ಬ್ಲ್ಯಾಕ್, ವೈಟ್, ಯೆಲ್ಲೋ ಫಂಗಸ್: ಲಕ್ಷಣಗಳೇನು, ಯಾವುದು ಹೆಚ್ಚು ಅಪಾಯಕಾರಿ, ಚಿಕಿತ್ಸೆಯೇನು?

ಈ ಫಂಗಸ್‌ ಸಮಸ್ಯೆ ಯಾರಲ್ಲಿ ಕಂಡು ಬರುತ್ತಿದೆ?

ಮಧುಮೇಹಿಗಳಿಗೆ ಕೋವಿಡ್‌ 19 ಸೋಂಕು ತಗುಲಿದಾಗ ಚಿಕಿತ್ಸೆಯಲ್ಲಿ ಸ್ಟಿರಾಯ್ಡ್ ನೀಡಿದಾಗ ಬ್ಲ್ಯಾಕ್‌ ಫಂಗಸ್‌ ಬರುವ ಸಾಧ್ಯತೆ ತುಂಬಾನೇ ಇದೆ. ಶ್ವಾಸಕೋಶದಲ್ಲಿನ ಉರಿಯೂತ ಕಡಿಮೆ ಮಾಡಲು ಸ್ಟಿರಾಯ್ಡ್ ನೀಡಬೇಕಾಗುತ್ತದೆ, ಆದರೆ ಇದರಿಂದ ದೇಹದಲ್ಲಿ ಸಕ್ಕರೆಯಂಶ ತುಂಬಾನೇ ಹೆಚ್ಚುವುದು. ಇದು ಮಧುಮೇಹಿಗಳಿಗೆ ತುಂಬಾನೇ ಅಪಾಯಕಾರಿಯಾಗಿದೆ.

ಈಗ ಫಂಗಸ್‌ಗಳ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿಯೋಣ

ಬ್ಲ್ಯಾಕ್ ಫಂಗಸ್‌

ಬ್ಲ್ಯಾಕ್‌ ಫಂಗಸ್‌ನಲ್ಲಿ 3 ಬಗೆಯಿದೆ. ಮೊದಲನೆಯದು ಸಾಮಾನ್ಯವಾಗಿ ಮೂಗು, ಪ್ಯಾರಾನಾಸಲ್ ಸೈನಸಸ್, ಕಣ್ಣು, ಮೆದುಳಿಗೆ ಹಾನಿಯುಂಟು ಮಾಡುವುದು. ಮತ್ತೊಂದು ಅಂದ್ರೆ ಶ್ವಾಸಕೋಶದ ಮ್ಯೂಕಾರ್ಮೈಕೋಸಿಸ್ ಶ್ವಾಸಕೋಶಕ್ಕೆ ಹಾನಿಯುಂಟು ಮಾಡುವುದು, ಮೂರನೇಯದು ಕರುಳಿನ ಮ್ಯೂಕಾರ್ಮೈಕೋಸಿಸ್.

ಈ ಬ್ಲ್ಯಾಕ್ ಫಂಗಸ್‌ನ ಅಪಾಯವೆಂದರೆ ಇದು ರಕ್ತನಾಳಗಳನ್ನು ಸುತ್ತುವರೆದು ಅವುಗಳನ್ನು ನಾಶಪಡಿಸುತ್ತದೆ, ಇದರಿಂದಾಗಿ ಸಾವು ಸಂಭವಿಸುವುದು. ಅಂಗಾಂಗಗಳು ಸತ್ತಾಗ ಅದು ಕಪ್ಪಾಗುವುದರಿಂದ ಕಪ್ಪು ಬಣ್ಣದಲ್ಲಿ ಕಂಡು ಬರುವುದು.

ಬ್ಯಾಕ್‌ ಫಂಗಸ್‌: 2-6 ವಾರಗಳ ಕೋವಿಡ್ 19 ಚಿಕಿತ್ಸೆ ಪಡೆದವರಲ್ಲಿಈ ಸಮಸ್ಯೆ ಕಂಡು ಬರುತ್ತಿದೆ. ಕೆನ್ನೆಯಲ್ಲಿ ಊತ, ವಿಪರೀತ ತಲೆನೋವು, ಕಣ್ಣಿನ ಸುತ್ತ ಊತ, ಮೂಗಿನ ತುದಿಯಲ್ಲಿ ಕಪ್ಪು ಬಣ್ಣದ ವೇಸ್ಟ್, ಮೂಗು ಕಟ್ಟುವುದು, ಹಲ್ಲುಗಳು ಸಡಿಲವಾಗುವುದು ಇವೆಲ್ಲಾ ಇದರ ಲಕ್ಷಣಗಳಾಗಿವೆ.

