ತುಟಿ ಮತ್ತು ಗಲ್ಲದ ಸುತ್ತಲಿನ ಕಪ್ಪು ಕಲೆ ನಿವಾರಣೆಗೆ ಮನೆಮದ್ದುಗಳು

ಆಲೂಗಡ್ಡೆ

ನೈಸರ್ಗಿಕವಾಗಿ ಬ್ಲೀಚಿಂಗ್ ಗುಣ ಹೊಂದಿರುವ ಆಲೂಗಡ್ಡೆಯಲ್ಲಿ ತುಟಿ ಹಾಗೂ ಗಲ್ಲದ ಸುತ್ತಲು ಇರುವಂತಹ ಕಪ್ಪು ಕಲೆಗಳನ್ನು ನಿವಾರಣೆ ಮಾಡುವ ಸಾಮರ್ಥ್ಯವಿದೆ. ಹಸಿ ಆಲೂಗಡ್ಡೆ ಕತ್ತರಿಸಿಕೊಂಡು ಅದನ್ನು ಬಾಧಿತ ಜಾಗದಲ್ಲಿ ಇಟ್ಟುಬಿಡಿ. 15-20 ನಿಮಿಷ ಕಾಲ ಇದನ್ನು ಹಾಗೆ ಬಿಡಿ. ಬಳಿಕ ತಣ್ಣೀರಿನಿಂದ ಮುಖ ತೊಳೆಯಿದಿ. ಉತ್ತಮ ಫಲಿತಾಂಶಕ್ಕಾಗಿ ದಿನಲೂ ಇದನ್ನು ಬಳಸಿ.

ಲಿಂಬೆರಸ

ಸಿಟ್ರಿಕ್ ಆಮ್ಲವನ್ನು ಹೊಂದಿರುವ ಲಿಂಬೆರಸವು ತುಟಿ ಹಾಗೂ ಗಲ್ಲದ ಸುತ್ತಲು ಇರುವ ಕಪ್ಪು ಕಲೆ ನಿವಾರಣೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು. ಎರಡು ಚಮಚ ಲಿಂಬೆರಸ ಮತ್ತು ಒಂದು ಚಮಚ ರೋಸ್ ವಾಟರ್ ಮಿಶ್ರಣ ಮಾಡಿಕೊಳ್ಳಿ. ಇದರಲ್ಲಿ ಹತ್ತಿ ಉಂಡೆ ಅದ್ದಿಕೊಂಡು ಬಾಧಿತ ಪ್ರದೇಶಕ್ಕೆ ಹಚ್ಚಿಕೊಳ್ಳಿ. 10-15 ನಿಮಿಷ ಬಿಟ್ಟು ತಣ್ಣೀರಿನಿಂದ ಮುಖ ತೊಳೆಯಿರಿ. ಉತ್ತಮ ಫಲಿತಾಂಶಕ್ಕಾಗಿ ವಾರದಲ್ಲಿ 4-5 ಸಲ ಇದನ್ನು ಬಳಸಿ.

ಅಲೋವೆರಾ ಲೋಳೆ

ಅಲೋವೆರಾ ಲೋಳೆಯಲ್ಲಿ ಇರುವಂತಹ ಪೋಷಣೆ ನೀಡುವಂತಹ ಗುಣವು ಚರ್ಮಕ್ಕೆ ಸಂಬಂಧಿಸಿದ ಸಮಸ್ಯೆಗಳಿಗೆ ಅತ್ಯಂತ ಪರಿಣಾಮಕಾರಿ ಮನೆಮದ್ದು. ಬಾಧಿತ ಪ್ರದೇಶಕ್ಕೆ ಸಂಪೂರ್ಣವಾಗಿ ಅಲೋವೆರಾ ಜೆಲ್ ಹಚ್ಚಿಕೊಳ್ಳಿ ಮತ್ತು ಒಂದು ಗಂಟೆ ಕಾಲ ಹಾಗೆ ಬಿಟ್ಟು ಬಳಿಕ ತಣ್ಣೀರಿನಿಂದ ತೊಳೆಯಿರಿ. ಫಲಿತಾಂಶ ಪರಿಣಾಮಕಾರಿಯಾಗಬೇಕಾದರೆ ಹಲವಾರು ಸಲ ಈ ಮನೆಮದ್ದನ್ನು ಬಳಸಿ.

