FabiSpray: ಕೊರೊನಾ ರೋಗಿಗಳನ್ನು ಬೇಗನೆ ಗುಣಪಡಿಸುತ್ತೆ ಈ ನಾಸಲ್ ಸ್ಪ್ರೇ, ಬೆಲೆಯೆಷ್ಟು?

ಕೋವಿಡ್ 19 ನಾಸಲ್ ಸ್ಪ್ರೇ

ಕೊರೊನಾವೈರಸ್‌ ಮೂಗಿಗೆ ತಲುಪುತ್ತಿದ್ದಂತೆ ಅದನ್ನು ಕೊಲ್ಲಲು ಈ ನಾಸಲ್ ಸ್ಪ್ರೇ ಬಳಸಲಾಗುವುದು. ಈ ನಾಸಲ್‌ ಸ್ಪ್ರೇಯನ್ನು ದೊಡ್ಡವರಿಗೆ ಮಾತ್ರ ಬಳಸಲಾಗುತ್ತಿದೆ. ಯಾರಿಗೆ ಕೊರೊನಾ ಲಕ್ಷಣಗಳು ಹೆಚ್ಚಾಗುವ ಸಾಧ್ಯತೆ ಇದೆಯೋ ಅದನ್ನು ತಡೆಗಟ್ಟಲು ಈ ನಾಸಲ್‌ ಸ್ಪ್ರೇ ಬಳಸಲಾಗುವುದು.

ಕೋವಿಡ್ 19 ನಾಸಲ್ ಸ್ಪ್ರೇ ಹೆಸರೇನು?

ಗ್ಲೆನ್‌ಮಾರ್ಕ್ ಫಾರ್ಮಾಸ್ಯುಟಿಕಲ್ಸ್ ಲಿಮಿಟೆಡ್ ಹಾಗೂ ಕೆನಡಾದ ಔಷಧೀಯ ಕಂಪನಿ ಸ್ಯಾನೋಟೈಜ್ ಜೊತೆಯಾಗಿ ಸಂಶೋಧನೆ ನಡೆಸಿ ಈ ಸ್ಪ್ರೇ ಕಂಡು ಹಿಡಿಯಲಾಗಿದೆ ಇದಕ್ಕೆ ಭಾರತದಲ್ಲಿ ಫೆಬಿಸ್ಪ್ರೇ (FabiSpray) ಎಂದು ಹೆಸರಿಡಲಾಗಿದೆ. ಗ್ಲೆನ್‌ಮಾರ್ಕ್‌ ಕಂಪನಿಗೆ ತಯಾರಿಕೆಗೆ ಹಾಗೂ ಮಾರ್ಕೆಟಿಂಗ್‌ಗೆ ಡ್ರಗ್‌ ಕಂಟ್ರೋಲರ್‌ ಜನರಲ್‌ ಆಫ್‌ ಇಂಡಿಯಾ ಅನುಮತಿ ನೀಡಿತ್ತು.

ಫೆಬಿಸ್ಪ್ರೇ ಬೆಲೆಯಷ್ಟು?

25 ml ಯೂನಿಟ್ ಸ್ಪ್ರೇಗೆ ರೂ. 850 ಇದೆ. ಇದನ್ನು ಖರೀದಿಸಬೇಕಾದರೆ ವೈದ್ಯರಿಂದ ಪ್ರಿಸ್ಕ್ರಿಪ್ಷನ್ ಬೇಕು.

