ಕಾಲಿನಲ್ಲಿ ಊತ? ಕೊರೊನಾವೈರಸ್‌ ಲಕ್ಷಣವಾಗಿರಬಹುದು

ಕೋವಿಡ್ 19 ಲಕ್ಷಣಗಳು

ಕೊರೊನಾವೈರಸ್ ಸೋಂಕಿದಾಗ ಕೆಮ್ಮು, ಜ್ವರ, ತೀವ್ರ ಉಸಿರಾಟದ ತೊಂದರೆ ಕಾಣಿಸಿಕೊಳ್ಳುವುದು, ಆದರೆ ಇತ್ತೀಚಿನ ಅಧ್ಯಯನ ವರದಿಗಳು ಕೆಲವೊಂದು ರೋಗಿಗಳ ಕಾಲಿನಲ್ಲಿ ವ್ಯತ್ಯಾಸ ಕಂಡು ಬರುವುದಾಗಿ ಹೇಳಿವೆ.

ಸ್ಪಾನಿಷ್ ಚರ್ಮರೋಗ ತಜ್ಞರ ಪ್ರಕಾರ ಕಾಲುಗಳಲ್ಲಿ ಊತ ಕೊರೊನಾವೈರಸ್‌ನ ಪ್ರಾರಂಭಿಕ ಲಕ್ಷಣವಾಗದೆ. ಸ್ಪೇನ್, ಫ್ರಾನ್ಸ್, ಇಟಲಿಯಲ್ಲಿ ಕೊರೊನಾವೈರಸ್‌ ಬಾಧಿತರಾದ ಚಿಕ್ಕ ಪ್ರಾಯದವರಲ್ಲೂ ಈ ಲಕ್ಷಣಗಳು ಕಂಡು ಬಂದಿರುವುದಾಗಿ ಅಧ್ಯಯನಗಳು ಹೇಳಿವೆ.

ಕೊರೊನಾವೈರಸ್‌ ಸೋಂಕಿದವರ ಪಾದಗಳಲ್ಲಿ ವ್ಯತ್ಯಾಸ ಕಂಡು ಬರುತ್ತವೆ. ಕೆಮ್ಮು-ಜ್ವರ ಕಾಣಿಸಿಕೊಳ್ಳುವ ಮೊದಲು ಪಾದಗಳಲ್ಲಿ ಊತ ಕಂಡು ಬರುವುದು. ಇದು ಕೊರೊನವೈರಸ್‌ನ ಪ್ರಾರಂಭಿಕ ಲಕ್ಷಣವಾಗಿದೆ.

ಕೇಸ್‌ ವರದಿ ಏನು ಹೇಳುತ್ತದೆ?

ದಿ ಇಂಟರ್‌ನ್ಯಾಷನಲ್ ಫೆಡರೇಷನ್ ಆಫ್‌ ಪೋಡೋಲಾಜಿಸ್ಟ್‌ನ ವರದಿಯಲ್ಲಿ 13 ವರ್ಷದ ಬಾಲಕನಿಗೆ ಕಾಲುಗಳಲ್ಲಿ ಊತ ಕಂಡು ಬಂದಿತ್ತು, ನಂತರ ಕೊರೊನಾವೈರಸ್ ಲಕ್ಷಣಗಳು ಗೋಚರಿಸಿದೆವು ಎಂದು ಹೇಳಿದೆ.

ಹುಡುಗನಿಗೆ 38.5 °C ಜ್ವರವಿತ್ತು, ಸ್ನಾಯುಗಳಲ್ಲಿ ನೋವು, ತಲೆನೋವು, ತುರಿಕೆ, ಪಾದಗಳಲ್ಲಿ ನೋವು ಕಂಡು ಬಂದಿತ್ತು. ನಂತರ 6 ದಿನಗಳಲ್ಲಿ ಆತನಿಗೆ, ತಾಯಿಗೆ, ಸಹೋದರಿಗೆ ಜ್ವರ, ಕೆಮ್ಮು, ಉಸಿರಾಟದ ತೊಂದರೆ ಕಾಣಿಸಿಕೊಂಡಿತ್ತು.

ಕೋವಿಡ್‌ 19 ಬಾಧಿತರಲ್ಲಿ ಚರ್ಮದ ಮೇಲಾಗುವ ಪರಿಣಾಮಗಳ ಬಗ್ಗೆ ಅಧ್ಯಯನಗಳು ನಡೆಯುತ್ತಲೇ ಇವೆ.

ಅಧ್ಯಯನಗಳು ಏನು ಹೇಳಿವೆ?

