ಲಸಿಕೆ ಪಡೆದವರಲ್ಲಿಯೂ ಕೋವಿಡ್ 19 ಕೇಸ್‌ ಹೆಚ್ಚಾಗಲು ಕಾರಣವೇನು?

ಕೋವಿಡ್‌ 19 ಪಡೆದವರಲ್ಲಿ ಈಗ ಮತ್ತೆ ಕೊರೊನಾ ಕಾಣಿಸಿಕೊಳ್ಳುತ್ತಿರುವುದು ಏಕೆ?

ವಾಷಿಂಗ್ಟನ್‌ನ ಐಹೆಚ್‌ಎಮ್‌ಇ (Institute for Health Metrics and Evaluation)ಪ್ರಕಾರ ಯುರೋಪ್‌ ದೇಶಗಳಲ್ಲಿ ಕೊರೊನಾ ಹೆಚ್ಚುತ್ತಿರಲು ಕಾರಣ ಚಳಿಗಾಲವಾಗಿದೆ ಎಂದು ಹೇಳಿದೆ. ಚಳಿಗಾಲದಲ್ಲಿ ಲಸಿಕೆ ಪಡೆದವರಲ್ಲೂ ರೋಗ ನಿರೋಧಕ ಶಕ್ತಿ ಕಡಿಮೆಯಾಗುತ್ತಿದೆ. ಅಲ್ಲದೆ ಮಾಸ್ಕ್‌ ಬಳಕೆ ಕಡಿಮೆ ಮಾಡಿರುವುದು, ಹೆಚ್ಚಾದ ಜನರ ಓಡಾಟ ಇವೆಲ್ಲಾ ಕೊರೊನಾ ಹೆಚ್ಚಳಕ್ಕೆ ಕಾರಣವಾಗಿದೆ.

ಜನರ ನಿರ್ಲಕ್ಷ್ಯ

ಕೊರೊನಾ ಕೇಸ್‌ಗಳು ಹೆಚ್ಚಾಗುತ್ತಿರಲು ಮತ್ತೊಂದು ಕಾರಣವೇನೆಂದರೆ ಜನರ ನಿರ್ಲಕ್ಷ್ಯ. ಜನರು ಸಾಮಾಜಿಕ ಅಂತರ ಪಾಲಿಸುತ್ತಿಲ್ಲ, ಮಾಸ್ಕ್‌ ಬಳಸುತ್ತಿಲ್ಲ, ಸಾರ್ವಜನಿಕ ಸ್ಥಳಗಳಲ್ಲಿ ಓಡಾಡುವಾಗಲೂ ಮಾಸ್ಕ್‌ ಬಳಸುತ್ತಿಲ್ಲ. ಜನರ ಈ ಬಗೆಯ ನಿರ್ಲಕ್ಷ್ಯ ಕೊರೊನಾ ಹೆಚ್ಚಾಗಲು ಕಾರಣವಾಗಿದೆ.

ಚಳಿಗಾಲ ಬರುತ್ತಿದೆ, ಕೋವಿಡ್ 19 ಬಗ್ಗೆ ಎಚ್ಚರ

ಅಧ್ಯಯನಗಳ ಪ್ರಕಾರ ಚಳಿಗಾಲದಲ್ಲಿ ದೇಹದಲ್ಲಿ ಕೋವಿಡ್ 19 ಲಸಿಕೆಯ ಪರಿಣಾಮ ಕಡಿಮೆಯಾಗುತ್ತಿದೆ. ಆದ್ದರಿಂದ ಲಸಿಕೆ ಪಡೆದಿದ್ದೇವೆ, ಇನ್ನೇನು ತೊಂದರೆಯಿಲ್ಲ ಎಂಬ ನಿರ್ಲಕ್ಷ್ಯ ತೋರಬೇಡಿ. ಈ ಸಮಯದಲ್ಲಿ ಹೊರಗಡೆ ಹೋಗುವಾಗ ಕೋವಿಡ್ 19 ನಿಯಮಗಳನ್ನು ಚಾಚೂ ತಪ್ಪದೆ ಪಾಲಿಸಿ. ಹೊರಗಡೆ ಹೋಗುವಾಗ ಡಬಲ್ ಮಾಸ್ಕ್‌ ಧರಿಸಿ, ಕೈಗಳನ್ನು ಆಗಾಗ ತೊಳೆಯಿರಿ. ಸಾರ್ವಜನಿಕ ಸ್ಥಳಗಳಲ್ಲಿ ಸಾಮಾಜಿಕ ಅಂತರ ಪಾಲಿಸಿ.

2020ಕ್ಕೆ ಹೋಲಿಸಿದರೆ ಕೊರೊನಾ ಪ್ರಕರಣಗಳು ಕಡಿಮೆ ಇವೆ. ಆದರೆ ಕೊರೊನಾದಿಂದ ಸಂಪೂರ್ಣವಾಗಿ ಮುಕ್ತವಾಗಿಲ್ಲ ಎಂಬುವುದನ್ನು ಮರೆಯದಿರಿ.