ಮಾರ್ಬರ್ಗ್‌ ವೈರಸ್‌ ಪತ್ತೆ: ಈ ಮಾರಾಣಾಂತಿಕ ವೈರಸ್ ಲಕ್ಷಣಗಳೇನು?

ರೋಗಿಗಳ ಸಂಪರ್ಕಿತದಲ್ಲಿದ್ದವರನ್ನು ಕ್ವಾರಂಟೈನ್‌ನಲ್ಲಿ ಇಡಲಾಗಿದೆ

ಮಾರ್ಬರ್ಗ್ ವೈರಸ್‌ ಇಬ್ಬರಲ್ಲಿ ಕಂಡು ಬಂದಿದ್ದರೂ ಅವರ ಸಂಪರ್ಕದಲ್ಲಿದ್ದ 34 ಜನರನ್ನು ಕ್ವಾರಂಟೈನ್‌ನಲ್ಲಿ ಇಡಲಾಗಿದೆ.

ಮಾರ್ಬರ್ಗ್ ವೈರಸ್‌ ತಗುಲಿದವರಲ್ಲಿ ಕಂಡು ಬಂದಿರುವ ಲಕ್ಷಣಗಳೇನು?

ಈ ವೈರಸ್ ತುಲಿದವರಲ್ಲಿ ಜ್ವರ, ಬೇಧಿ, ವಾಂತಿ, ತಲೆಸುತ್ತು ಈ ಬಗೆಯ ಲಕ್ಷಣಗಳು ಕಂಡು ಬಂದಿರುವುದಾಗಿ ವಿಶ್ವ ಆರೋಗ್ಯ ಸಂಸ್ಥೆಯ ವರದಿ ಹೇಳಿದೆ.

ಮಾರ್ಬರ್ಗ್ ವೈರಸ್‌ ಎಂದರೇನು?

ಮಾರ್ಬರ್ಗ್‌ ವೈರಸ್‌ ತಗುಲಿದರೆ ಹೆಮರಾಜ್‌ ಜ್ವರ ಉಂಟಾಗುತ್ತದೆ. ಈ ವೈರಸ್‌ ತಗುಲಿದರೆ ಸಾವಿನ ಸಾಧ್ಯತೆ ಶೇ.88ರಷ್ಟು ಇರುವುದಿಂದ ಈ ವೈರಸ್‌ ತುಂಬಾನೇ ಡೇಂಜರಸ್ ಆಗಿದೆ. ಇದು ಜಗತ್ತು ಕಂಡಿರುವ ಅತ್ಯಂತ ಭಯಾನಕ ಕಾಯಿಲೆಯಾದ ಎಬೋಲಾ ಗುಂಪಿಗೆ ಸೇರಿದ ವೈರಸ್‌ ಆಗಿದೆ.

ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಗಣಿ ಪ್ರದೇಶದಲ್ಲಿ ಅಥವಾ ಗುಹೆಯಲ್ಲಿ ಕೆಲಸ ಮಾಡುವವರಿಗೆ ಬಾವಲಿಗಳಿಂದ ಅಪಾಯ ಬರುವ ಅಪಾಯ ಹೆಚ್ಚು. ಈ ವೈರಸ್‌ ತಗುಲಿದ ವ್ಯಕ್ತಿಯ ನೇರ ಸಂಪರ್ಕದಿಂದ ಒಬ್ಬರಿಂದ ಮತ್ತೊಬ್ಬರಿಎ ಹರಡುತ್ತದೆ. ಅವರ ರಕ್ತ, ಎಂಜಲು, ಬೆವರು, ದೇಹದಲ್ಲಿನ ದ್ರವ (ಮಲ, ಮೂತ್ರ) ಇವುಗಳ ಮೂಲಕವೂ ವೈರಸ್‌ ಹರಡುತ್ತದೆ.

ಮಾರ್ಬರ್ಗ್‌ ರೋಗದ ಲಕ್ಷಣಗಳು

* ತುಂಬಾ ತಲೆನೋವು

* ಜ್ವರ

* ಮೈಕೈ ನೋವು

* ಬೇಧಿ

* ಕಿಬ್ಬೊಟ್ಟೆ ನೋವು

* ಹೊಟ್ಟೆ ತುಂಬಾ ನೋವಾಗುವುದು

* ವಾಂತಿ

* ತಲೆಸುತ್ತು

* ಮೈ ಮೇಲ ಗುಳ್ಳೆಗಳು ಕಂಡು ಬರುವುದು.

ರೋಗ ಲಕ್ಷಣಗಳು ಹೆಚ್ಚಾದಾಗ ಕಂಡು ಬರುವ ಲಕ್ಷಣಗಳು

* ಮೂಗು, ಗುದನಾಳ, ವಸಡಿನಲ್ಲಿ ರಕ್ತಸ್ರಾವ

* ತುಂಬಾ ಜ್ವರ

* ಗೊಂದಲ

* ಅಸ್ವಸ್ಥತೆ

* ಕೋಪ

ಚಿಕಿತ್ಸೆ

ಈ ವೈರಸ್‌ ಪರಿಣಾಮಕಾರಿಯಾದ ಚಿಕಿತ್ಸೆಯಿಲ್ಲ, ರೋಗ ಲಕ್ಷಣಗಳನ್ನು ನೋಡಿ ಅದಕ್ಕೆ ತಕ್ಕಂತೆ ಚಿಕಿತ್ಸೆ ನೀಡಲಾಗುವುದು. ರೋಗ ಲಕ್ಷಣಗಳು ಗಂಭೀರವಾದರೆ ವ್ಯಕ್ತಿ ಬದುಕುವ ಸಾಧ್ಯತೆ ತುಂಬಾ ಕಡಿಮೆ.