ಶ್ರೀಗಂಧದ ಹುಡಿ

ಚರ್ಮ ಬಿಳಿಗೊಳಿಸುವ ಗುಣ ಹೊಂದಿರುವ ಶ್ರೀಗಂಧದ ಹುಡಿಯು ತುಟಿ ಮತ್ತು ಗಲ್ಲದ ಸುತ್ತಲಿನ ಕಪ್ಪು ಚರ್ಮವನ್ನು ತೆಗೆದುಹಾಕುವುದು. ಒಂದು ಚಮಚ ಶ್ರೀಗಂಧದ ಹುಡಿಗೆ ಎರಡು ಚಮಚ ರೋಸ್ ವಾಟರ್ ಹಾಕಿ ಮಿಶ್ರಣ ಮಾಡಿ ಮತ್ತು ಈ ಪೇಸ್ಟ್ ಅನ್ನು ಬಾಧಿತ ಪ್ರದೇಶಕ್ಕೆ ಹಚ್ಚಿ. 30 ನಿಮಿಷ ಬಳಿಕ ಸ್ವಲ್ಪಬೆಚ್ಚಗಿನ ನೀರಿನಿಂದ ತೊಳೆಯಿರಿ. ವೇಗದ ಫಲಿತಾಂಶ ಬೇಕೆಂದರೆ ವಾರದಲ್ಲಿ 3-4 ಸಲ ಇದನ್ನು ಬಳಸಿ.

ಜೇನುತುಪ್ಪ

ಆ್ಯಂಟಿಆಕ್ಸಿಡೆಂಟ್ ನಿಂದ ಸಮೃದ್ಧವಾಗಿರುವ ಜೇನುತುಪ್ಪವನ್ನು ಚರ್ಮ ಬಿಳಿಗೊಳಿಸುವ ಉದ್ದೇಶದಿಂದ ಬಳಸಲಾಗುತ್ತದೆ. ಇದನ್ನು ನಿಯಮಿತವಾಗಿ ಬಳಸಿಕೊಂಡರೆ ತುಟಿ ಹಾಗೂ ಗಲ್ಲದ ಸುತ್ತಲು ಇರುವ ಕಪ್ಪು ಚರ್ಮವನ್ನು ಹೋಗಲಾಡಿಸಬಹುದು. ಜೇನು ತುಪ್ಪವನ್ನು ಬಾಧಿತ ಪ್ರದೇಶಕ್ಕೆ ಹಚ್ಚಿಕೊಂಡು 15-20 ನಿಮಿಷ ಕಾಲ ಹಾಗೆ ಬಿಡಿ. ಬಳಿಕ ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಫಲಿತಾಂಶಕ್ಕಾಗಿ ದಿನಕ್ಕೆ ಒಂದು ಸಲ ಹೀಗೆ ಮಾಡಿ.

