ಭಾರತಕ್ಕೂ ಕಾಲಿಟ್ಟಿದೆ ಅಪಾಯಕಾರಿ ರೂಪಾಂತರ XE, ನಿರ್ಲಕ್ಷ್ಯ ಮಾಡಿದರೆ ಅಪಾಯ ತಪ್ಪಿದ್ದಲ್ಲ

XE ಕೊರೊನಾ ರೂಪಾಂತರ

ಇದು ಹೈಬ್ರಿಡ್ ರೂಪಾಂತರ ತಳಿಯಾಗಿದ್ದು ಎರಡು ಅಥವಾ ಅದಕ್ಕಿಂತ ಹೆಚ್ಚಿನ ಕೊರೊನಾ ವೈರಸ್‌ ಉಂಟಾಗಿರುವ ಹೊಸ ಕೊರೊನಾ ರೂಪಾಂತರ ತಳಿ ಇದಾಗಿದೆ.

ಈ ವೈರಸ್‌ ತಗುಲಿರುವ ವ್ಯಕ್ತಿಯ ದೇಹದಲ್ಲಿ ಒಂದಕ್ಕಿಂತ ಹೆಚ್ಚಿನ ಕೊರೊನಾ ವೈರಸ್ ಪತ್ತೆಯಾಗಿದೆ.

ಇದರಿಂದಾಗಿ ಈ ಹೊಸ ರೂಪಾಂತರ ಮತ್ತೊಂದು ಸಾಂಕ್ರಾಮಿಕವಾಗುವ ಲಕ್ಷಣಗಳನ್ನು ಹೊಂದಿದೆ.

XE ರೂಪಾಂತರ ಇತರ ರೂಪಾಂತರಕ್ಕಿಂತ ಶೇ.10ರಷ್ಟು ವೇಗವಾಗಿ ಹರಡುವುದು

ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ XE ರೂಪಾಂತರ ಒಮಿಕ್ರಾನ್ ರೂಪಾಂತರಗಳಾದ BA.1 ಮತ್ತು BA.2 ತಳಿಗಳು ಸೇರಿ ಉಂಟಾಗಿದೆ.

ಈ ಹೊಸ ರೂಪಾಂತರ ತುಂಬಾ ವೇಗವಾಗಿ ಅಂದರೆ ಈ ಹಿಂದೆ ಕಂಡು ಬಂದ ಎಲ್ಲಾ ಕೊರೊನಾ ವೈರಸ್‌ ತಳಿಗಳಿಗಿಂತ ಶೇ.10ರಷ್ಟು ವೇಗವಾಗಿ ಹರಡುವುದು.

ಇದುವರೆಗೆ ಎಷ್ಟು ಕೇಸ್‌ಗಳು ಪತ್ತೆಯಾಗಿದೆ?

ಯುಕೆಯಲ್ಲಿ 2022 ಜನವರಿ 19ಕ್ಕೆ ಮೊದಲ ಕೇಸ್‌ ಪತ್ತೆಯಾಗಿತ್ತು. ಮಾರ್ಚ್ 25ಕ್ಕೆ 637 ಜನರಲ್ಲಿ ಈ ಸೋಂಕು ಕಾಣಿಸಿಕೊಂಡಿದೆ.

ಕಳೆದ ವಾರ ನ್ಯಾಷನಲ್‌ ಸ್ಟ್ಯಾಟಿಸ್ಟಿಕ್ಸ್ ಆಫೀಸ್‌ ಮಾರ್ಚ್ ಕೊನೆಯ ವಾರ ಹಾಗೂ ಏಪ್ರಿಲ್ ಮೊದಲ ವಾರ ತಲುಪುವಷ್ಟರಲ್ಲಿ4.9 ಮಿಲಿಯನ್‌ ಜನರಲ್ಲಿ ಈ ಸೋಂಕು ಹರಡಬಹುದು ಎಂದು ಅಂದಾಜು ಮಾಡಲಾಗಿದೆ.

XE ರೂಪಾಂತರ ಏನಾದರೂ ಹೊಸ ಲಕ್ಷಣಗಳನ್ನು ಹೊಂದಿದೆಯೇ?

ಇದುವರೆಗೆ ಈ ಹೊಸ ರೂಪಾಂತರ ಯಾವುದೇ ಹೊಸ ಲಕ್ಷಣಗಳನ್ನು ಹೊಂದಿಲ್ಲ, ಇದರ ಬಗ್ಗೆ ಇನ್ನಷ್ಟೇ ತಿಳಿಯಬೇಕಾಗಿದೆ.

ಲಸಿಕೆ ಪಡೆದವರಲ್ಲಿ ಶೀತವಷ್ಟೇ ಕಾಣಿಸಿಕೊಂಡಿದೆ. ಕೆಲವರಲ್ಲಿ ಮೈಕೈ ನೋವು, ಉಸಿರಾಟದ ತೊಂದರೆ, ಮೈ ಬಿಸಿಯಾಗುವುದು, ರುಚಿ, ವಾಸನೆ ತಿಳಿಯದಿರುವುದು ಈ ಲಕ್ಷಣಗಳು ಕಂಡು ಬಂದಿದೆ.

ಹೊಸ ರೂಪಾಂತರ ತಡೆಗಟ್ಟುವುದು ಹೇಗೆ?

ನಿರ್ಲಕ್ಷ್ಯ ಮಾಡಬೇಡಿ, ಈ ಹಿಂದೆ ಪಾಲಿಸಿದ ಕೊರೊನಾ ನಿಯಮಗಳನ್ನು ಮುಂದುವರೆಸಿ, 2 ಡೋಸ್ ಲಸಿಕೆ ಪಡೆಯಿರಿ, ಬೂಸ್ಟರ್ ಕೂಡ ಪಡೆಯಿರಿ.