ಮಾಸ್ಕ್‌ ಹೀಗೆ ಬಳಸಿದರೆ ಬ್ಲ್ಯಾಕ್‌ ಫಂಗಸ್ ಅಪಾಯ ಅಧಿಕ

ಬ್ಲ್ಯಾಕ್‌ ಫಂಗಸ್‌ಗೆ ಪ್ರಮುಖ ಕಾರಣವೇನು?

ಬ್ಲ್ಯಾಕ್‌ ಫಂಗಸ್‌ಗೆ ಒಂದು ಪ್ರಮುಖ ಕಾರಣವೆಂದರೆ ನಿಯಂತ್ರಣಕ್ಕೆ ಬಾರದ ಮಧುಮೇಹ, ಅಲ್ಲದೆ ವೆಂಟಿಲೇಟರ್‌ನಲ್ಲಿರುವ ರೋಗಿಯ ಚೇತರಿಕೆಗೆ ಬಳಸುತ್ತಿರುವ ಸ್ಟಿರಾಯ್ಡ್ ಹಾಗೂ ಟೊಸಿಲಿಜುಮಾ, ಆಕ್ಸಿಜನ್‌ ಸಪ್ಲಿಮೆಂಟ್ ಇವೆಲ್ಲಾ ಬ್ಲ್ಯಾಕ್‌ ಫಂಗಸ್‌ಗೆ ಪ್ರಮುಖ ಕಾರಣಗಳಾಗಿವೆ.

ಕೋಲ್ಡ್ ಆಕ್ಸಿಜನ್‌ನಿಂದ ಕೂಡ ಬ್ಲ್ಯಾಕ್‌ ಫಂಗಸ್‌ ಬರುವುದು

ರೋಗಿಗೆ ಕೋಲ್ಡ್‌ ಆಕ್ಸಿಜನ್ ನೀಡುವುದು ಮತ್ತು ಆ್ಯಂಟಿ ಫಂಗಲ್‌ ಡ್ರಗ್‌ Posaconazole ನೀಡುವುದರಿಂದಲೂ ಬ್ಲ್ಯಕ್‌ ಫಂಗಸ್‌ ಉಂಟಾಗುತ್ತಿದೆ. ಕೋಲ್ಡ್‌ ಆಕ್ಸಿಜನ್‌ ಅನ್ನು ಸಿಲಿಂಡರ್‌ನಿಂದ ನೇರವಾಗಿ ತುಂಬಾ ಅಪಾಯಕಾರಿ ಎಂದು ಡಾ. ಚಂದ್ರ ಹೇಳಿದ್ದಾರೆ.

ಮಾಸ್ಕ್‌ ತುಂಬಾ ಸಮಯ ಬಳಸುವುದರಿಂದಲೂ ಬ್ಲ್ಯಾಕ್‌ ಫಂಗಸ್‌ ಬರುವುದು

ಮಾಸ್ಕ್‌ ಅನ್ನು ತುಂಬಾ ಸಮಯ ಬಳಕೆ ಮಾಡುವುದು ಕೂಡ ಬ್ಲ್ಯಾಕ್‌ ಫಂಗಸ್‌ಗೆ ಒಂದು ಕಾರಣವಾಗಿದೆ. ಬಟ್ಟೆ ಮಾಸ್ಕ್‌ ಧರಿಸುವವರು ಪ್ರತಿದಿನ ತೊಳೆಯಬೇಕು, ಹಾಗೂ ಒಣಗಿದ ಮಾಸ್ಕ್‌ ಧರಿಸಿಬೇಕು. ಬಟ್ಟೆ ಮಾಸ್ಕ್‌ಗೆ ಇಸ್ತ್ರಿ ಹಾಕಿ ಬಳಸುವುದು ಮತ್ತಷ್ಟು ಸುರಕ್ಷಿತ.

N95 ಮಾಸ್ಕ್‌ ಬಳಸುವವರು 5 ಬಾರಿ ಬಳಕೆ ಮಾಡಿದ ಬಳಿಕ ಅದನ್ನು ಡಿಸ್ಪೋಸ್ (ಕಸದ ಬುಟ್ಟಿಗೆ ಹಾಕಿ).

ಒಂದೇ ಮಾಸ್ಕ್‌ ಅನ್ನು ವಾರ ಪೂರ್ತಿ ಬಳಸುವುದು, ಒದ್ದೆ ಮಾಸ್ಕ್ ಬಳಸುವುದು ಇವು ಬ್ಲ್ಯಾಕ್‌ ಫಂಗಸ್ ಅಪಾಯ ಹೆಚ್ಚಿಸುವುದು.

ಗಾಳಿ ಚೆನ್ನಾಗಿ ಓಡಾಡುವ ರೂಮಿನಲ್ಲಿರಿ

ಕೋವಿಡ್‌ ಸೋಂಕಿನಿಂದ ಚೇತರಿಸಿದವರನ್ನು ಗಾಳಿ ಚೆನ್ನಾಗಿ ಓಡಾಡುವ ರೂಮಿನಲ್ಲಿ ಇರಿಸಿ. ಗಾಳಿ ಕಡಿಮೆ ಇರುವ ಕೋಣೆ, ವಾಶ್‌ ಮಾಡದೇ ಬಳಸುವ ಮಾಸ್ಕ್‌ ಬ್ಲ್ಯಾಕ್‌ ಫಂಗಸ್‌ ಬರಲು ಕಾರಣವಾಗುವುದು.

ಸ್ವಯಂ ಚಿಕಿತ್ಸೆ ಬೇಡ

ಕೆಲ ಸೋಂಕಿತರು ಸ್ಟಿರಾಯ್ಡ್ ಚಿಕಿತ್ಸೆಯನ್ನು ಸ್ವಯಂ ತೆಗೆದುಕೊಳ್ಳುತ್ತಾರೆ, ಅಂಥವರಲ್ಲಿ ಕೂಡ ಈ ಬ್ಲ್ಯಾಕ್‌ ಫಂಗಸ್ ಕಂಡು ಬರುತ್ತಿದೆ.