ಈ ಸ್ಪ್ರೇ ಕ್ಲಿನಿಕಲ್ ಟ್ರಯಲ್ ಆಗಿದೆ

ಇದನ್ನು ಮೂರು ಕ್ಲಿನಿಕಲ್ ಟ್ರಯಲ್‌ಗೆ ಒಳಪಡಿಸಲಾಗಿದೆ. 306 ವಯಸ್ಕ ಕೋವಿಡ್‌ ರೋಗಿಗಳಿಗೆ ಭಾರತದ 20 ಕ್ಲಿನಿಕಲ್‌ ಸೈಟ್‌ಗಳಲ್ಲಿ ನೀಡಲಾಗಿತ್ತು. ಈ ಟ್ರಯಲ್‌ ಅನ್ನು ಆಗಸ್ಟ್ 2021-ಜನವರಿ 2022 ನಡುವೆ ನಡೆಸಲಾಯಿತು. ಆಸ್ಪತ್ರೆಗೆ ದಾಖಲಾಗದ ಹೋಂ ಐಸೋಲೇಷನ್‌ನಲ್ಲಿದ್ದು ಟ್ರೀಟ್ಮೆಂಟ್ ತೆಗೆದುಕೊಳ್ಳುವವರು ಇದನ್ನು ಪಡೆಯಬಹುದಾಗಿದೆ.

ಫೆಬಿಸ್ಪ್ರೇ ಎಷ್ಟು ಪರಿಣಾಮಕಾರಿ?

ಕೋವಿಡ್‌ 19 ರೋಗಿಗಳಲ್ಲಿ ಯಾರಿಗೆ ರೋಗ ಲಕ್ಷಣಗಳು ಉಲ್ಬಣವಾಗುವ ಸಾಧ್ಯತೆ ಇದೆಯೋ ಅಮದ್ರೆ ಲಸಿಕೆ ಪಡೆಯದಿರುವವರಿಗೆ, ವಯಸ್ಸಾದವರಿಗೆ, ಮಧ್ಯವಯಸಕರಿಗೆ ಅಥವಾ ಇತರ ಆರೋಗ್ಯ ಸಮಸ್ಯೆ ಇರುವವರಿಗೆ ಕಾಯಿಲೆ ಹೆಚ್ಚಾಗದಿರಲು ಈ ಸ್ಪ್ರೇ ಬಳಸಲಾಗುವುದು. ಈ ನಾಸಲ್‌ ಸ್ಪ್ರೇ ಚಿಕಿತ್ಸೆ ಜೊತೆಗೆ ರೋಗಿಗೆ ಸ್ಯಾಂಡರ್ಡ್ ಅರೈಕೆಯೂ ಬೇಕಾಗುವುದು.

ಅಧ್ಯಯನಗಳನ್ನು ನಡೆಸಿದಾಗ ಯಾರು ನಾಸಲ್‌ ಸ್ಪ್ರೇ ಬಳಸಿದ್ದಾರೋ ಅವರು ಇತರ ಕೋವಿಡ್ 19 ರೋಗಿಗಳಿಗಿಂತ ಬೇಗನೆ ಚೇತರಿಸಿಕೊಂಡಿರುವುದು ತಿಳಿದು ಬಂತು. ಸಂಶೋಧಕರ ಪ್ರಕಾರ ನಾಸಲ್‌ ಸ್ಪ್ರೇ ಹಾಕಿದರೆ ವೈರಸ್‌ ಶೇ. 94ರಷ್ಟು 24 ಗಂಟೆಗಳಲ್ಲಿ ಕಡಿಮೆಯಾಗುವುದು, ಶೇ. 98ರಷ್ಟು 48 ಗಂಟೆಗಳಲ್ಲಿ ಕಡಿಮೆಯಾಗುವುದು.

ಈ ಸ್ಪ್ರೇ ಬಳಸಿದರೆ ನಾಲ್ಕು ದಿನಗಳಲ್ಲಿಕೊರೊನಾ ವೈರಸ್‌ ನಾಶವಾಗುವುದು, ಇದು ಬಳಸದವರಲ್ಲಿ 8 ದಿನಗಳು ಬೇಕಾಗುವುದು. ಇದನ್ನು ಬಳಸಿದರೆ ರೋಗ ಗಂಭೀರವಾಗುವುದನ್ನು ತಡೆಗಟ್ಟಲು ಸಹಕಾರಿಯಾಗಿದೆ.