರಾರಂಭಿಸಿಬಹುದು. ಕಾರಣಗಳು ಬಲವಾಗಿದ್ದರೆ ನಿರ್ಧಾರ ಕೂಡ ಬಲವಾಗುವುದು.

*ವೈದ್ಯರ ಸಲಹೆ ಪಡೆಯಿರಿ: ಒಮ್ಮೆ ಧೂಮಪಾನ ಅಭ್ಯಾಸವಾದರೆ ನಿಮ್ಮ ಮೆದುಳು ಆಗಾಗ ನಿಕೋಟಿನ್‌ಗೆ ಬೇಡಿಕೆ ಇಡುವುದರಿಂದ ಬಿಟ್ಟು ಇರಲು ಕಷ್ಟವಾಗುವುದು. ಇದಕ್ಕಾಗಿ ವೈದ್ಯರ ಸಲಹೆ ಪಡೆಯಿರಿ. ಅವರು ನಿಕೋಟಿನ್ ರೀಪ್ಲೇಸ್‌ಮೆಂಟ್‌ ಥೆರಪಿ ತಿಳಿಸಬಹುದು.

* ನಿಮಗೆ ಇಷ್ಟವಾದ ವಿಷಯದ ಕಡೆ ಒಲವು ಹೆಚ್ಚಿಸಿ: ಮನಸ್ಸನ್ನು ಆದಷ್ಟು ಬೇರೆ ಕಡೆ ಬದಲಾಯಿಸಿ, ಸಿಗರೇಟ್‌ ನೆನಪಿಗೆ ಬಾರದಂತೆ ನಿಮಗೆ ಇಷ್ಟವಾದ ಕೆಲಸ ಮಾಡುತ್ತಾ ಇರಿ.

* ಸಿಗರೇಟ್‌ ಆರಂಭದಲ್ಲಿ ಒತ್ತಡದ ಸನ್ನಿವೇಶ ತಪ್ಪಿಸಿ: ಸಿಗರೇಟ್‌ ಬಿಟ್ಟು ಸ್ವಲ್ಪ ಸಮಯದವರೆಗೆ ಮನಸ್ಸು ಸಂತೋಷವಾಗಿರಬೇಕು, ಒತ್ತಡಕ್ಕೆ ಒಳಗಾದರೆ ಮತ್ತೆ ಚಟ ಶುರುವಾಗುವ ಅಪಾಯವಿದೆ.

* ಧೂಮಪಾನ ಬಿಟ್ಟ ಮೇಲೆ ಮದ್ಯದ ಚಟ ಬೇಡ: ಕೆವರು ಧೂಮಪಾನ ಬಿಟ್ಟ ಮೇಲೆ ಮದ್ಯದ ಚಟಕ್ಕೆ ಬೀಳುತ್ತಾರೆ. ಎರಡೂ ಬೇಡ. ಊಟ ಬಳಿಕ ಸಿಗರೇಟ್‌ ಎಳೆಯುವ ಅಭ್ಯಾಸ ಇದ್ದರೆ ಚುಯ್ಯಿಂಗ್‌ ಗಮ್ ಅಗೆಯಿರಿ, ಫ್ರೆಂಡ್ಸ್‌ಗೆ ಕರೆ ಮಾಡಿ ಮಾತನಾಡಿ.

ಹೀಗೆ ಕಠಿಣ ನಿರ್ಧಾರ ಮಾಡಿ ಧೂಮಪಾನಕ್ಕೆ ಹೇಳಿ ಗುಡ್ ಬೈ....