ಅರಿಶಿನ

ಚರ್ಮಕ್ಕೆ ನೆರವಾಗುವಂತಹ ಆ್ಯಂಟಿಆಕ್ಸಿಡೆಂಟ್ ಗಳನ್ನು ಹೊಂದಿರುವ ಅರಶಿನವನ್ನು ಹಿಂದಿನಿಂದಲೂ ಚರ್ಮದ ಆರೈಕೆಯಲ್ಲಿ ಬಳಸಿಕೊಂಡು ಬರಲಾಗುತ್ತಾ ಇದೆ. ಇದು ತುಟಿ ಮತ್ತು ಗಲ್ಲದ ಸುತ್ತಲಿನ ಕಪ್ಪು ಚರ್ಮವನ್ನು ಬಿಳಿಯಾಗಿಸುವುದು.ಒಂದು ಚಮಚ ಮೊಸರಿನೊಂದಿಗೆ ಒಂದು ಚಿಟಿಕೆ ಅರಿಶಿನ ಹಾಕಿ ಮಿಶ್ರಣ ಮಾಡಿ. ಈ ಪೇಸ್ಟ್ ಅನ್ನು ಬಾಧಿತ ಪ್ರದೇಶಕ್ಕೆ ಸಂಪೂರ್ಣವಾಗಿ ಹಚ್ಚಿಕೊಳ್ಳಿ. 10-15 ನಿಮಿ ಕಾಲ ಹಾಗೆ ಬಿಡಿ. ಇದರ ಬಳಿಕ ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ. ವಾರದಲ್ಲಿ ಒಂದು ಸಲ ಬಳಸಿದರೆ ಫಲಿತಾಂಶ ಸಿಗುವುದು.

ಓಟ್ ಮೀಲ್

ಓಟ್ ಮೀಲ್ ನಲ್ಲಿ ಇರುವಂತಹ ಕಿತ್ತುಹಾಕುವಂತಹ ಗುಣವು ಚರ್ಮದಲ್ಲಿರುವ ಕಲ್ಮಷವನ್ನು ತೆಗೆದುಹಾಕುವುದು. ಇದರಿಂದ ಚರ್ಮವು ಬಿಳಿಯಾಗುವುದು. ಒಂದು ಚಮಚ ಓಟ್ ಮೀಲ್ ಗೆ ಅರ್ಧ ಚಮಚ ರೋಸ್ ವಾಟರ್ ಮತ್ತು ಅರ್ಧ ಚಮಚ ತೆಂಗಿನ ಎಣ್ಣೆ ಹಾಕಿ ಮಿಶ್ರಣ ಮಾಡಿ. ಬಾಧಿತ ಚರ್ಮಕ್ಕೆ ಇದನ್ನು ಸರಿಯಾಗಿ ಉಜ್ಜಿಕೊಳ್ಳಿ. ಬಳಿಕ ಸ್ವಲ್ಪ ಬಿಸಿನೀರಿನಿಂದ ತೊಳೆಯಿರಿ. ವಾರದಲ್ಲಿ 2-3 ಸಲ ಇದನ್ನು ಬಳಸಿಕೊಂಡರೆ ನಿಮಗೆ ಫಲಿತಾಂಶ ಸಿಗುವುದು.

ಆಲಿವ್ ತೈಲ

ಎಲ್ಲಾ ರೀತಿಯ ಚರ್ಮ ಸಂಬಂಧಿ ಸಮಸ್ಯೆಗಳಿಗೆ ಪರಿಣಾಮಕಾರಿ ಮನೆಮದ್ದಾಗಿರುವ ಆಲಿವ್ ತೈಲದಲ್ಲಿ ಚರ್ಮವನ್ನು ಬಿಳಿಯಾಗಿಸುವ ಗುಣವಿರುವುದು. ಇದು ತುಟಿ ಹಾಗೂ ಗಲ್ಲದ ಸುತ್ತಲಿನ ಚರ್ಮವನ್ನು ಬಿಳಿಗೊಳಿಸುವುದು. ಬಾಧಿತ ಜಾಗಕ್ಕೆ ಆಲಿವ್ ತೈಲ ಹಚ್ಚಿಬಿಡಿ ಮತ್ತು ರಾತ್ರಿಯಿಡಿ ಇದನ್ನು ಹಾಗೆ ಬಿಡಿ. ಬೆಳಗ್ಗೆ ತಣ್ಣೀರಿನಿಂದ ತೊಳೆಯಿರಿ. ತುಟಿ ಮತ್ತು ಗಲ್ಲದ ಸುತ್ತಲಿನ ಕಪ್ಪು ಕಲೆ ಮಾಯವಾಗುವ ತನಕ ಪ್ರತಿನಿತ್ಯ ಇದನ್ನು ಬಳಸಿ.