ಭಾರತದಲ್ಲಿ ಕೊರೊನಾವೈರಸ್ ಹರಡುವಿಕೆ ತಡೆಯಲು ಪೂಲ್ಡ್ ಟೆಸ್ಟ್‌ ಸಹಕಾರಿ

ಏನಿದು ಪೂಲ್ಡ್ ಟೆಸ್ಟ್?

ಇದರಲ್ಲಿ ಹೆಚ್ಚಿನ ಜನರ ಸ್ವಾಬ್ ಸಂಗ್ರಹಿಸಿ ಒನ್ ರಿಯಲ್ ಟೈಮ್ ಪಾಲಿಮಿಯರ್ಸ್ ಚೈನ್ ರಿಯಾಕ್ಷನ್ (RT-PCR)ನಲ್ಲಿ ಪರೀಕ್ಷೆಗೆ ಒಳಪಡಿಸಲಾಗುವುದು. ಪರೀಕ್ಷೆಗೆ ಒಳ ಪಡಿಸಿದ ಗುಂಪಿನ ರಿಸಲ್ಟ್ ನೆನೆಗಟಿವ್ ಬಂದರೆ ಕೆಲಸ ಸುಲಭವಾಯಿತು. ಒಂದು ವೇಳೆ ಪಾಸಿಟಿವ್ ಬಂದರೆ ಅದರಲ್ಲಿ ಒಬ್ಬೊಬ್ಬರನ್ನೇ ಪರೀಕ್ಷೆಗೆ ಒಳಪಡಿಸಬೇಕಾಗುತ್ತದೆ.

ಈ ಪರೀಕ್ಷೆ ಮಾಡುವುದರಿಂದ ಸಮುದಾಯ ಮಟ್ಟದಲ್ಲಿ ಕೊರೊನಾವೈರಸ್ ಹರಡುವುದನ್ನು ತಡೆಗಟ್ಟಬಹುದು.

ಪೂಲ್ಡ್‌ ಪರೀಕ್ಷೆ ಎಲ್ಲಿ ಮಾಡಬಹುದು?

ಕೋವಿಡ್‌ 19 ಕೇಸ್‌ ಶೇ.5ಕ್ಕಿಂತ ಕಡಿಮೆ ಇರುವ ಪ್ರದೇಶದಲ್ಲಿ ಈ ಪೂಲ್ಡ್ ಟೆಸ್ಟ್ ಸಹಾಯಕ್ಕೆ ಬರುತ್ತದೆ ಎಂದು ICMR ಹೇಳಿದೆ. ಇದರಲ್ಲಿ ಒಂದು ಬಾರಿಗೆ 5 ಜನರ ಸ್ವಾಬ್ ಅಷ್ಟೇ ಪರೀಕ್ಷೆಗೆ ಒಳಪಡಿಸಲಾಗುವುದು. ಹೆಚ್ಚು ಜನರದ್ದು ಬಳಸಿದ್ದರೆ ಕೆಲವೊಮ್ಮೆಸ್ವಲ್ಪ ಕೊರೊನಾಲಕ್ಷಣಗಳಿದ್ದರೆ ಪತ್ತೆಯಾಗದೆ ಹೋಗಬಹುದು.

ಈ ಪರೀಕ್ಷೆಯಿಂದ ಹಣ ಹಾಗೂ ಸಮಯದ ಉಳಿತಾಯವಾಗುವುದು ಹಾಗೂ ಅತೀ ಹೆಚ್ಚು ಜನರನ್ನು ಸ್ಕ್ರೀನಿಂಗ್‌ಗೆ ಒಳಪಡಿಸಬಹುದು.

ಈ ಪರೀಕ್ಷೆಯನ್ನು ದೇಶದಲ್ಲಿ ಎಲ್ಲೆಲ್ಲಿ ಮಾಡಲಾಗಿದೆ?

