ಏಡ್ಸ್ ರೋಗಿಯನ್ನು ಗುಣಪಡಿಸಿದ ಕರುಳ ಬಳ್ಳಿ ರಕ್ತ ಕಸಿ ಚಿಕಿತ್ಸೆ: ಹೇಗೆ?

ಏಡ್ಸ್ ವೈರಸ್ ತಗುಲಿದಾಗ ಉಂಟಾದಾಗ ಏನಾಗುತ್ತೆ?

HIV ಅಥವಾ Human immunodeficiency virus ಮನುಷ್ಯನ ದೇಹ ಸೇರಿದಾಗ ಅದು ರೋಗನಿರೋಧಕ ಕಣವಾದ CD4 ಅನ್ನು ನಿಧಾನಕ್ಕೆ ನಾಶ ಮಾಡುತ್ತಾ ಹೋಗುತ್ತದೆ. ಇದರಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆಯಾಗುತ್ತಾ ಹೋಗುವುದು. ಇದರಿಂದಾಗಿ ಯಾವುದೇ ವೈರಸ್‌ ಆದರೂ ಇವರಿಗೆ ಬೇಗನೆ ತಗುಲುವುದು.

ರಕ್ತ, ವೀರ್ಯಾಣು, ಜನನೇಂದ್ರೀಯದ ದ್ರವ, ಎದೆಹಾಲು ಇವುಗಳ ಮೂಲಕ ವೈರಸ್ ಏಡ್ಸ್ ವೈರಸ್ ಹರಡುವುದು. ಅಸುರಕ್ಷಿತ ಲೈಂಗಿಕ ಕ್ರಿಯೆ, ಏಡ್ಸ್ ರೋಗಿಗೆ ಚುಚ್ಚಿದ ಸೂಜಿ ಬಳಸಿದಾಗ ಅಥವಾ ಏಡ್ಸ್ ರೋಗಿಗಳ ರಕ್ತ ಪಡೆಯುವುದರಿಂದ ಏಡ್ಸ್ ರೋಗ ಹರಡುವುದು.

ಏಡ್ಸ್ ರೋಗದಿಂದ ಗುಣಮುಖರಾದ ಮಹಿಳೆ

2013ರಲ್ಲಿ ಅಮೆರಿಕದಲ್ಲಿ ನೆಲೆಸಿರುವ ಮಹಿಳೆಯೊಬ್ಬರಿಗೆ ಏಡ್ಸ್ ರೋಗ ಪತ್ತೆಯಾಗಿತ್ತು, ಅಲ್ಲಿಂದ ಅವರು ಏಡ್ಸ್ ವೈರಸ್ ಪ್ರಮಾಣ ತಗ್ಗಿಸುವ ಆ್ಯಂಟಿವೈರಲ್ ಡ್ರಗ್‌ ತೆಗೆದುಕೊಳ್ಳುತ್ತಿದ್ದರು. ಅದಾಗಿ ನಾಲ್ಕು ವರ್ಷದ ಬಳಿಕ ಅವರಿಗೆ ಲುಕೆಮಿಯಾ ಕ್ಯಾನ್ಸರ್‌ ಕೂಡ ಬಂತು. ಕ್ಯಾನ್ಸರ್‌ ಚಿಕಿತ್ಸೆಯ ಭಾಗವಾಗಿ ಅಬ್ಲಿಕಲ್ ಕಾರ್ಡ್ ಬ್ಲಡ್‌ ಟ್ರಾನ್ಸ್‌ಪ್ಲ್ಯಾಂಟ್‌ ಮಾಡಲಾಯಿತು.

ಇದೀಗ ಅವರಲ್ಲಿ HIV ವೈರಸ್‌ ಉತ್ಪತ್ತಿಯಾಗುವುದು ಸಂಪೂರ್ಣ ನಿಂತು ಹೋಗಿದೆ.

ತಜ್ಞರ ಪ್ರಕಾರ ಈ ಹೊಸ ವಿಧಾನ ಏಡ್ಸ್‌ ರೋಗಿಗಳಿಗೆ ಸ್ವಲ್ಪ ರಿಸ್ಕಿಯಾಗಿದೆ.

ಏಡ್ಸ್‌ನಿಂದ ಒಟ್ಟು 3 ಜನ ಗುಣಮುಖರಾಗಿದ್ದಾರೆ

ಇದಕ್ಕಿಂತ ಮೊದಲು ಗುಣಮುಖರಾದ ಇಬ್ಬರು ಏಡ್ಸ್ ರೋಗಿಗಳಿಗೆ ಸ್ಟೆಮ್‌ ಸೆಲ್‌ ಟ್ರಾನ್ಸ್‌ಪ್ಲ್ಯಾಂಟ್‌ ಮಾಡಲಾಗಿತ್ತು. ಆದರೆ ಈ ರೀತಿ ಚಿಕಿತ್ಸೆ ಸರಿಯಾದ ಮ್ಯಾಚ್‌ ಸಿಗಬೇಕಾಗಿತ್ತು. ಅಲ್ಲದೆ ಸ್ಟೆಮ್‌ಸೆಲ್‌ ದಾನಿಗಳು ದೊಡ್ಡವರಾಗಿರಬೇಕು. ಆದರೆ ಆದರೆ ಈ ಮಹಿಳೆಗೆ ಕರುಳ ಬಳ್ಳಿಯ ರಕ್ತ ಟ್ರಾನ್ಸ್‌ಪ್ಲ್ಯಾಂಟ್‌ ಮಾಡಲಾಗುವುದು. ಇದಕ್ಕೆ ಸ್ವಲ್ಪ ಮ್ಯಾಚ್ ಆದರೆ ಸಾಕು. ಅಲ್ಲದೆ ಅಂಬ್ಲಿಕಲ್ ಕಾರ್ಡ್ ಬ್ಲಡ್‌ ಸಿಗುವುದು ಕಷ್ಟವೇನಲ್ಲ. ಇದೀಗ ಅಮೆರಿಕದ ಏಡ್ಸ್‌ ರೋಗಿ ಮಹಿಳೆ ಅಂಬ್ಲಿಕಲ್ ಕಾರ್ಡ್ ಬ್ಲಡ್‌ ಟ್ರಾನ್ಸ್‌ಪ್ಲ್ಯಾಂಟ್‌ ಚಿಕಿತ್ಸೆ ಮೂಲಕ ಗುಣಮುಖರಾದ ಮೊದಲ ವ್ಯಕ್ತಿಯಾಗಿದ್ದಾರೆ.