ಒಮಿಕ್ರಾನ್‌ ತಗುಲದಿರಲು ತೆಗೆದುಕೊಳ್ಳಬೇಕಾದ ಸುರಕ್ಷಿತಾ ಕ್ರಮಗಳು

ಒಮಿಕ್ರಾನ್ ಎಂದರೇನು?

ಕೋವಿಡ್‌ 19 ಈ ಹೊಸ ರೂಪಾಂತರ ತಳಿ B.1.1.529 ಮೊದಲಿಗೆ ದಕ್ಷಿಣ ಆಫ್ರಿಕದಲ್ಲಿ ಪತ್ತೆಯಾಯಿತು, ಇದನ್ನು ಒಮಿಕ್ರಾನ್‌ ಎಂದು ಕರೆಯಲಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆ ಹೆಸರಿಟ್ಟಿದೆ. ಒಮಿಕ್ರಾನ್‌ಗೆ ಮೊದಲು ಕಂಡು ಬಂದ ಕೋವಿಡ್ 19 ಡೆಲ್ಟಾ ಆಗಿದೆ.

ಒಮಿಕ್ರಾನ್‌ ಕೋವಿಡ್ 19 ಇತರ ರೂಪಾಂತರಗಳಿಗಿಂತ ತುಂಬಾ ವೇಗವಾಗಿ ಹರಡುವುದು ಎಂಬುವುದಾಗಿ ಆರೋಗ್ಯ ತಜ್ಞರು ಹೇಳುತ್ತಿದ್ದಾರೆ. ಈ ವೈರಸ್‌ ಇದೀಗ ಇಸ್ರೇಲ್‌, ಯುಕೆ, ಬೆಲ್ಜಿಯಂ, ಬೋಟ್ಸ್ವಾನ, ಹಾಂಗ್‌ಕಾಂಕ್‌, ಭಾರತ ಹೀಗೆ ಅನೇಕ ದೇಶಗಳಲ್ಲಿ ಒಮಿಕ್ರಾನ್‌ ಪತ್ತೆಯಾಗಿದೆ.

ಒಮಿಕ್ರಾನ್‌ ನಮ್ಮ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?

ಒಮಿಕ್ರಾನ್‌ ವೈರಸ್‌ ಬಗ್ಗೆ ಹಲವಾರು ಮಾಹಿತಿಗಳು, ಕೆಲವೊಂದು ತಪ್ಪು ಕಲ್ಪನೆಗಳು ಸಾಮಾಜಿಕ ತಾಣದಲ್ಲಿ ಹರಿದಾಡುತ್ತಿವೆ. ಈ ಒಮಿಕ್ರಾನ್‌ ವೇಗವಾಗಿ ಹರುಡುತ್ತಿದ್ದರೂ ಒಮಿಕ್ರಾನ್‌ ಲಸಿಕೆ ಪಡೆದವರ ಮೇಲೆ ತುಂಬಾ ಗಂಭೀರ ಪರಿಣಾಮ ಬೀರುತ್ತಿಲ್ಲ. ಒಮಿಕ್ರಾನ್‌ ತಗುಲಿ ಆಸ್ಪತ್ರೆಗೆ ದಾಖಲಾಗುತ್ತಿರುವವರಲ್ಲಿ ಲಸಿಕೆ ಪಡೆಯದವರ ಸಂಖ್ಯೆ ಹೆಚ್ಚಿದೆ.

ಒಮಿಕ್ರಾನ್ ಡೆಲ್ಟಾ ರೂಪಾಂತರಕ್ಕಿಂತ ಹೇಗೆ ಭಿನ್ನವಾಗಿದೆ?

ಕೋವಿಡ್‌ 19 ಡೆಲ್ಟಾ ರೂಪಾಂತರ ಮೊದಲಿಗೆ ಭಾರತದಲ್ಲಿ ಪತ್ತೆಯಾಯಿತು. ಭಾರತದಲ್ಲಿ ಎರಡನೇ ಅಲೆ ಉಂಟಾಗಲು ಕಾರಣವಾಗಿದ್ದೇ ಈ ಡೆಲ್ಟಾ ರೂಪಾಂತರ. ಅಧ್ಯಯನಗಳ ಪ್ರಕಾರ ಒಮಿಕ್ರಾನ್‌ ರೂಪಾಂತರ ಡೆಲ್ಟಾಗಿಂತ 6 ಪಟ್ಟು ಹೆಚ್ಚು ವೇಗವಾಗಿ ಹರಡುವುದು ಎಂಬುವುದು ತಿಳಿದು ಬಂದಿದೆ.

ಡೆಲ್ಟಾ ರೂಪಾಂತರ ತುಂಬಾ ಜನರಿಗೆ ತಗುಲಿತ್ತು ಹಾಗೂ ಈ ವೈರಸ್‌ ತುಂಬಾ ಜನರ ಸಾವಿಗೆ ಕಾರಣವಾಗಿದೆ. ಆದರೆ ಈಗ ಬಂದಿರುವ ಒಮಿಕ್ರಾನ್‌ ವೇಗವಾಗಿ ಹರಡುತ್ತಿದ್ದಾರೂ ಡೆಲ್ಟಾ ರೀತಿಯಲ್ಲಿ ಸಾವಿಗೆ ಕಾರಣವಾಗಿಲ್ಲ. ಆದರೆ ಈ ವೈರಸ್‌ ಬಗ್ಗೆ ಮತ್ತಷ್ಟು ವಿವರವಾಗಿ ತಿಳಿಯಲು ಇನ್ನಷ್ಟು ಅಧ್ಯಯನಗಳು ನಡೆಯಬೇಕಾಗಿದೆ.

