6 ಭಿನ್ನವಾದ ಕೊರೊನಾವೈರಸ್‌ ಲಕ್ಷಣಗಳಿವು

1. ಫ್ಲೂ ಆದರೆ ಜ್ವರವಿರಲ್ಲ:

ತಲೆನೋವು, ಯಾವುದೇ ವಾಸನೆ ಗ್ರಹಿಸಲು ಸಾಧ್ಯವಾಗದೇ ಇರುವುದು, ಸ್ನಾಯುಗಳಲ್ಲಿ ತುಂಬಾ ನೋವು, ಗಂಟಲಿನಲ್ಲಿ ಕೆರೆತ, ಎದೆನೋವು ಲಕ್ಷಣಗಳಿರುತ್ತವೆ, ಆದರೆ ಜ್ವರವಿರುವುದಿಲ್ಲ.

2. ಜ್ವರ:

ಚಳಿ ಜ್ವರವಿರುತ್ತದೆ, ಯಾವುದೇ ವಾಸನೆ ಮೂಗಿಗೆ ಬಡೆಯುವುದಿಲ್ಲ, ಕೆಮ್ಮು, ಗಂಟಲು ಕೆರೆತ, ಹಸಿವು ಇಲ್ಲದಿರುವುದು, ಧ್ವನಿ ಒರಟಾಗುವುದು

3. ಹೊಟ್ಟೆ ಸಮಸ್ಯೆ:

ತುಂಬಾ ತಲೆನೋವು, ವಾಸನೆ ಗ್ರಹಿಸಲು ಸಾಧ್ಯವಾಗದೇ ಇರುವುದು, ಬೇಧಿ, ಹಸಿವು ಇಲ್ಲದೇ ಇರುವುದು, ಗಂಟಲು ಕೆರೆತ, ಎದೆ ನೋವು ಇರುತ್ತದೆ ಆದರೆ ಕೆಮ್ಮು ಇರುವುದಿಲ್ಲ.

4. ಗಂಭೀರವಾದ ಹಂತ 1, ತಲೆ ಸುತ್ತು:

ತಲೆನೋವು, ಯಾವುದೇ ವಾಸನೆ ಗ್ರಹಿಸಲು ಸಾಧ್ಯವಾಗುವುದಿಲ್ಲ, ಕೆಮ್ಮು ಇರುತ್ತದೆ, ಧ್ವನಿ ಒರಟಾಗುವುದು, ಎದೆನೋವು, ತಲೆಸುತ್ತು. ಈ ರೀತಿಯ ಲಕ್ಷಣಗಳು ಕಂಡು ಬಂದ ರೋಗಿಗೆ ಸ್ವಲ್ಪ ಹೆಚ್ಚಿನ ಆರೈಕೆ ಬೇಕಾಗುವುದು.

5. ಗಂಭೀರ ಹಂತ 2, ಗೊಂದಲ:

ಈ ಹಂತದಲ್ಲಿ ಕೊರೊನಾವೈರಸ್‌ ಸೋಂಕಿದ ರೋಗಿಗೆ ತುಂಬಾ ತಲೆನೋವು ಇರುತ್ತದೆ, ಹೊಟ್ಟೆ ಹಾಳಾಗಿರುತ್ತದೆ, ಕೆಮ್ಮು, ಜ್ವರ, ಗಂಟಲು ಕೆರೆತ, ಎದೆ ಬಿಗಿಯಾಗುವುದು, ಗೊಂದಲು, ಸ್ನಾಯುಗಳಲ್ಲಿ ನೋವು ಈ ಎಲ್ಲಾ ಲಕ್ಷಣಗಳಿರುತ್ತವೆ. ಈ ಹಂತದಲ್ಲಿ ರೋಗಿಗೆ ಎದ್ದು ಓಡಾಡಲು ಕಷ್ಟವಾಗುವುದು.

6. ಗಂಭೀರ ಹಂತ 3, ಹೊಟ್ಟೆನೋವು ಮತ್ತು ಉಸಿರಾಟದ ತೊಂದರೆ:

ತಲೆನೋವು, ವಾಸನೆ ಗ್ರಹಿಸಲು ಸಾಧ್ಯವಾಗದೇ ಇರುವುದು, ಕೆಮ್ಮು, ಜ್ವರ, ಗಂಟಲು ಕೆರೆತ, ಧ್ವನಿಯಲ್ಲಿ ವ್ಯತ್ಯಾಸ, ಎದೆ ಬಿಗಿಯಾಗುವುದು ಅಥವಾ ಎದೆ ನೋವು, ತಲೆಸುತ್ತು, ಗೊಂದಲ, ಸ್ನಾಯುಗಳಲ್ಲಿ ನೋವು, ಉಸಿರಾಟಕ್ಕೆ ತೊಂದರೆ, ಬೇಧಿ, ಕೆಳಹೊಟ್ಟೆ ನೋವು ಇಷ್ಟು ಲಕ್ಷಣಗಳು ಕಂಡು ಬರುತ್ತದೆ. ಈ ರೋಗಿಯ ಆರೋಗ್ಯ ಸ್ಥಿತಿ ತುಂಬಾ ಗಂಭೀರವಾಗುವುದರಿಂದ ICU ಚಿಕಿತ್ಸೆ ಬೇಕಾಗುವುದು.

ಸಲಹೆ: ಕೋವಿಡ್‌ 19 ಗಂಭೀರ ಹಂತಕ್ಕೆ ತಲುಪುವುದು ಮೊದಲಿಗೆ ರೋಗ ಲಕ್ಷಣಗಳನ್ನು ನಿರ್ಲಕ್ಷ್ಯ ಮಾಡುವುದರಿಂದ ಎಂದು ತಜ್ಞರು ಹೇಳುತ್ತಿದ್ದಾರೆ. ಇಲ್ಲಿ ಹೇಳಿರುವ ಲಕ್ಷಣಗಳು ಕಂಡು ಬಂದ ತಕ್ಷಣ ಪರೀಕ್ಷೆ ಮಾಡಿಸಿ ಸೂಕ್ತ ಚಿಕಿತ್ಸೆ ಪಡೆದುಕೊಂಡರೆ ಬೇಗನೆ ಗುಣಮುಖರಾಗಬಹುದು. ಭಯಬಿದ್ದು ಪರೀಕ್ಷೆ ಮಾಡಿಸದೆ ರೋಗ ಗಂಭೀರವಾಗುವವರೆಗೆ ಕಾಯಬೇಡಿ.