ಕೋವಿಡ್ 19 ಲಸಿಕೆಯ 2ನೇ ಡೋಸ್‌ ಪಡೆದ ಬಳಿಕ ಎಷ್ಟು ಜನರಿಗೆ ಕೊರೊನಾ ಬಂದಿದೆ? ಸರ್ಕಾರ ನೀಡಿದ ಅಂಕಿ ಅಂಶ ಇಲ್ಲಿದೆ

ಕೊರೊನಾ ಡೋಸ್‌ ಪಡೆದವರಲ್ಲಿ ಎಷ್ಟು ಜನರಿಗೆ ಸೋಂಕು ಬಂದಿದೆ

ಅಂಕಿ ಅಂಶದ ಪ್ರಕಾರ ಎರಡು ಡೋಸ್‌ ಪಡೆದ ಬಳಿಕವೂ ಕೊರೊನಾ ಸೋಂಕು ತಗುಲಿದೆ. ಕೋವಿಶೀಲ್ಡ್ ಲಸಿಕೆ ಪಡೆದವರಲ್ಲಿ ಶೇ.0.03ರಷ್ಟು ಜನರಿಗೆ ಸೋಂಕು ತಗುಲಿದರೆ, ಕೊವಾಕ್ಸಿನ್ ಎರಡು ಡೋಸ್‌ ಪಡೆದವರಲ್ಲಿ ಶೇ.0.04ರಷ್ಟು ಜನರಿಗೆ ಕೊರೊನಾ ಸೋಂಕು ತಗುಲಿದೆ.

ಏಪ್ರಿಲ್ 21ರಂದು ಭಾರತ ಸರ್ಕಾರ ನೀಡಿರುವ ಮಾಹಿತಿ ಪ್ರಕಾರ ಕೊರೊನಾ ಲಸಿಕೆ ಪಡೆದ ಬಳಿಕವೂ ಹಲವು ಜನರಿಗೆ ಕೊರೊನಾ ಸೋಂಕು ತಗುಲಿದೆ.

ಅಂಕಿ ಅಂಶದ ಪ್ರಕಾರ ಈವರೆಗೆ 21, 000 ಜನರಿಗೆ ಕೊರೊನಾ ಲಸಿಕೆ ಪಡೆದ ಬಳಿಕವೂ ಕೊರೊನಾ ಬಂದಿದೆ. ಅದರಲ್ಲಿ 5000 ಜನರಿಗೆ ಎರಡನೇ ಡೋಸ್‌ ಪಡೆದ ಬಳಿಕವೂ ಕೂಡ ಕೊರೊನಾ ಸೋಂಕು ತಗುಲಿದೆ.

ಕೋವಿಡ್ 19 ಲಸಿಕೆ ಪಡೆದ ಬಳಿಕ ತಗುಲಿದ ಸೋಂಕು

ಭಾರತ (ಏ.20ರವೆಗಿನ ಅಂಕಿಅಂಶ): ಕೋವಿಡ್ 19 ಲಸಿಕೆ ಪಡೆದ ಬಳಿಕ ಕೂಡ ಎಷ್ಟು ಜನರಿಗೆ ಸೋಂಕು ಬಂದಿದೆ ಎಂಬುವುದರ ಕುರಿತು ಸರ್ಕಾರ ನೀಡಿರುವ ಅಂಕಿ ಅಂಶ ಇಲ್ಲಿದೆ.

ಭಾರತದಲ್ಲಿ ತುರ್ತು ಸ್ಥಿತಿಯಲ್ಲಿ 3 ಲಸಿಕೆಗಳ ಬಳಕೆಗೆ ಅನುಮತಿ

ಭಾರತದಲ್ಲಿಯೇ ತಯಾರಾದ ಕೋವಿಶೀಲ್ಡ್ ಹಾಗೂ ಕೊವಾಕ್ಸಿನ್ ಜೊತೆಗೆ ವಿದೇಶದಲ್ಲಿ ತಯರಾದ

ಸ್ಪುಟ್ನಿಕ್ ಲಸಿಕೆ ಬಳಸಲು ಸರ್ಕಾರವು ಅನುಮತಿ ನೀಡಿದೆ. ಸರ್ಕಾರದ ವೈದ್ಯಕೀಯ ಮೂಲದ ಪ್ರಕಾರ ಆಗಸ್ಟ್‌ನಲ್ಲಿ ಹೈದರಾಬಾದ್‌ನ ಬಯೋಲಾಜಿಕಲ್ ಇ ಇಂಡಿಜೀನಿಯಸ್ ಕೋವಿಡ್‌ 19 ಲಸಿಕೆ ಕೂಡ ಲಭ್ಯವಾಗುವ ಸಾಧ್ಯತೆ ಇದೆ. ಈ ಲಸಿಕೆಯ ಪ್ರಯೋಗವು ಮೂರನೇ ಹಂತದಲ್ಲಿದೆ.

ಮೊದಲನೇ ಅಲೆ ಜೊತೆ ಎರಡನೇ ಅಲೆಯ ಹೋಲಿಕೆ

ಕೋವಿಡ್‌ 19 ಮೊದಲನೇ ಅಲೆಯಷ್ಟೇ ಎರಡನೇ ಅಲೆಗೆ ಜನರು ಬಲಿಯಾಗುತ್ತಿದ್ದಾರೆ. ಕೇಂದ್ರ ಆರೋಗ್ಯ ಕಾರ್ಯದರ್ಶಿ ರಾಜೇಶ್‌ ಭೂಷಣ್ ಮಾತನಾಡುತ್ತಾ 146 ಜಿಲ್ಲೆಗಳಲ್ಲಿ ಪಾಸಿಟಿವ್ ಸಂಖ್ಯೆ ಶೇ.15ರಷ್ಟು ಇದ್ದರೆ , 274 ಜಿಲ್ಲೆಯಲ್ಲಿ ಶೆ. 5-15ರಷ್ಟು ಇದೆ ಎಂದು ಹೇಳಿದ್ದಾರೆ.

ಸಲಹೆ:

ಕೊರೊನಾ ಲಸಿಕೆ ಕೊರೊನಾ ತಡೆಗ್ಟಟುವಲ್ಲಿ ಸಹಕಾರಿಯಾದರೂ ಕೊರೊನಾ ಸಂಪೂರ್ಣವಾಗಿ ತಡೆಗಟ್ಟಲು ಸಾಧ್ಯವಿಲ್ಲ ಎಂದು 2 ಡೋಸ್‌ ಲಸಿಕೆ ಪಡೆದ ಬಳಿಕ ಬಂದ ಕೇಸ್‌ಗಳಿಂದ ಸಾಬೀತಾಗಿದೆ. ಆದ್ದರಿಂದ ಮುನ್ನೆಚ್ಚರಿಕೆವಹಿಸುವುದು ನಮ್ಮ ಮುಂದೆ ಇರುವ ಪ್ರಮುಖ ಸುರಕ್ಷಿತಾ ಮಾರ್ಗವಾಗಿದೆ.