ಒಮಿಕ್ರಾನ್‌ ಲಕ್ಷಣಗಳೇನು?

* ಒಮಿಕ್ರಾನ್‌ ಲಕ್ಷಣಗಳು ಇತರ ಕೋವಿಡ್‌ 19ಗಿಂತ ಭಿನ್ನವಾಗಿಲ್ಲ, ಈ ಹಿಂದೆ ಕೋವಿಡ್‌ 19 ಲಕ್ಷಣಗಳೇ ಈ ವೈರಸ್‌ ತಗುಲಿದಾಗಲೂ ಕಂಡು ಬರುವುದು.

ಈ ವೈರಸ್‌ ತಗುಲಿದಾಗ ಕಂಡು ಬರುವ ಸಾಮಾನ್ಯ ಲಕ್ಷಣಗಳೆಂದರೆ

* ಜ್ವರ

* ಸುಸ್ತು

* ಗ್ರಹಿಸುವ ಸಮಸ್ಯೆ ಇಲ್ಲವಾಗುವುದು

* ಉಸಿರಾಟದಲ್ಲಿ ತೊಂದರೆ

* ಎದೆ ನೋವು

* ರುಚಿ ಇಲ್ಲದಿರುವದು

* ಗಂಟಲಿನಲ್ಲಿ ಕೆರೆತ

* ಕೆಮ್ಮು

* ಹೊಟ್ಟೆ ನೋವು

* ಬೇಧಿ

ಒಮಿಕ್ರಾನ್‌ ವೈರಸ್‌ ಮತ್ತೆಗೆ ಯಾವ ಪರೀಕ್ಷೆ ಮಾಡಲಾಗುವುದು?

* ಒಮಿಕ್ರಾನ್‌ ವೈರಸ್‌ ಅನ್ನು RT- PCR ಮೂಲಕ ಪತ್ತೆ ಮಾಡಲಾಗುವುದು. ಈ ಪರೀಕ್ಷೆಯಲ್ಲಿದೆ ಈ ವೈರಸ್‌ ಪತ್ತೆಗೆ ಇನ್ನೇನಾದರೂ ಮಾರ್ಗಗಳಿವೆಯೇ ಎಂಬುವುದರ ಬಗ್ಗೆಯೂ ಅಧ್ಯಯನಗಳು ನಡೆಯುತ್ತಿವೆ.

ಒಮಿಕ್ರಾನ್‌ ಹರಡುವುದನ್ನು ತಡೆಗಟ್ಟುವುದು ಹೇಗೆ? ಒಮಿಕ್ರಾನ್‌ ತಗುಲಿದಿರಲು ಏನು ಮಾಡಬೇಕು?

ವಿಜ್ಞಾನಿಗಳು ಈ ವೈರಸ್‌ ವೇಗವಾಗಿ ಹರಡುವುದು ಹಾಗೂ ಡೆಲ್ಟಾ ವೈರಸ್‌ನಷ್ಟು ಅಪಾಯಕಾರಿಯಲ್ಲ ಎಂದು ಹೇಳಿದ್ದಾರೆ. ಈ ವೈರಸ್‌ ಹರಡದಿರಲು ಈ ನಿಯಮಗಳನ್ನು ಪಾಲಿಸುವುದು ಒಳ್ಳೆಯದು:

* ಎರಡು ಲಸಿಕೆ ಪಡೆಯಿರಿ (ನೀವು ಒಂದೂ ಡೊಸ್‌ ಕೂಡ ಪಡೆದಿಲ್ಲ ಎಂದಾದರೆ ಕೂಡಲೇ ಪಡೆಯಿರಿ)

* ಹೊರಗಡೆ ಹೋಗುವಾಗ ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ.

* ಜನರ ಗುಂಪು ಇರುವ ಕಡೆ ಓಡಾಡಬೇಡಿ.

* ಮನೆಯಿಂದ ಹೊರಗಡೆ ಹೋಗುವಾಗ ಮಾಸ್ಕ್‌ ಧರಿಸಿ. ಅದರಲ್ಲೂ ಡಬಲ್‌ ಮಾಸ್ಕ್‌ ಧರಿಸಿ.

* ಸ್ವಚ್ಛತೆ ಕಡೆ ಗಮನ ನೀಡಿ, ಕೈಗಳಿಗೆ ಆಗಾಗ ಸೋಪ್‌ ಹಾಕಿ ತೊಳೆಯಿರಿ.

* ಅನಾರೋಗ್ಯದ ಲಕ್ಷಣಗಳನ್ನು ಕಡೆಗಣಿಸಬೇಡಿ (ಜ್ವರ, ಸುಸ್ತು, ಗಂಟಲು ಕೆರೆತ)

ಕೊನೆಯದಾಗಿ: ಈ ವೈರಸ್‌ ಕಡೆಗಣಿಸಬೇಡಿ, 2ನೇ ಅಲೆ ಬಂದಾಗ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಂಡಂತೆ ಈ ಬಾರಿ ಸಾಕಷ್ಟು ಮುನ್ನೆಚ್ಚರಿಕೆವಹಿಸಿ. ಮುಖ್ಯವಾಗಿ ಜನರು ಗುಂಪು ಸೇರಿರುವ ಕಡೆ ಹೋಗಬೇಡಿ. ಮಾಸ್ಕ್‌ ಕಡ್ಡಾಯವಾಗಿ ಧರಿಸಿ. ಮಾಸ್ಕ್‌ ಧರಿಸಿ ಗಲ್ಲದಲ್ಲಿಟ್ಟು ಓಡಾಡಬೇಡಿ. ಸರಿಯಾದ ರೀತಿಯಲ್ಲಿ ಮಾಸ್ಕ್ ಧರಿಸಿ.