ಬಂದಿದೆ ಒಮಿಕ್ರಾನ್‌ ಹೊಸ ತಳಿ: ಹಬ್ಬದ ಸಮಯದಲ್ಲಿ ವಹಿಸಿ ಎಚ್ಚರ!

ಒಮಿಕ್ರಾನ್‌ ಹೊಸ ರೂಪಾಂತರ:

ಒಮಿಕ್ರಾನ್ ಹೊಸ ರೂಪಾಂತರವನ್ನು BA.5.1.7 ಮತ್ತು BF.7 ಎಂದು ಗುರುತಿಸಲಾಗಿದೆ. ಇದು ಮೊದಲಿಗೆ ಚೈನಾದ ಮಂಗೋಲಿಯಾದಲ್ಲಿ ಕಂಡು ಬಂದಿದ್ದು ಇದೀಗ ವಿಶ್ವದ ವಿವಿಧ ಬಾಗಗಳಲ್ಲಿ ಕಂಡು ಬರುತ್ತಿದೆ. ಭಾರತದಲ್ಲಿ ಈ ತಳಿಯನ್ನು ಮೊದಲಿಗೆ ಗುಜರಾತ್‌ ಬಯೋಟೆಕ್ನೋಲಾಜಿ ರಿಸರ್ಚ್ ಸೆಂಟರ್‌ನಲ್ಲಿ ಕಂಡು ಹಿಡಿಯಲಾಯಿತು.

ಹಬ್ಬದ ಸಮಯದಲ್ಲಿ ಎಚ್ಚರ

ಹಬ್ಬದ ಸಮಯದಲ್ಲಿ ನಾವು ಹೆಚ್ಚು ಓಡಾಡುತ್ತೇವೆ, ನೆಂಟರಿಷ್ಟರ ಮನೆಗಳಿಗೆ ಹೋಗುತ್ತೇವೆ, ಹೀಗೆ ಹೊರಗಡೆ ಹೋಗುವಾಗ ಮಾಸ್ಕ್ ಧರಿಸುವಂತೆ ತಜ್ಞರು ಎಚ್ಚರಿಸಿದ್ದಾರೆ. ಇನ್ನು ರೋಗ ಲಕ್ಷಣಗಳು ಕಂಡು ಬಂದರೆ ಮನೆಯಲ್ಲಿಯೇ ಐಸೋಲೇಟ್‌ ಆಗಬೇಕು. ಮಕ್ಕಳು, ವಯಸ್ಸಾದವರು, ಕ್ಯಾನ್ಸರ್ ರೋಗಿಗಳು, ರೋಗ ನಿರೋಧಶಕ್ತಿ ಕಡಿಮೆ ಇರುವವರು ತುಂಬಾನೇ ಜಾಗ್ರತೆವಹಿಸಬೇಕಾಗಿದೆ.

BA.5.1.7 ಮತ್ತು BF.7 ತುಂಬಾ ಬೇಗನೆ ಹರಡುತ್ತಿದೆ

ಈ ಹೊಸ ತಳಿ ಇತರ ಕೊರೊನಾ ಉಪತಳಿಗಳಿಗಿಂತ ತುಂಬಾನೇ ವೇಗವಾಗಿ ಹರಡುವುದು. ಈ ವೈರಸ್‌ ಕೊರೊನಾ ಲಸಿಕೆ ಪಡೆದವರಲ್ಲೂ ಕಂಡು ಬರುವ ಸಾಧ್ಯತೆ ಇದೆ.

BA.5.1.7 ಮತ್ತು BF.7 ಲಕ್ಷಣಗಳು

ಈ ಕೊರೊನಾ ಲಕ್ಷಣಗಳು ಇತರ ಕೊರೊನಾ ಲಕ್ಷಣಗಳಿಗಿಂತ ತುಂಬಾ ಭಿನ್ನವಾಗಿಯೇನೂ ಇಲ್ಲ. ಆದರೆ ಕೆಲವರು ಇದರಿಂದ ಸೋಂಕು ತುಂಬಾನೇ ಇರುತ್ತದೆ ಎಂದು ಹೇಳಲಾಗುವುದು, ಆದರೆ ಇದರ ಬಗ್ಗೆ ಇನ್ನೂ ಖಚಿತ ಮಾಹಿತಿಯಿಲ್ಲ, ಈ ಕುರಿತು ಅಧ್ಯಯನಗಳು ನಡೆಯುತ್ತಿದ್ದು ಇನ್ನಷ್ಟೇ ತಿಳಿಯಬೇಕಾಗಿದೆ.

ದೀಪಾವಳಿಗೆ ಈ ಮುನ್ನೆಚ್ಚರಿಕೆವಹಿಸಿ

* ತುಂಬಾ ಗುಂಪು ಇರುವ ಕಡೆ ಸೇರಬೇಡಿ

* ಹೊರಗಡೆ ಹೋಗುವಾಗ ಮಾಸ್ಕ್‌ ಧರಿಸಿ.

ಯಾವುದೇ ಆತಂಕ ಬೇಡ, ಆದರೆ ಎಚ್ಚರವಾಗಿರಿ.