* ಮೂಗು ಕಟ್ಟು ವುದು

* ರಕ್ತಸ್ರಾವ

* ಮೂಗಿನಿಂದ ಕಪ್ಪು ಬಣ್ಣದ ಗೊಣ್ಣೆ ಬರುವುದು

* ಮುಖದಲ್ಲಿ ನೋವು

* ಊತ

* ಮರಗಟ್ಟುವುದು

* ಕಣ್ಣುಗಳು ಮಂಜಾಗುವುದು

* ಕಣ್ಣುಗಳಲ್ಲಿ ನೀರು ತುಂಬುವುದು

ಈ ಲಕ್ಷಣಗಳನ್ನು ನಿರ್ಲಕ್ಷ್ಯ ಮಾಡಬೇಡಿ, ಇದು ಬ್ಲ್ಯಾಕ್‌ ಫಂಗಸ್‌ನ ಲಕ್ಷಣವಾಗಿದೆ.

ವೈಟ್‌ ಫಂಗಸ್

ಇದು ಕ್ಯಾಂಡಿಡಾ ಗುಂಪಿಗೆ ಸೇರಿದ ಫಂಗಸ್ ಆಗಿದೆ, ಇದು ಬಿಳಿ ಕೊಳಕಾಗಿದೆ, ಇದು ಕೂಡ ಕಡಿಮೆ ರೋಗ ನಿರೋಧಕ ಶಕ್ತಿ ಇರುವವರಿಗೆ, ಹೆಚ್‌ಐವಿ, ಕ್ಯಾನ್ಸರ್‌, ಟ್ರಾನ್ಸ್‌ಪ್ಲ್ಯಾಂಟ್‌ ಸರ್ಜರಿಗೆ ಒಳಗಾದವರಿಗೆ, ಮದುಮೇಹಿಗಳಿಗೆ ತಗುಲುವ ಸಾಧ್ಯತೆ ಹೆಚ್ಚು. ಇದು ಅಂಟು ಕಾಯಿಲೆ ಅಲ್ಲ, ಆದರೆ ವೈಟ್‌ ಫಂಗಸ್‌ ರೋಗಿ ಉಸಿರಾಡಿದಾಗ ಅದು ಅಂಗಾಂಗಗಳಿಗೆ ತಲುಪಿ ಹಾನಿಯುಂಟು ಮಾಡುವುದು. ಇದರ ಲಕ್ಷಣಗಳು

ವೈಟ್‌ ಫಂಗಸ್ ಲಕ್ಷಣಗಳು

* ಕೆಮ್ಮು

* ಜ್ವರ

* ಬೇಧಿ

*ಕುತ್ತಿಗೆ ಕಪ್ಪಾಗುವುದು, ಆಮ್ಲಜನಕದ ಕೊರತೆ

* ಊತ

* ಸೋಂಕು

* ವಿಪರೀತ ತಲೆನೋವು

* ನೋವು

ಯೆಲ್ಲೋ ಫಂಗಸ್

ಯೆಲ್ಲೋ ಫಂಗಸ್‌ ಎನ್ನುವುದು ಫಂಗಲ್ ಸೋಂಕಾಗಿದೆ, ಇತರ ಫಂಗಸ್‌ನಲ್ಲಿ ಲಕ್ಷಣಗಳು ಹೊರಗಡೆ ಕಂಡು ಬಂದರೆ ಇದರಲ್ಲಿ ಪತ್ತೆಯಾಗುವುದು ನಿಧಾನಕ್ಕೆ, ಆದರೆ ಇದನ್ನು ಪ್ರಾರಂಭದಲ್ಲಿಯೇ ಪತ್ತೆ ಹಚ್ಚದಿದ್ದರೆ ತುಂಬಾ ಅಪಾಯಕಾರಿಯಾಗಿದೆ. ಇದು ಪ್ಯಾರಾನ್ಯಾಸಲ್ ಸೈನಸಸ್, ಕಾಲುಗಳಿಗೆ ಹಾಗೂ ದೇಹದ ಇತರ ಅಂಗಗಳಿಗೆ ಬೇಗನೆ ಹಾನಿಯುಂಟು ಮಾಡುವುದು.

* ಶ್ವಾಸಕೋಶದಲ್ಲಿ ಉರಿಯೂತ

* ನ್ಯೂಮೋನಿಯಾ ಹಾಗೂ ಹಲ್ಲುಗಳು ಸಡಿಲವಾಗುವುದು

* ನ್ಯೂಮೋನಿಯಾ ವಿಥ್‌ ಫಂಗಲ್ ವಾಲ್

* ಆಲಸ್ಯ

* ಹೊಟ್ಟೆ ಹಸಿವು ಇಲ್ಲದಿರುವುದು

* ತೂಕ ಇಳಿಕೆ, ದುರ್ಬಲ ಚಯಾಪಚಯ ಕ್ರಿಯೆ

* ಕೆಂಪಾದ ಕಣ್ಣುಗಳು

ಚಿಕಿತ್ಸೆ:

