ತುರ್ತು ಸಂದರ್ಭದಲ್ಲಿ ಮಕ್ಕಳಿಗೆ ನೀಡಲು 5 ಕೋಟಿ ಕಾರ್ಬೆವ್ಯಾಕ್ಸ್ ಲಸಿಕೆ ಖರೀದಿ, ಇದರ ವಿಶೇಷತೆಯೇನು?

ತುರ್ತು ಸಂದರ್ಭದಲ್ಲಿ ಬಳಸಲು ಸಿದ್ಧವಾದ ಲಸಿಕೆ

ಈ 2ನೇ ಡೋಸ್‌ ಲಸಿಕೆಯನ್ನು ತುರ್ತು ಪರಿಸ್ಥಿತಿ ಸಂದರ್ಭದಲ್ಲಿ ನೀಡಲು ಖರೀದಿಸಲಾಗಿದೆ. ಈಗಾಗಲೇ ಮಕ್ಕಳಿಗೆ ಭಾರತ್‌ ಬಯೋಟೆಕ್‌ನ ಕೊವಾಕ್ಸಿನ್‌ ಹಗೂ ಜೈಡಸ್‌ ಕ್ಯಾಡಿಲಾದ ಜೈಕೋ-ಡಿ ಲಸಿಕೆಯನ್ನು ಮಕ್ಕಳಿಗಾಗಿ ಸಿದ್ಧ ಪಡಿಸಲಾಗಿದೆ. ಆದರೆ ಈಗ 15 ವರ್ಷ ಮೇಲ್ಪಟ್ಟ ಮಕ್ಕಳಿಗೆ ಬರೀ ಕೊವಾಕ್ಸಿನ್‌ ಲಸಿಕೆಯನ್ನಷ್ಟೇ 2 ಡೋಸ್‌ ನೀಡಲಾಗುತ್ತಿದೆ. ಬಯೋಲಾಜಿಕಲ್‌ E's ಕಾರ್ಬೆವ್ಯಾಕ್ಸ್‌ ಲಸಿಕೆಯನ್ನು ಬರೀ ತುರ್ತು ಸಂದರ್ಭದಲ್ಲಿ ಅಷ್ಟೇ ಬಳಸಲಾಗುವುದು.

ಕೋವಾವ್ಯಾಕ್ಸ್‌ಗೂ ತುರ್ತು ಸಂದರ್ಭದಲ್ಲಿ ಬಳಸಲು ಅನುಮತಿ

ಕೋವಿಶೀಲ್ಡ್‌ ತಯಾರಕರು ಕೋವಾವ್ಯಾಕ್ಸ್ ತಯಾರಿಸಿದ್ದು ಇದಕ್ಕೂ ತುರ್ತು ಸಂದರ್ಭದಲ್ಲಿ ಬಳಸಲು ಅನುಮತಿ ಇದೆ. ಕೋವಾವ್ಯಾಕ್ಸ್ ಅನ್ನು 12-17 ವರ್ಷದೊಳಗಿನ ಮಕ್ಕಳಿಗೆ ನೀಡಲಾಗುವುದು.

NTAGI (The National Technical Advisory Group on Immunisation) ಒಮಿಕ್ರಾನ್‌ ಡಾಟಾಗಳನ್ನು ಪರಿಶೀಲಿಸಿ, ಡಿಸೆಂಬರ್‌ -ಜನವರಿಯಲ್ಲಿ ಒಮಿಕ್ರಾನ್‌ನ3ನೇ ಅಲೆ ಇರಬಹುದು ಎಂದು ಹೇಳಲಾಗಿದೆ. ಈ ಗ್ರೂಪ್‌ ಲಸಿಕೆಗಳ ಉತ್ಪಾದನೆ ಹೆಚ್ಚಿಸಲು ವ್ಯಾಕ್ಸಿನೇಷನ್‌ ಸ್ಟ್ರಾಟಜಿ ಮೋಡಿಫಿಕೇಷನ್‌ಗೆ ಸಲಹೆ ನೀಡಿದೆ.

ವ್ಯಾಕ್ಸಿನೇಷನ್‌ ಸ್ಟ್ರಾಟಜಿಯನ್ನು ವಿಜ್ಞಾನಿಗಳ ಸಲಹೆ ಮೇರೆಗೆ ತಯಾರಿಸಲಾಗುವುದು. ಕೋವಾಕ್ಸಿನ್‌ ಉತ್ಪಾದನೆ ತಿಂಗಳಿಗೆ 5-6 ಕೋಟಿ ಇದೆ. ಈ ಲಸಿಕೆಯನ್ನು ಹದಿ ಹರೆಯದವರಿಗೆ ಮಾತ್ರವಲ್ಲ, ದೊಡ್ಡವರಿಗೂ ಪ್ರಿಕಾಷನ್ ಡೋಸ್ ಆಗಿ ನೀಡಲಾಗುವುದು. ಆದ್ದರಿಂದ ತುರ್ತು ಸಂದರ್ಭಕ್ಕೆ ಇತರ ಲಸಿಕೆಗಳ ಅವಶ್ಯಕತೆ ಇದೆ.

ಕಾರ್ಬೆವ್ಯಾಕ್ಸ್ ಲಸಿಕೆ ಎಷ್ಟು ಡೋಸ್ ನೀಡಲಾಗುವುದು

ಈ ಲಸಿಕೆಯನ್ನುದ 2 ಡೋಸ್‌ ಆಗಿ 28 ದಿನಗಳ ಅಂತರದಲ್ಲಿ ನೀಡಲಾಗುವುದು. ಇದನ್ನು 2-8 ಡಿಗ್ರಿ ಸೆಲ್ಸಿಯಸ್‌ನಲ್ಲಿ ಇಡಲಾಗುವುದು, ಇದನ್ನು 0.5ml, 5ml, 10ml ವಯಲ್‌ನಲ್ಲಿ ಸಪ್ಲೈ ಮಾಡಲಾಗುವುದು.

ಭಾರತದಲ್ಲಿ ಶೇ. 97ರಷ್ಟು ಜನರಿಗೆ ಒಂದು ಡೋಸ್‌ ಆದರೂ ಲಸಿಕೆ ಸಿಕ್ಕಿದೆ, ಪ್ರತಿಯೊಬ್ಬರು ಲಸಿಕೆ ಪಡೆಯುವಂತೆ ಸರ್ಕಾರ ಕಾಳಜಿ ವಹಿಸುತ್ತಿದೆ. ಇದೀಗ 15 ವರ್ಷ ಮೇಲ್ಪಟ್ಟ ಮಕ್ಕಳಿಗೆ ಲಸಿಕೆ ನೀಡಲಾಗುತ್ತಿದೆ. ತುರ್ತು ಸಂದರ್ಭ ಬಂದರೆ ಬಳಸಿಕೊಳ್ಳಲು ಈಗಾಗಲೇ ಲಸಿಕೆಗಳನ್ನು ಖರೀದಿಸುತ್ತಿದೆ. ಪ್ರತಿಯೊಬ್ಬರು ಲಸಿಕೆ ಹಾಕಿಸಿ, ಕೊರೊನಾ ತಡೆಗಟ್ಟಲು ಸಹಕಾರ ನೀಡಿ.