ಇಟಲಿಯಲ್ಲಿ ಕೊರೊನಾವೈರಸ್ ಬಾಧಿತರಲ್ಲಿ 5ರಲ್ಲಿ ಒಬ್ಬ ರೋಗಿಯಲ್ಲಿ ಕಾಲುಗಳಲ್ಲಿ ವ್ಯತ್ಯಾಸ ಕಂಡು ಬಂದಿತ್ತು. ಕೊರೊನಾವೈರಸ್‌ ಸೋಂಕು ಇರುವವರಲ್ಲಿ ಶೇ. 20.5ರಷ್ಟು ಜನರಲ್ಲಿ ಈ ಲಕ್ಷಣಗಳು ಗೋಚರಿಸಿದ್ದೆವು. ಇವರಿಗೆಲ್ಲಾ ಕೋವಿಡ್ 19 ಲಕ್ಷಣಗಳು ಗೋಚರಿಸುವ ಮೊದಲೇ ಈ ಲಕ್ಷಣಗಳು ಗೋಚರಿಸಿದ್ದೆವು. ಅದರಲ್ಲೂ ಕಾಲುಗಳಲ್ಲಿ ಊತ ಕಂಡು ಬಂದಿದ್ದ ಶೆ,78ರಷ್ಟು ಜನರಲ್ಲಿ ಕಾಲುಗಳಲ್ಲಿ ಕೆಂಪು ಗುಳ್ಳೆಗಳು ಕಂಡು ಬಂದಿದ್ದೆವು.

ಪರಿಣಿತರ ಸಲಹೆ ಏನು?

ಕೊರೊನಾವೈರಸ್ ಸೋಂಕಿನ ಲಕ್ಷಣಗಳ ಕಡೆ ಪ್ರಾರಂಭದಲ್ಲಿಯೇ ಹೆಚ್ಚಿನ ಗಮನ ನೀಡಿದರೆ ಅಪಾಯ ಹೆಚ್ಚಾಗುವುದನ್ನು ತಪ್ಪಿಸಬಹುದು. ಆದ್ದರಿಂದ ಜನರು ತಮ್ಮ ದೇಹದಲ್ಲಿ ಆಗುತ್ತಿರುವ ಬದಲಾವಣೆಗಳನ್ನು ಗಮನಿಸಬೇಕು. ಕಾಲುಗಳಲ್ಲಿ ಊತ, ಮೈಕೈ ನೋವು ಕಮಡು ಬಂದರೂ ಅದು ಕೂಡ ಕೊರೊನಾ ವೈರಸ್‌ ಸೋಂಕು ಆಗಿರಬಹುದು.

ದೇಹದಲ್ಲಿ ವ್ಯತ್ಯಾಸ ಕೂಡಲೇ ವೈದ್ಯರಿಗೆ ಕರೆ ಮಾಡಿ ವಿಷಯ ತಿಳಿಸಿ. ಇದರಿಂದ ಕಾಯಿಲೆಯಿಂದ ಗುಣಮುಖರಾಗುವ ಸಾಧ್ಯತೆ ಹೆಚ್ಚು.

ಕೊರೊನಾವೈರಸ್ ತಡೆಗಟ್ಟಿ

ಕೊರೊನಾವೈರಸ್‌ ವ್ಯಕ್ತಿಯಿಂದ ವ್ಯಕ್ತಿಗೆ ಹರಡುವುದರಿಂದ ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ. ಮನೆಯಲ್ಲಿ ಯಾರಿಗಾದರೂ ಸೋಂಕಿನ ಲಕ್ಷಣಗಳು ಕಂಡು ಬಂದರೆ ತಕ್ಷಣವೇ ಬೇರೆಯವರ ಸಂಪರ್ಕದಿಂದ ಬೇರೆಯಾಗಿ ಪ್ರತ್ಯೇಕ ಕೋಣೆಯಲ್ಲಿದ್ದು, ಕೂಡಲೇ ವೈದ್ಯರಿಗೆ ಕರೆ ಮಾಡಿ ತಿಳಿಸಿ.

ಮಕ್ಕಳನ್ನು ಹೊರಗಡೆ ಆಡಲು ಬಿಡಬೇಡಿ, ಮನೆಗೆ ಯಾರನ್ನೂ ಆಹ್ವಾನಿಸಬೇಡಿ, ನೀವೂ ಎಲ್ಲೂ ಹೋಗಬೇಡಿ, ಎಲ್ಲರೂ ಒಟ್ಟಾಗಿ ಕೊರೊನಾವೈರಸ್ ಹರಡದಂತೆ ತಡೆಯೋಣ.