ಭಾರತದಲ್ಲಿ ಕೋವಿಡ್ 19 ಸೋಂಕಿತರಲ್ಲಿ ಸೈಟೊಮೆಗಾಲೊವೈರಸ್ ಪತ್ತೆ, ಇದರ ಲಕ್ಷಣಗಳೇನು?

ಸೈಟೊಮೆಗಾಲೊವೈರಸ್ ಎಂದರೇನು?

ಸೈಟೊಮೆಗಾಲೊವೈರಸ್ ಅಥವಾ CVM ಎಂಬುವುದು ಸಾಮಾನ್ಯ ವೈರಸ್ ಆಗಿದೆ. ಮಯೋ ಕ್ಲೀನಿಕ್ ಪ್ರಕಾರ ಈ ವೈರಸ್ ಒಮ್ಮೆ ತಗುಲಿದರೆ ಆ ವ್ಯಕ್ತಿಯಲ್ಲಿ ಹಾಗೇ ಉಳಿದುಕೊಳ್ಳುತ್ತದೆ. ಆರೋಗ್ಯವಂತರಿಗೆ ಏನೂ ತೊಂದರೆಯಾಗಲ್ಲ. ಆದರೆ ಯಾರಲ್ಲಿ ರೋಗ ನಿರೋಧಕ ಶಕ್ತಿ ತುಂಬಾ ಕಡಿಮೆ ಇರುತ್ತದೋ ಅವರಿಗೆ ಈ ವೈರಸ್ ಅಪಾಯ ಉಂಟು ಮಾಡುವುದು. ಈ ವೈರಸ್ ಎಂಜಲು, ರಕ್ತ, ಮೂತ್ರ ಅಥವಾ ದೇಹದ ಇತರ ದ್ರವ ಮೂಲಕ ಹರಡುವುದು. ಇದು ಹರ್ಪೀಸ್ ವೈರಸ್‌ ಸಂಬಂಧಿಸಿದ ಒಂದು ವೈರಸ್ ಆಗಿದೆ.

ಲಕ್ಷಣಗಳು

* ಆರೋಗ್ಯಕರ ವ್ಯಕ್ತಿಗೆ ಈ ವೈರಸ್‌ ತಗುಲಿದರೆ ಏನೂ ತೊಂದರೆಯಾಗುವುದಿಲ್ಲ, ಆದ್ದರಿಂದ ಗೊತ್ತೇ ಆಗುವುದಿಲ್ಲ.

* ಈ ವೈರಸ್‌ ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರಲ್ಲಿ ಮೊದಲಿಗೆ ಗಂಟಲು ನೋವು, ಮೈಕೈ ನೋವು, ತಲೆಸುತ್ತು, ಗ್ರಂಥಿಗಳಲ್ಲಿ ಊತ, ಜ್ವರ ಕಂಡು ಬರುವುದು. ಅಲ್ಲದೆ ಈ ವೈರಸ್‌ ಸುಲಭವಾಗಿ ಹರಡುವುದು.

* ಅದೇ ರೋಗ ನಿರೋಧಕ ಶಕ್ತಿ ತುಂಬಾ ಕಡಿಮೆ ಇದ್ದರೆ ಅಂದ್ರೆ ಅಂಗಾಂಗ ಕಸಿ ಮಾಡಿಸಿದವರಿಗೆ, ಗರ್ಭಿಣಿಯರಿಗೆ ಅಪಾಯಕಾರಿ. ಗರ್ಭಿಣಿಯರಿಗೆ ಈ ವೈರಸ್ ತಗುಲಿದರೆ ಮಗುವಿಗೂ ಬರುವ ಸಾಧ್ಯತೆ ಇದೆ.

* ಇದು ಶ್ವಾಸಕೋಶ, ಲಿವರ್, ಅನ್ನನಾಳ, ಹೊಟ್ಟೆ, ಕರುಳು, ಮೆದುಳಿಗೆ ಹಾನಿಯುಂಟು ಮಾಡುವುದು,

ಹೇಗೆ ಬರುತ್ತದೆ?

ಸೋಂಕಿತರ ಎಂಜಲು, ಮೂತ್ರ, ಬೆವರು, ಎದೆ ಹಾಲು, ವೀರ್ಯ, ಜನನಾಂಗದ ದ್ರವ ಇವುಗಳ ಮೂಲಕ ಮತ್ತೊಬ್ಬರಿಗೆ ಹರಡಬಹುದು.

ಪರೀಕ್ಷೆ

* ಇದನ್ನು ರಕ್ತ, ಮೂತ್ರ ಹಾಗೂ ಬಯೋಸ್ಪೈ ಮಾಡುವ ಮೂಲಕ ಪತ್ತೆ ಹಚ್ಚಲಾಗುವುದು.