Lassa Fever: ಲಸ್ಸಾ ಜ್ವರದಿಂದ ಮೊದಲ ಸಾವು: ಈ ಜ್ವರ ಹೇಗೆ ಬರುತ್ತದೆ, ಲಕ್ಷಣಗಳೇನು?

ಲಸ್ಸ ವೈರಸ್

ಲಸ್ಸ ಜ್ವರಕ್ಕೆ ಕಾರಣ ಇಬೋಲಾ ಮತ್ತು ಮಾರ್ಬರ್ಗ್ ಕುಟುಂಬಕ್ಕೆ ಸೇರಿದ ವೈರಸ್‌ಗಳಾಗಿವೆ. ಆದರೆ ಇದರಲ್ಲಿ ಸಾವು ಸಂಭವಿಸುವುದು ಕಡಿಮೆ. ಇದು ಮೊದಲಿಗೆ ನೈಜೇರಿಯಾದ ಲಸ್ಸದಲ್ಲಿ ಪತ್ತೆಯಾಗಿರುವುದರಿಂದ ಇದಕ್ಕೆ ಲಸ್ಸ ಜ್ವರ ಎಂದು ಹೆಸರಿಡಲಾಗಿದೆ. ಈ ವೈರಸ್ ಮೊದಲಿಗೆ 1969ರಲ್ಲಿ ಕಂಡು ಬಂದಿತ್ತು. ಯುಕೆಯ ಪಬ್ಲಿಕ್ ಹೆಲ್ತ್‌ ಬಾಡಿ ಹೆಲ್ತ್‌ ಸೆಕ್ಯೂರಿಟಿ ಏಜೆನ್ಸಿ 'ಈ ಕುಟುಂಬದ ಸಂಪರ್ಕಕ್ಕೆ ಬಂದವರನ್ನು ಟ್ರೇಸ್‌ ಮಾಡಿ ಅವಶ್ಯಕ ಸಹಾಯ ಹಾಗೂ ಸಲಹೆ ನೀಡಲಾಗುವುದು' ಎಂದು ಹೇಳಿದೆ.

ಇನ್ನಿಬ್ಬರಲ್ಲಿ ಒಬ್ಬರು ಗುಣಮುಖರಾಗಿದ್ದು ಮತ್ತೊಬ್ಬರಿಗೆ ಪರಿಣಿತರು ಚಿಕಿತ್ಸೆ ನೀಡುತ್ತಿದ್ದಾರೆ ಎಂದು ಯುಕೆಯ ಪಬ್ಲಿಕ್ ಹೆಲ್ತ್‌ ಬಾಡಿ ಹೇಳಿದೆ.

ಲಸ್ಸ ಜ್ವರ ಎಂದರೇನು?

ಲಾಸ ವೈರಸ್‌ ಮೊದಲಿಗೆ ನೈಜೇರಿಯಾದ ಲಸ್ಸಾದಲ್ಲಿ 1969ರಲ್ಲಿ ಕಂಡು ಬಂದಿತು. ಇದು ಇಲಿಗಳಿಂದ ಹರಡುವುದು ಇದು ಸಾಂಕ್ರಾಮಿಕವಲ್ಲ. ಸೋಂಕು ಇರುವ ಇಲಿ ಮೂತ್ರ ಮಾಡಿದ ಆಹಾರವನ್ನು ಅಥವಾ ವಸ್ತುವನ್ನು ಮುಟ್ಟಿದಾಗ ಮನುಷ್ಯರಿಗೆ ಬರುತ್ತದೆ ಅಥವಾ ಸೋಂಕು ತಗುಲಿದ ವ್ಯಕ್ತಿಯ ದೇಹದ ದ್ರವದಿಂದಲೂ ಹರಡುವುದು. ಅರೋಗ್ಯ ಇಲಾಖೆಗಳಲ್ಲಿ ಇದು ಒಬ್ಬರಿಂದ ಒಬ್ಬರಿಗೆ ಹರಡುವುದು.

ಲಸ್ಸ ವೈರಸ್ ಲಕ್ಷಣಗಳೇನು?

ಚಿಕ್ಕದಾಗಿ ಜ್ವರ, ತಲೆಸುತ್ತು, ಸುಸ್ತು, ತಲೆನೋವು ಈ ಲಕ್ಷಣಗಳು ಕಂಡು ಬರುವುದು. ಕಾಯಿಲೆ ಅಧಿಕವಾದರೆ ರಕ್ತಸ್ರಾವ, ಉಸಿರಾಟದ ತೊಂದರೆ, ವಾಂತಿ, ಮುಖದಲ್ಲಿ ಊತ, ಎದೆ ನೋವು, ಬೆನ್ನು , ಕಿಟ್ಟೊಬ್ಬೆಯಲ್ಲಿ ನೋವು ಉಂಟಾಗುವುದು. ಈ ಸೋಂಕು ತಗುಲಿ 1-3 ವಾರಗಳಲ್ಲಿ ರೋಗ ಲಕ್ಷನಗಳು ಕಂಡು ಬರುವುದು.ಕೆಲವರಿಗೆಕಿವಿ ಕೇಳಿಸದಂತಾಗುವುದು, ಕಾಯಿಲೆಯಿಂದ ಗುಣಮುಖರಾದ ಕಿವಿ ಕೇಳಿಸದೇ ಉಳಿಯಬಹುದು.

ಲಸ್ಸಾ ವೈರಸ್ ಎಷ್ಟು ಅಪಾಯಕಾರಿ?

ಕಾಯಿಲೆಯ ಲಕ್ಷಣಗಳು ಗಂಭೀರವಾಗಿರುತ್ತೆ, ಆದರೆ ಶೇ. 99ರಷ್ಟು ಜನ ಗುಣಮುಖರಾಗುತ್ತಾರೆ, ಇದರಲ್ಲಿ ಸಾವಿನ ಸಂಖ್ಯೆ ಶೇ.1ರಷ್ಟಿದೆ.

ಇದನ್ನು ತಡೆಗಟ್ಟುವುದು ಹೇಗೆ?

ಇಲಿಗಳ ಸಂಪರ್ಕಕ್ಕೆ ಬಬರಬಾರದು, ಇಲಿಗಳು ಮನೆಗೆ ಬರುವುದನ್ನು ತಡೆಗಟ್ಟಿ, ಆಹಾರವನ್ನು ಇಲಿ ಬಾಯಿ ಹಾಕದಂಥ ಪಾತ್ರೆಯಲ್ಲಿಡಿ. ಇಲಿಗಳಿಂದಲೇ ಈ ಕಾಯಿಲೆ ಹರಡುವುದು, ಆದ್ದರಿಂದ ಇಲಿಗಳು ಮನೆಗೆ ಬಾರದಂತೆ ಸೂಕ್ತ ವ್ಯವಸ್ಥೆ ಮಾಡಿ.