ನಿಮ್ಮ ಕೆಮ್ಮು ಕೊರೊನಾವೈರಸ್‌ನಿಂದ ಆಗಿರಬಹುದೇ, ಅಲ್ಲವೇ ಎಂದು ತಿಳಿಯುವುದು ಹೇಗೆ?

ಕೆಮ್ಮಿಗೆ ಸಂಬಂಧಿಸಿದ ಪ್ರಶ್ನೆಗಳು

ನೀವು ಕೆಮ್ಮಿಗೆ ಔಷಧಿ ತರಲು ಹೋದಾಗ ವೈದ್ಯರು ನಿಮ್ಮಿಂದ ಈ ಮಾಹಿತಿ ಬಯಸುತ್ತಾರೆ

• ಕೆಮ್ಮು ಶುರುವಾಗಿ ಎಷ್ಟು ಸಮಯವಾಯಿತು? ಎಷ್ಟು ದಿನಗಳಾಯಿತು?
• ಯಾವಾಗ ಕೆಮ್ಮು ಹೆಚ್ಚಾಗುತ್ತದೆ? ಬೆಳಗ್ಗೆ, ರಾತ್ರಿ ಅಥವಾ ದಿನವಿಡೀ ಇದೆಯೇ?
• ಕೆಮ್ಮಿದಾಗ ಶಬ್ದ ಹೇಗಿರುತ್ತದೆ? ಒಣಕೆಮ್ಮು, ಜೋರಾದ ಶಬ್ದ, ಮೆಲ್ಲನೆ ಕೇಳಿಸುವುದು ಅಥವಾ ಆಗಾಗ ಕೆಮ್ಮುವುದು
• ಕೆಮ್ಮಿದಾಗ ಕಫ ಬರುತ್ತದೆಯೇ?
• ಕೆಮ್ಮಿನಿಂದ ನಿಮ್ಮ ದಿನದ ಚಟುವಟಿಕೆಗೆ ತೊಂದರೆ ಉಂಟಾಗುತ್ತಿದೆಯೇ?



ಕೋವಿಡ್‌ 19ಗೆ ಸಂಬಂಧಿಸಿದ ಕೆಮ್ಮು

ಕೋವಿಡ್‌-19 ರೋಗಿಗಳಲ್ಲಿ ಅತಿಯಾಗಿ ಕಂಡು ಬರುವ ಲಕ್ಷಣವೆಂದರೆ ಜ್ವರ ಹಾಗೂ ಕೆಮ್ಮು, ಅದರಲ್ಲೂ ಒಣಕೆಮ್ಮು, ಕೆಲವರಿಗೆ ಮೈ ಚಳಿಯಾಗುವುದು.

ಕೋವಿಡ್‌ 19 ರೋಗಿಗಳಲ್ಲಿ ಗಂಟಲಿನಲ್ಲಿ ಕೆರೆತ ಉಂಟಾಗುತ್ತದೆ ಹಾಗೂ ತುಂಬಾ ಕೆಮ್ಮು ಇರುತ್ತದೆ ಅಲ್ಲದೆ ಉಸಿರಾಡಲು ತೊಂದರೆ ಉಂಟಾಗುವುದು ಹಾಗೂ ಸ್ನಾಯುಗಳಲ್ಲಿ ನೋವು ಉಂಟಾಗುವುದು.

ಕಾಯಿಲೆ ಹೆಚ್ಚಾದಂತೆ ಶ್ವಾಸಕೋಶದಲ್ಲಿ ದ್ರವ ತುಂಬಿಕೊಳ್ಳುತ್ತದೆ, ಇದರಿಂದಾಗಿ ಉಸಿರಾಡಲು ತೊಂದರೆ ಉಂಟಾಗುವುದು ಹಾಗೂ ದೇಹಕ್ಕೆ ಅಗ್ಯತವಾದ ಆಮ್ಲಜನಕ ದೊರೆಯದೆ ತೊಂದರೆ ಉಂಟಾಗುವುದು.