ಬ್ಲ್ಯಾಕ್‌ ಫಂಗಸ್‌: ಬ್ಲ್ಯಾಕ್‌ ಫಂಗಸ್‌ ರೋಗಿಗಳು ENTತಜ್ಞರನ್ನು ಭೇಟಿ ಮಾಡಿ ಮೆದುಳಿನ MRI ಮಾಡಬೇಕು. ರಕ್ತ ಪರೀಕ್ಷೆ ಅಥವಾ ಸಿಟಿ ಸ್ಕ್ಯಾನ್‌ ಮಾಡಿದರೆ ತಿಳಿಯಲು ಸಾಧ್ಯವಿಲ್ಲ. ಇದಕ್ಕೆ Amphotericin ಮತ್ತು Bisavaconazole ಎಂಬ ಔಷಧ ನೀಡಲಾಗುವುದು. ಸೋಂಕಿನ ತೀವ್ರತೆ ಅಧಿಕವಿದ್ದರೆ ಸರ್ಜರಿ ಕೂಡ ಮಾಡಬೇಕಾಗುವುದು.

ವೈಟ್ ಫಂಗಸ್: ಇದನ್ನು ಗುಣ ಪಡಿಸುವುದು ಸುಲಭ, ಯಾವುದೇ ದುಬಾರಿ ಚಿಕಿತ್ಸೆ ಅಗ್ಯತವಿಲ್ಲ, ಅಲ್ಲದೆ ಮಧುಮೇಹಿಗಳಿಗೆ ಇದಕ್ಕೆ ನೇರ ಸಂಬಂಧವಿಲ್ಲ, ಆದರೆ ಸಕ್ಕರೆಯಂಶ ಅಧಿಕವಾದರೆ ಇದು ಬರುವ ಸಾಧ್ಯತೆ ಇದೆ.

ಯೆಲ್ಲೋ ಫಂಗಸ್‌: ಯೆಲ್ಲೋ ಫಂಗಸ್‌ಗೆ ಇರುವ ಒಂದೇ ಒಂದು ಚಿಕಿತ್ಸೆ ಎಂದರೆ Amphotericin B injection ನೀಡಲಾಗುವುದು. ಲಕ್ಷಣಗಳನ್ನು ಗಮನಿಸುತ್ತಲೇ ಇರಬೇಕು, ಏನಾದರೂ ಲಕ್ಷಣಗಳು ಕಂಡು ಬಂದರೆ ಕೂಡಲೇ ಆಸ್ಪತ್ರೆಗೆ ಹೋಗಬೇಕು.

ಈ ಫಂಗಸ್‌ಗಳು ಕೋವಿಡ್‌ 19 ಸೋಂಕಿತರಲ್ಲಿ ಕಾಣಿಸುತ್ತಿರುವುದು ಏಕೆ?

ಕೊರೊನಾ 2ನೇ ಅಲೆಯಲ್ಲಿ ಮಿತಿ ಮೀರಿದ ಸ್ಟಿರಾಯ್ಡ್ ಬಳಕೆ ಹಾಗೂ ನಿಯಂತ್ರಣಕ್ಕೆ ಬಾರದ ಮಧುಮೇಹ ಫಂಗಲ್‌ ಸೋಂಕಿಗೆ ಕಾರಣವಾಗಿದೆ. ಈ ರೀತಿಯ ಸೋಂಕು ಕ್ಯಾನ್ಸರ್, ಲುಕೆಮಿಯಾ, HIV ಹೀಗೆ ದುರ್ಬಲ ರೋಗ ನಿರೋಧಕ ಇರುವವರಿಗೆ ಬರುವುದು. ಯಾರು ತುಂಬಾ ಸಮಯ ವೆಂಟಿಲೇಟರ್ ಚಿಕಿತ್ಸೆ ಪಡೆಯುತ್ತಾರೋ ಅವರಲ್ಲಿ ಈ ರೀತಿಯ ಸೋಂಕು ಕಂಡು ಬರುವುದು.

3 ಫಂಗಸ್ ತಡೆಗಟ್ಟುವುದು ಹೇಗೆ?

* ಶುಚಿತ್ವ ಕಡೆ ತುಂಬಾನೇ ಗಮನ ನೀಡಬೇಕು. ಸುತ್ತ ಮುತ್ತಲಿನ ಪ್ರದೇಶ ಸ್ವಚ್ಛವಾಗಿಡಿ.

* ,ಮನೆಯಲ್ಲಿ ಹಳೆಯ ಆಹಾರ ಇಡಬೇಡಿ.

* ತುಂಬಾ ತೇವ-ತೇವ ಇಡಬೇಡಿ, ಅಲ್ಲದೆ ಒಣ ಮಾಸ್ಕ್ ಬಳಸಿ.

* ಆಕ್ಸಿಜನ್ ಸಿಲಿಂಡರ್‌ಗಳನ್ನು ಸೂಕ್ತ ರೀತಿಯಲ್ಲಿ ಸ್ಯಾನಿಟೈಸ್ ಮಾಡಿ.