ಬೇಸಿಗೆಯಲ್ಲಿ ಕಾಡುವ ಬೆವರು ಕಜ್ಜಿಗೆ ಕಾರಣ, ಚಿಕಿತ್ಸೆ

ಬೆವರು ಕಜ್ಜಿಯ ವಿಧಗಳು

1.ಚಿಕ್ಕ-ಚಿಕ್ಕ ಗುಳ್ಳೆಗಳು

2. ಕೆಂಪುಗುಳ್ಳೆಗಳು

3.ಕೀವು ತುಂಬಿದ ರೀತಿಯ ಗುಳ್ಳೆಗಳು

4. ದಪ್ಪವಾದ ಗುಳ್ಲೆಗಳು

ಬೆವರು ಸಾಲೆ ಹೆಚ್ಚಾಗಿ ಕಂಡು ಬರುವ ಸ್ಥಳಗಳು

• ಮುಖ
• ಕುತ್ತಿಗೆ
• ಬೆನ್ನು
• ಹೊಟ್ಟೆ
• ಸ್ತನಗಳ ಕೆಳಭಾಗದಲ್ಲಿ
• ಹಿಂಭಾಗದಲ್ಲಿ
• ಮೊಣಕೈ ಭಾಗಗಳಲ್ಲಿ



ಯಾರಿಗೆ ಬೆವರು ಸಾಲೆ ಹೆಚ್ಚಾಗಿ ಕಾಣಿಸಿಕೊಳ್ಳುವುದು

• ಮಗುವಿಗೆ
• ನಾಲ್ಕು ವರ್ಷಕ್ಕಿಂತ ಚಿಕ್ಕ ಮಕ್ಕಳಲ್ಲಿ
• ಕ್ರೀಡಾಪಟುಗಳಲ್ಲಿ ಹಾಗೂ ಬಿಸಿಲಿನಲ್ಲಿ ಹೆಚ್ಚಾಗಿ ಇರುವವರಲ್ಲಿ
• ಅಧಿಕ ಮೈ ತೂಕ ಹೊಂದಿವರಲ್ಲಿ
• ಮಲಗಿದಲ್ಲಿಯೇ ಆದ ರೋಗಿಗಳಲ್ಲಿ
• ಸೆಕೆ ಜಾಸ್ತಿಯಿದ್ದರೂ ಕಡಿಮೆ ಬೆವರುವವರಲ್ಲಿ
• ಸೈನಿಕರಲ್ಲಿ



ಬೆವರುಸಾಲೆ ಕಂಡು ಬಂದರೆ ಪ್ರಾಥಮಿಕ ಚಿಕಿತ್ಸೆ

• ತಣ್ಣನೆಯ ನೀರಿನಲ್ಲಿ ಸ್ನಾನ
• ಗಾಳಿ ಹೆಚ್ಚು ಬೀಸುವ ಕಡೆ ಕೂರಿ
• ಎಸಿ ರೂಮ್‌ನಲ್ಲಿರುವುದು, ಎಸಿ ಇಲ್ಲಾಂದರೆ ಮೈಗೆ ಸ್ವಲ್ಪ ಒದ್ದೆ ಬಟ್ಟೆ ಧರಿಸಿ ಫ್ಯಾನ್‌ ಕೆಳಗಡೆ ಕೂರಿ (ಮಕ್ಕಳಿಗೆ ಹೀಗೆ ಮಾಡಬೇಡಿ)
• ಹೊಟ್ಟೆ, ಸ್ತನಗಳಲ್ಲಿ ಬೆವರು ಸಾಲೆ ಎದ್ದರೆ ಕಾಟನ್ ಬಟ್ಟೆಯನ್ನು ಒದ್ದೆ ಮಾಡಿ ಒರೆಸಿ, ಪೌಡರ್ ಹಾಕಿ.
• ಬೆವರುಸಾಲೆ ಎದ್ದರುವ ಜಾಗಕ್ಕೆ ಐಸ್‌ಪ್ಯಾಕ್ ಇಡಿ.
• Hydrocortisone, triamcinolone ಈ ರೀತಿಯ ಕ್ರೀಮ್‌ಗಳನ್ನು ದಿನದಲ್ಲಿ ಎರಡು ಬಾರಿ ಹಚ್ಚಿದರೆ ಕಡಿಮೆಯಾಗುವುದು, ಇದು ಬಳಸುವ ಮುನ್ನ ವೈದ್ಯರ ಸಲಹೆ ಪಡೆಯಿರಿ.
• ಹತ್ತಿಯ ಬಟ್ಟೆ ಧರಿಸಿ. ಸ್ಲೀವ್‌ಲೆಸ್‌ ಟಾಪ್ , ಶಾರ್ಟ್ಸ್, ಪಂಚೆ, ಬನಿಯನ್ ಹೀಗೆ ಗಾಳಿಯಾಡುವ ಡ್ರೆಸ್‌ ಧರಿಸಿ. ಒಳ ಉಡುಪು ಧರಿಸದವರಲ್ಲಿ ಆ ಭಾಗದಲ್ಲಿ ಬೆವರು ನಿಂತು ಕಜ್ಜಿ ಉಂಟಾಗುವುದು, ಆದ್ದರಿಂದ ಒಳ ಉಡುಪು ಧರಿಸಬೇಕು.
• ಸಾಕಷ್ಟು ನೀರು ಕುಡಿಯಬೇಕು.