ಕಫ ಇರುವ ಕೆಮ್ಮು

ಕಫ ಇರುವ ಕೆಮ್ಮು ಇರುವವರಲ್ಲಿ ಉಬ್ಬಸ ತೊಂದರೆ ಕಾಣಿಸುವುದು ಹಾಗೂ ಕೆಮ್ಮಿದಾಗ ಬಾಯಲ್ಲಿ ಕಫ ಉಂಟಾಗುವುದು. ಅದೇ ಒಣ ಕೆಮ್ಮು ಉಂಟಾದಾಗ ಕಫ ಉಂಟಾಗುವುದಿಲ್ಲ, ಗಂಟಲಿನ ಒಳಗಿನಿಂದ ಉಂಟಾಗುವುದು ಹಾಗೂ ಕೆಮ್ಮಿದಾಗ ಹೆಚ್ಚು ಶಬ್ದ ಬರುವುದು. ಅಲ್ಲದೆ ಶ್ವಾಸಕೋಶದಲ್ಲಿ ಗಾಳಿ ಹೊರ ಹೋಗಲು ಅಡಚಣೆ ಉಂಟು ಮಾಡುವುದರಿಂದ ಆಗಾಗ ಕೆಮ್ಮು ಬರುವುದು.

ಮೂಗು ಹಾಗೂ ಗಂಟಲಿನ ಸೋಂಕಿನಿಂದ ಉಂಟಾಗುವ ಕೆಮ್ಮಿನಲ್ಲಿ ಗಂಟಲಿನಲ್ಲಿ ಕೆರೆತ ಹಾಗೂ ಒಣಕೆಮ್ಮು ಉಂಟಾಗುವುದು. ಇಂಥ ಕೆಮ್ಮು ಶೀತ ಹಾಗೂ ಜ್ವರ ಬಂದಾಗ ಉಂಟಾಗುವುದು. ಕೆಲವೊಮ್ಮೆ ಮೊದಲಿಗೆ ಒಣಕೆಮ್ಮು ಬಂದು ನಂತರ ಕಫ ಬರಬಹುದು.

ಉದಾಹರಣೆಗೆ ನ್ಯೂಮೋನಿಯಾ ಉಂಟಾದಾಗ ಒಣಕೆಮ್ಮು ಉಂಟಾಗಿ ನಂತರ ಉಸಿರಾಟದಲ್ಲಿ ತೊಂದರೆ ಉಂಟಾಗುವುದು. ಕಾಯಿಲೆ ಹೆಚ್ಚಾದಂತೆ ಗಂಟಲಿನಲ್ಲಿ ದ್ರವ ಹಾಗೂ ರಕ್ತ ತುಂಬುವುದು ನಂತರ ಕೆಮ್ಮಿದಾಗ ಕಫ ಬರಲು ಪ್ರಾರಂಭಿಸುತ್ತದೆ. ಈ ಹಂತದಲ್ಲಿ ಕಫ ತುಂಬಾ ಗಟ್ಟಿಯಾಗುವುದು ಹಾಗೂ ರಕ್ತವೂ ಕಂಡು ಬರುವುದು.



ವೂಫ್‌(ಗುಂಯಿ-ಗುಂಯಿ) ಕೆಮ್ಮು

ಈ ಕೆಮ್ಮು ಇರುವವರಲ್ಲಿ ಉಸಿರಾಡುವಾಗ ಗುಂಯಿ-ಗುಂಯಿ ಶಬ್ದ ಉಂಟಾಗುವುದು. ಇದು ಬ್ಯಾಕ್ಟಿರಿಯಾ ಸೋಂಕಿನಿಂದ ಉಂಟಾಗುತ್ತದೆ, ಇದು ಶ್ವಾಸಕೋಶದಲ್ಲಿ ಕೆರೆತ ಉಂಟು ಮಾಡುವುದು.

ಇದರಲ್ಲಿ ಕೆಮ್ಮಿದಾಗ ದೊಡ್ಡ ಶಬ್ದ ಉಂಟಾಗುವುದು, ತುಂಬಾ ಕೆಮ್ಮಿದಾಗ ಶ್ವಾಸಕೋಶಕ್ಕೆ ಹಾನಿಯುಂಟಾಗುವುದು ಆದ್ದರಿಂದ ಯಾವಾಗ ವೈದ್ಯರನ್ನು ಕಾಣಬೇಕು ಎಂದು ತಿಳಿದುಕೊಳ್ಳುವುದು ಒಳ್ಳೆಯದು.

ಆದ್ದರಿಂದ ಕೆಮ್ಮು ಯಾವುದೇ ಆಗಿರಲಿ, ಒಂದೆರಡು ದಿನಕ್ಕಿಂತ ಹೆಚ್ಚಿದ್ದರೆ ವೈದ್ಯರನ್ನು ಭೇಟಿಯಾಗಿ ಪರೀಕ್ಷೆ ಮಾಡಿಸುವುದು ಒಳ್ಳೆಯದು.