ಅಧ್ಯಯನ ವರದಿ: 30 ಸೆಕೆಂಡ್‌ನಲ್ಲಿ‌ ಕೊರೊನಾವೈರಸ್ ಕೊಲ್ಲುತ್ತೆ ಮೌತ್‌ವಾಶ್‌

30 ಸೆಕೆಂಡ್‌ ಕೊರೊನಾವೈರಸ್ ಕೊಲ್ಲುವ ಮೌತ್‌ವಾಶ್

ಲ್ಯಾಬ್‌ ಪರೀಕ್ಷೆಯಲ್ಲಿ ಕೊರೊನಾವೈರಸ್‌ 30 ಸೆಕೆಂಡ್‌ನಲ್ಲಿ ಕೊರೊನಾವೈರಸ್‌ ಕೊಲ್ಲುವ ಸಾಮಾರ್ಥ್ಯ ಹೊಂದಿದೆ ಎಂದು ತಿಳಿದು ಬಂದಿದೆ. Cardiff University ನಡೆಸಿದ ಸಂಶೋಧನೆಯಲ್ಲಿ ಈ ಅಂಶ ಬೆಳಕಿಗೆ ಬಂದಿದೆ. ಮೌತ್‌ವಾಶ್‌ನಲ್ಲಿ ಶೇ,. 0.07 ಸಿಪಿಸಿ (cetypyridinium chloride) ಅಂಶವಿದ್ದು ಇದು ಕೊರೊನಾವೈರಸ್ ವಿರುದ್ಧ ಹೋರಾಡುವಲ್ಲಿ ಶಕ್ತವಾಗಿದೆ.

ಎಂಜಲಿನಲ್ಲಿರುವ ಕೊರೊನಾವೈರಸ್ ಕೊಲ್ಲುವ ಮೌತ್‌ವಾಶ್

ಕಾರ್ಡಿಫ್‌ನ ವೇಲ್ಸ್‌ನಲ್ಲಿರುವ ಯೂನಿವರ್ಸಿಟಿ ಆಸ್ಪತ್ರೆಯಲ್ಲಿ ನಡೆಸಿದ ಕ್ಲಿನಿಕಲ್ ಅಧ್ಯಯನದಲ್ಲಿ ಕೊರೊನಾ ಸೋಂಕಿತರು ಮೌತ್‌ವಾಶ್‌ ಬಳಸಿದ ಬಳಿಕ ಅವರ ಸಲೈವಾ(ಎಂಜಲು)ನಲ್ಲಿ ಕೊರೊನಾವೈರಸ್‌ ನಾಶವಾಗಿರುವುದಾಗಿ 2020ರಲ್ಲಿ ನಡೆಸಿದ ಅಧ್ಯಯನ ವರದಿ ಹೇಳಿದೆ. 12 ವಾರಗಳವರೆಗೆ ಈ ಅಧ್ಯಯನ ನಡೆಸಲಾಗಿತ್ತು.

2021ರಲ್ಲಿ ಫಲಿತಾಂಶದ ವರದಿ ಪ್ರಕಟ

ಮೌತ್‌ವಾಶ್‌ ಬಾಯಲ್ಲಿರುವ ಕೊರೊನಾವೈರಸ್ ಕೊಲ್ಲಲು ಹೇಗೆ ಸಹಕಾರಿ ಎಂಬ ಅಧ್ಯಯನ ನಡೆಸುತ್ತಿದ್ದು ಇದರ ಕುರಿತ ಹೆಚ್ಚಿನ ಮಾಹಿತಿ 2021ರ ಆರಂಭದಲ್ಲಿಯೇ ಪ್ರಕಟವಾಗಲಿದೆ ಎಂದು ಕಾರ್ಡಿಫ್‌ ಯೂನಿರ್ವಸಿಟಿಯ ಪ್ರೊಫೆಸರ್ ಡೇವಿಡ್ ಥೋಮಸ್ ತಿಳಿಸಿದ್ದಾರೆ.

ಸ್ಯಾನಿಟೈಸರ್‌ನಂತೆಯೇ ಮೌತ್‌ವಾಶ್‌ ಕೊರೊನಾಕೊಲ್ಲಲು ಸಹಕಾರಿ

ಕೊರೊನಾವೈರಸ್‌ ನಮ್ಮ ಮೂಗು ಹಾಗೂ ಬಾಯಿಯ ಮೂಲಕ ದೇಹವನ್ನು ಸೇರುತ್ತದೆ. ಆಗಾಗ ಕೈಗೆ ಸ್ಯಾನಿಟೈಸರ್ ಹಚ್ಚುವುದು ಅಥವಾ ಸೋಪು ಹಚ್ಚಿ ತೊಳೆಯುವುದರಿಂದ ಕೊರೊನಾವೈರಸ್‌ ತಡೆಯುವ ಒಂದು ಮಾರ್ಗವಾದರೆ ಮೌತ್‌ವಾಶ್‌ ಬಳಸುವ ಮೂಲಕ ಬಾಯಿಯ ಸ್ವಚ್ಛತೆ ಕಾಪಾಡುವುದು ಮತ್ತೊಂದು ಮಾರ್ಗವಾಗಿದೆ.

ಹೊರಗಡೆ ಹೋಗುವಾಗ ಸಾಮಾಜಿಕ ಅಂತರ ಮರೆಯದಿರಿ.