ಬೆವರುಸಾಲೆ ಸಮಸ್ಯೆ ಯಾವಾಗ ಹೆಚ್ಚಾಗುವುದು

• ವಾತಾವರಣದಲ್ಲಿ ಶುಷ್ಕತೆ ಹೆಚ್ಚಾದಾಗ
• ಅಧಿಕ ಉಷ್ಣತೆ
• ಬಿಗಿಯಾದ ಒಳ ಉಡುಪು ಧರಿಸುವುದು
• ಜ್ವರ
• ಸನ್‌ ಬರ್ನ್



ಯಾವಾಗ ವೈದ್ಯರನ್ನು ಕಾಣಬೇಕು?

ಜ್ವರ

ತಲೆನೋವು

ತಲೆಸುತ್ತು

ವಾಂತಿ

ಈ ಲಕ್ಷಣಗಳು ಕಂಡು ಬಂದರೆ ಕೂಡಲೇ ವೈದ್ಯರ ಸಲಹೆ ಪಡೆಯಿರಿ.



ಬೆವರುಸಾಲೆ ಬರದಂತೆ ತಡೆಯುವುದು ಹೇಗೆ?

• ತಣ್ಣನೆ ವಾತಾವರಣದಲ್ಲಿರುವುದು (ಮನೆಯ ಸುತ್ತ-ಮುತ್ತ ಗಿಡ ಮರಗಳಿದ್ದರೆ ಮನೆ ತಂಪಾಗಿರುತ್ತದೆ. ನಗರ ಪ್ರದೇಶದಲ್ಲಾದರೂ ಸ್ವಲ್ಪ ಗಾರ್ಡನಿಂಗ್ ಮಾಡುವುದರಿಂದ ಸ್ವಲ್ಪವಾದರೂ ಗಾಳಿಯಾಡುವುದು)
• ಎಸಿ
• ಬಿಸಿಲಿನಲ್ಲಿ ಕೆಲಸ ಮಾಡುವುದು, ಓಡಾಡುವುದು ಮಾಡಬಾರದು
• ಹತ್ತಿಯ ಬಟ್ಟೆ ಧರಿಸಿ
• ಮಕ್ಕಳನ್ನು ತಂಪಾದ ಸ್ಥಳದಲ್ಲಿ ಮಲಗಿಸಿ, ಅವರು ಒದ್ದೆಯಾಗಿ ಇರದಂತೆ ನೋಡಿಕೊಳ್ಳಿ. ಡಯಾಪರ್ ಬಳಸಬೇಡಿ, ಸ್ವಚ್ಛವಾದ ಬಟ್ಟೆ ಬಳಸಿ.
• ಮಲಗಿದ್ದಲ್ಲಿಯೇ ಇರುವ ರೋಗಿಯಾದರೆ ಆ ಸ್ಥಳ ತಂಪಾಗಿರುವಂತೆ ನೋಡಿ, ಮಲಗಿದ್ದಲಿಯೇ ಮಲಗಿಸುವುದಕ್ಕೆ ಬದಲು ಸಾಧ್ಯವಾದರೆ ಮೆಲ್ಲನೆ ಕೂರಿಸುವುದು, ಇಲ್ಲಾಂದರೆ ಮೆಲ್ಲನೆ ಒಂದು ಮಗ್ಗುಲ ಮಲಗಿಸುವುದು ಮಾಡಿ. ಅವರ ಕೋಣೆ ತಂಪಾಗಿರುವಂತೆ ನೋಡಿಕೊಳ್ಳಿ.



ಬೆವರುಸಾಲೆ ತಡೆಯಲು ಏನು ಮಾಡಬೇಕು?

• ಬಿಸಿಲಿನಲ್ಲಿ ತುಂಬಾ ಹೊತ್ತು ಇರಬೇಡಿ.
• ಸಡಿಲವಾದ, ಹತ್ತಿಯ ಬಟ್ಟೆ ಧರಿಸಿ
• ಫ್ಯಾನ್, ಎಸಿ ಬಳಸಿ ಸೆಕೆ ಕಡಿಮೆ ಮಾಡಿಕೊಳ್ಳಿ
• ದಿನಕ್ಕೆ 2 ಬಾರಿ ತಣ್ಣೀರು ಸ್ನಾನ ಮಾಡಿ



ಏನು ಮಾಡಬಾರದು?

• ಪಾಲಿಸ್ಟರ್ ಬಟ್ಟೆ, ನೈಲಾನ್‌ ಬಟ್ಟೆ ಧರಿಸಬಾರದು, ಕಪ್ಪು ಬಟ್ಟೆ ಉಷ್ಣ ಹೀರಿಕೊಳ್ಳುವುದರಿಂದ ಕಪ್ಪು ಬಟ್ಟೆ ಧರಿಸಬೇಡಿ.
• ಬೆವರಸಾಲೆಗಳನ್ನು ಆಯಿಂಟ್‌ಮೆಂಟ್‌ ಹಾಕಿ ಮುಚ್ಚುವುದು, ವ್ಯಾಸೆಲೈನ್, ತುಂಬಾ ಕ್ರೀಮ್ ಹಚ್ಚುವುದು ಮಾಡಬಾರದು.
• ತುರಿಸುವುದು, ಆ ಗುಳ್ಳೆಗಳನ್ನು ಕೀಳುವುದು ಮಾಡುಬೇಡಿ.
• ಬಿಸಿ ನೀರಿನಲ್ಲಿ ಸ್ನಾನ ಬೇಡ