ಅಂಡಮಾನ್-ನಿಕೋಬಾರ್ ದ್ವೀಪಗಳಲ್ಲಿ ಮಾಡಲಾಗಿತ್ತು. ಅಲ್ಲಿ ಇದುವರೆಗೆ 16 ಕೇಸ್‌ಗಳಷ್ಟೇ ಪತ್ತೆಯಾಗಿವೆ. ನಂತರ ಉತ್ತರ ಪ್ರದೇಶದಲ್ಲಿ ಮಾಡಲಾಯಿತು, ಹರಿಯಾಣ ಕೂಡ ಈ ಪರೀಕ್ಷೆ ಮಾಡಿಸಿದೆ.

ಇತರ ದೇಶಗಳಲ್ಲಿ ಈ ಪರೀಕ್ಷೆ ಯಶಸ್ವಿಯಾಗಿದೆಯೇ?

ಜರ್ಮನಿ ಹಾಗೂ ಇಸ್ಪೇಲ್‌ನಲ್ಲಿ ಪೂಲ್ಡ್ ಪರೀಕ್ಷೆ ಮಾಡಲಾಗಿತ್ತು. ಯೂರೋಪ್‌ನಲ್ಲಿ ಜರ್ಮನಿಯಲ್ಲಿ ಕೋವಿಡ್ 19 ಸಾವಿನ ಪ್ರಮಾಣ ತುಂಬಾ ಕಡಿಮೆ ಇದೆ, ಸ್ಯಾನ್‌ಫ್ರಾನ್ಸಿಸ್ಕೋದಲ್ಲಿ ಕಾಯಿಲೆ ಹರಡುವ ಮುನ್ನವೇ ಈ ರೀತಿ ಪರೀಕ್ಷೆ ನಡೆಸಿ ರೋಗ ಹರಡುವುದನ್ನು ತಡೆಯುವಲ್ಲಿ ಯಶಸ್ವಿಯಾಯಿತು.

ಈ ಪರೀಕ್ಷೆ ಮಾಡಿಸಲು ಇರುವ ಸವಾಲುಗಳೇನು?

ಪೂಲ್ಡ್ ಪರೀಕ್ಷೆ ಅತೀ ಹೆಚ್ಚು ಜನರ ಪರೀಕ್ಷೆ ಅತೀ ಕಡಿಮೆ ಅವಧಿಯಲ್ಲಿ ಮಾಡಲು ಸಹಕಾರಿ. ಆದರೆ ಒಬ್ಬೊಬ್ಬರಿಗೆ ಮಾಡಿಸಿದಷ್ಟು ನಿಖರ ವರದಿ ಈ ಪರೀಕ್ಷೆಯಲ್ಲಿ ಬರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಈ ಪರೀಕ್ಷೆ ನಡೆಸುವ ಮುನ್ನ ಹಾಟ್‌ ಸ್ಪಾಟ್‌ ಹಾಗೂ ಕಡಿಮೆ ಅಪಾಯದ ಸ್ಥಳಗಳನ್ನು ಗುರುತಿಸಬೇಕು. ನಂತರವಷ್ಟೇ ಈ ಪರೀಕ್ಷೆ ಮಾಡಿಸಬೇಕು. ಈಗೀನ ಪರಿಸ್ಥಿತಿಯಲ್ಲಿ ಗ್ರೀನ್‌ ಝೋನ್‌ಗಳು ಹಾಟ್‌ ಸ್ಪಾಟ್‌ಗಳಾಗುತ್ತಿರುವುದರಿಂದ ಇದನ್ನು ಯಾವ ಪ್ರದೇಶದಲ್ಲಿ ಮಾಡಿಸಬೇಕೆಂದು ಸೂಕ್ತ ನಿರ್ಧಾರ ತೆಗೆದುಕೊಳ್ಳಬೇಕಾಗುತ್ತದೆ.

ಸಲಹೆ: ಪೂಲ್ಡ್‌ ಪರೀಕ್ಷೆ ಒಂದೋ-ಎರಡು ಕೇಸ್‌ ಪತ್ತೆಯಾದಲ್ಲಿ ಮಾಡಿದರೆ ಅಲ್ಲಿ ರೋಗ ಹರಡುವುದನ್ನು ತಡೆಗಟ್ಟಲು ಸಹಕಾರಿಯಾಗಿದೆ.